କୋଲକାତା: ଟିମ୍ ଇଣ୍ଡିଆର ଓପ୍ନର ରୋହିତ୍ ଶର୍ମା ବ୍ୟାଟିଂ ସହ ଜବରଦସ୍ତ ଫିଲ୍ଡିଂ ମଧ୍ୟ କରନ୍ତି। ଏହାର ଏକ ଝଲକ ବାଂଲାଦେଶ ବିପକ୍ଷ ପିଙ୍କ୍ ବଲ୍ ଟେଷ୍ଟ ମ୍ୟାଚର ପ୍ରଥମ ଦିନସରେ ଦେଖିବାକୁ ମିଳିଛି। ରୋହିତ୍ ବାଂଲାଦେଶ ଟିମର କ୍ୟାପଟେନ୍ ମୋମିନୁଲ୍ ହକଙ୍କ ଆକର୍ଷଣୀୟ କ୍ୟାଚ୍ ଧରିଛନ୍ତି। ଉମେଶ ଯାଦବଙ୍କ ଦ୍ୱିତୀୟ ସ୍ପେଲର ପ୍ରଥମ ବଲରେ ରୋହିତ୍ ଦ୍ୱିତୀୟ ସ୍ଲିପରେ ଏହି କ୍ୟାଚ୍ ନେଇଥିଲେ। କ୍ୟାପଟେନ୍ ମୋମିନୁଲ୍ ଖାତା ଖୋଲିବା ପୂର୍ବରୁ ପ୍ୟାଭିଲିୟନ୍ ଫେରିଥିଲେ।
Stunner taken by Rohit 😍🔥 #RohitSharma #INDvBAN pic.twitter.com/FC2fCPZlaD
— ☺ (@PranayThuppari) November 22, 2019
ବାଂଲାଦେଶ ଇନିଂସର ଏକାଦଶ ଓଭରରେ ବୋଲିଂ କରୁଥିଲେ ଉମେଶ। ଏହି ସମୟରେ ରୋହିତ୍ ଦ୍ୱିତୀୟ ସ୍ଲିପରେ ଫିଲ୍ଡିଂ କରୁଥିଲେ। ଉମେଶଙ୍କ ପ୍ରଥମ ବଲ୍ ମୋମିନୁଲଙ୍କ ବ୍ୟାଟରେ ବାଜି ସିଧା ସ୍ଲିପକୁ ଯାଇଥିଲା, ଯେଉଁଠାରେ ରୋହିତ୍ ନିଜର ଡାହାଣ ପଡ଼କୁ ଡାଇଭ୍ ମାରି ଏହି କ୍ୟାଚଟି ନେଇଥିଲେ। ଏହି ଚମତ୍କାର କ୍ୟାଚ୍ ପରେ ଭାରତୀୟ ଖେଳାଳିମାନେ ରୋହିତଙ୍କୁ ବଧେଇ ଜଣାଇଥିଲେ।