କୋଲକାତା: ଆଇପିଏଲ୍ ୨୦୧୯ର ୩୫ତମ ମ୍ୟାଚ୍ରେ ଆଜି କୋଲକାତା ନାଇଟ ରାଇଡର୍ସ (କେକେଆର୍) ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ମୁହାଁମୁହିଁ ହେଉଛନ୍ତି। ଏହି ମ୍ୟାଚ୍ରେ କେକେଆର ଅଧିନାୟକ ଦୀନେଶ କାର୍ତ୍ତିକ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି। ଆରସିବି ୮ଟି ମ୍ୟାଚ୍ରୁ ମାତ୍ର ଗୋଟିଏରେ ଜିତିଛି। ତେଣୁ ଦଳ ପାଇଁ ଏହା କର ବା ମର ହୋଇଛି। ସେହିପରି କେକେଆର ୮ଟି ମ୍ୟାଚରୁ ୪ଟିରେ ଜିତିଛି।
ଆଜି ଆରସିବି ପକ୍ଷରୁ ଦକ୍ଷିଣ ଆଫ୍ରିକାର ଦ୍ରୁତ ବୋଲର ଡେଲ୍ ଷ୍ଟେନ୍ ଖେଳୁଛନ୍ତି। ତେଣୁ ଦଳର ବୋଲିଂ ବାହିନୀରେ ଥିବା ଦୁର୍ବଳତା ଦୂର ହେବ ବୋଲି ଆଶା କରାଯାଉଛି। ସେହିପରି ଏବି ଡିଭିଲିୟର୍ସଙ୍କ ବଦଳରେ କେ କାଲସେନଙ୍କୁ ସୁଯୋଗ ମିଳିଛି। ଅନ୍ୟପକ୍ଷରେ କେକଆର ତା’ର ଚୂଡ଼ାନ୍ତ ଏକାଦଶରେ କୌଣସି ପରିବର୍ତ୍ତନ କରିନାହିଁ।