ମୁମ୍ବାଇ: ଚାମ୍ପିୟନ୍ସ ଟ୍ରଫିରେ ଭାଗ ନେବ ଟିମ୍ ଇଣ୍ଡିଆ। ଏନେଇ ବିସିସିଆଇ ସବୁଜ ସଂକେତ ଦେଇଛି। ଆଜି ବିସିସିଆଇର ସ୍ୱତନ୍ତ୍ର ସାଧାରଣ ବୈଠକରେ ଏହି ନିଷ୍ପତ୍ତି ନିଆଯାଇଛି। ଆସନ୍ତାକାଲି ଚାମ୍ପିୟନ୍ସ ଟ୍ରଫି ପାଇଁ ଭାରତୀୟ ଦଳ ଘୋଷଣା ହେବ। ମ୍ୟାଚ ଫିକୁ ନେଇ ବିସିସିଆଇ ଚାମ୍ପିୟନ୍ସ ଟ୍ରଫିରୁ ଓହରି ଯିବାକୁ ଚେତାବନୀ ଦେଇଥିଲା ବିସିସିଆଇ ଅଧିକ ପାଉଣା ପାଇଁ ଆଇସିସି ନିକଟରେ ଦାବି କରିଥିଲା କିନ୍ତୁ ଏହାକୁ ଆଇସିସିର ଅନ୍ୟ ସଦସ୍ୟମାନେ ବିରୋଧ କରିଥିଲେ। ଏଥିଯୋଗୁ ଭାରତ ଏକଘରିକିଆ ହେବା ସହ ଚାମ୍ପିୟନ୍ସ ଟ୍ରଫିରୁ ଓହରି ଯିବାକୁ ଚେତାବନୀ ଦେଇଥିଲା। ବିସିସିଆଇର ଏହି ନିଷ୍ପତ୍ତିକୁ ପରାମର୍ଶଦାତା କମିଟି ବିରୋଧ କରିବା ସହ ଦଳ ଘୋଷଣା ପାଇଁ ନିର୍ଦ୍ଦେଶ ଦେଇଥିଲା ଏନେଇ ଆଜି ଦିଲ୍ଳୀରେ ବିସିସିଆଇର ସ୍ୱତନ୍ତ୍ର ସାଧାରଣ ବୈଠକ ଡକାଯାଇଥିଲା।
ଜୁନ ପହିଲାରୁ ଚାମ୍ପିୟନ୍ସ ଟ୍ରଫି ଇଂଲଣ୍ଡରେ ଆରମ୍ଭ ହେବ ଏଥିରେ ୮ଟି ଦଳ ଭାଗନେବେ। ୨୦୧୩ରେ ଚାମ୍ପିୟନ୍ସ ଟ୍ରଫି ବିଜେତା ଭାରତୀୟ ଟିମ୍ ପୁଣି ଥରେ ଟାଇଟଲ ପାଇଁ ପଡିଆକୁ ଓହ୍ଳାଇବ।
Picture Courtesy-cricket country