ଶାରଜା: ଆଇପିଏଲର ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ମୁହାଁମୁହିଁ ହେଉଛନ୍ତି କିଙ୍ଗସ ଏକାଦଶ ପଞ୍ଜାବ ଓ କୋଲକାତା ନାଇଟ ରାଇଡର୍ସ। ଏହି ମ୍ୟାଚ୍ରେ ପଞ୍ଜାବ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି। ଏହାର ଅର୍ଥ କୋଲକାତା ନାଇଟ ରାଇଡର୍ସ ପ୍ରଥମେ ବ୍ୟାଟିଂ କରିବ।
ଉଭୟ ଦଳ ପାଇଁ ଆଜିର ମ୍ୟାଚ୍ ବେଶ ଗୁରୁତ୍ୱପୂର୍ଣ୍ଣ। କାରଣ ପ୍ଲେ-ଅଫ ଖେଳିବାକୁ ଏହି ମ୍ୟାଚ୍ ଜିତିବା ଉଭୟ ଦଳଙ୍କ ପାଇଁ ନିହାତି ଜରୁରୀ। ଏବେ ପଞ୍ଜାବ ପଏଣ୍ଟ ଟେବୁଲର ୬ଷ୍ଠ ସ୍ଥାନରେ ଥିବା ବେଳେ କୋଲକାତା ୫ମ ସ୍ଥାନରେ ରହିଛି।
ଆଜିର ମ୍ୟାଚ୍ରେ ପଞ୍ଜାବ ତା’ର ଚୂଡ଼ାନ୍ତ ଏକାଦଶରେ କୌଣସି ପରିବର୍ତ୍ତନ କରିନାହିଁ। ସେହିପରି କୋଲକାତା ମଧ୍ୟ ସମାନ ଟିମ୍ ସହ ମଇଦାନକୁ ଓହ୍ଲାଇଛି।