କୋଲକାତା: ଅନ୍ତର୍ଜାତୀୟ ତୀରନ୍ଦାଜୀ ସଂଘରୁ ସସପେଣ୍ଡ ହୋଇଥିବା ଭାରତୀୟ ତୀରନ୍ଦାଜ ଏଠାରେ ଏସିଆନ୍ ଚାମ୍ପିୟନଶିପର ରିକର୍ଭ ବର୍ଗରେ ବ୍ରୋଞ୍ଜ ପଦକ ଜିତିବା ସହ କମ୍ପାଉଣ୍ଡର ମିକ୍ସଡ ଇଭେଣ୍ଟରେ ମଧ୍ୟ ଅତିକମରେ ରୌପ୍ୟ ପଦକ ପକ୍କା କରିଛି। ଭାରତୀୟ ମହାସଂଘର ସସପେଣ୍ଡ କାରଣରୁ ନିରପେକ୍ଷ ଧ୍ୱଜା ଅଧୀନରେ ଭାଗ ନେଉଥିବା ଭାରତୀୟ ତୀରନ୍ଦାଜ ରିକର୍ଭର ମିକ୍ସଡ୍ ବର୍ଗରେ ବ୍ରୋଞ୍ଜ ପଦକ ଜିତିଛନ୍ତି।
ଅତନୁ ଦାସ ଓ ଦୀପିକା କୁମାରୀଙ୍କ ମିକ୍ସଡ୍ ଭାରତୀୟ ଯୋଡ଼ି ଚୀନର ୟିଚାଇ ଝେଙ୍ଗ ଓ ଶାଓଜୁଆନ୍ ୱେଇଙ୍କ ଯୋଡ଼ିକୁ ୬-୨ରେ ହରାଇଛନ୍ତି। କମ୍ପାଉଣ୍ଡ୍ ବର୍ଗରେ ଅଭିଷେକ ବର୍ମା ଓ ଜ୍ୟୋତି ସୁରେଖା ଭେନ୍ନାମଙ୍କ ଭାରତୀୟ ଯୋଡ଼ି କୋରିଆ ଯୋଡ଼ିଙ୍କୁ ୧୫୯-୧୫୪ରେ ହରାଇ ଫାଇନାଲରେ ସ୍ଥାନ ପକ୍କା କରିଛନ୍ତି।
ବୁଧବାର ଖେଳାଯିବାକୁଥିବା ଫାଇନାଲରେ ଭାରତୀୟ ଯୋଡ଼ିଙ୍କ ସାମ୍ନା ଚାଇନିଜ୍ ତାଇପେଇ ଯୋଡ଼ି ସହ ହେବ। ଟିମ୍ ମୁକାବିଲା ବୁଧବାରଠାରୁ ଆରମ୍ଭ ହେବ। ଭାରତୀୟ ମହିଳା ତୀରନ୍ଦାଜ ଗୁରୁବାର କ୍ୱାଲିଫିକେସନ ରାଉଣ୍ଡରେ ଅଲିମ୍ପିକ୍ କୋଟା ହାସଲ କରିବାକୁ ପ୍ରୟାସ କରିବୁ।