ଏସିଆନ୍‌ ନେସନ୍ସ କପ୍‌ ଚେସ୍‌ ଟୁର୍ଣ୍ଣାମେଣ୍ଟରେ ଭାରତୀୟ ପୁରୁଷ ଦଳର ବିଜୟ

ଆବୁଧାବୀ: ଏସିଆନ୍‌ ନେସନ୍ସ କପ୍‌ ଚେସ୍‌ ଟୁର୍ଣ୍ଣାମେଣ୍ଟର ଫାଇନାଲ୍‌ ରାଉଣ୍ଡରେ ଭାରତୀୟ ପୁରୁଷ ଦଳ ଭିଏତନାମ୍‌କୁ  ୩-୧ରେ ପରାସ୍ତ କରିଛି। ଏହାସହ ଚୀନ୍‌କୁ ଦ୍ୱିତୀୟ ସ୍ଥାନକୁ ଠେଲି ଦେଇଛି।

ଚୀନ୍‌ରେ ବିଶ୍ୱ ଓ ଅଲିମ୍ପିଆଡ୍‌ ଚାମ୍ପିୟନ୍ସସିପ୍‌ରେ ଭାରତ ୧୭ ପଏଣ୍ଟ ହାସଲ କରି ଟାଇଟଲ୍‌ ହାତେଇଛି। ଫାଇନାଲ ରାଉଣ୍ଡ ମ୍ୟାଚ୍‌ରେ ଟପ୍‌ ସିଡ୍‌ ଚାଇନା ୟୁଏଇକୁ ୪-୦ରେ ପରାସ୍ତ କରିଛି। ସେହିପରି କାଜଖାସ୍ତାନ ଓ ଇରାନ୍‌ ଯଥାକ୍ରମେ ତୃତୀୟ ଓ ଚତୁର୍ଥ ସ୍ଥାନରେ ରହିଛନ୍ତି।

ଭିଏତନାମ୍‌ ବିପକ୍ଷ ଫାଇନାଲ ମ୍ୟାଚ୍‌ରେ ଗ୍ରାଣ୍ଡମାଷ୍ଟର ଏସ୍‌ପି ସେଥୁରମଣ ଓ କେ ଶଶିକିରଣ ଦ୍ୱିତୀୟ ଓ ଚତୁର୍ଥ ବୋଡରେ ଜିତିଥିବା ବେଳେ ଗ୍ରାଣ୍ଡମାଷ୍ଟର ବି ଅଧିବାନ୍‌ ଓ ବିଦିତ୍‌ ସନ୍ତୋଷ ଗୁଜରାଥି ସେମାନଙ୍କ ଶୀର୍ଷ ଓ ତୃତୀୟ ବୋର୍ଡ ମ୍ୟାଚ୍‌କୁ ଡ୍ର ରଖିଛନ୍ତି।

ତୃତୀୟ ଥର ପାଇଁ ଭାରତ ଏହି ଇଭେଣ୍ଟକୁ ହାତେଇଛି।

ଏହା ପୂର୍ବରୁ ଭାରତ ୨୦୦୯ରେ କୋଲକାତା ଓ ୨୦୦୫ରେ ଇରାନ୍‌ ଇସ୍‌ଫାହାନ୍‌ରେ ଏହି ଟୁର୍ଣ୍ଣାମେଣ୍ଟ ଜିତିଥିବା ବେଳେ ଚୀନ୍ ଏହି ପ୍ରତିଯୋଗିତାରେ ଭାଗ ନେଇ ନ ଥିଲା। ତେଣୁ ଭାରତ ପୁରୁଷ ବର୍ଗଙ୍କ ଏହି ବିଜୟ ସ୍ମରଣୀୟ ହୋଇ ରହିବ।

ସେହିପରି ମହିଳା ବର୍ଗରେ ଟପ୍‌ ସିଡ୍‌ ଚୀନ୍ ୧୫ ପଏଣ୍ଟ ଜିତି ଟାଇଟଲ୍‌ ହାତେଇଥିବା ବେଳେ ଉଜ୍‌ବେକିସ୍ତାନ ୧୪ ପଏଣ୍ଟ ସହ ଦ୍ୱିତୀୟ ସ୍ଥାନ ଓ କାଜାଖସ୍ତାନ ୧୩ ପଏଣ୍ଟ ସହ ତୃତୀୟ ସ୍ଥାନରେ ରହିଛି।

ଭାରତୀୟ ମହିଳା ଦଳ ୧୨ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି।