ୱେଲିଂଟନ୍: ଟିମ୍ ଇଣ୍ଡିଆର ଓପନିଂ ବ୍ୟାଟ୍ସମ୍ୟାନ୍ ଲୋକେଶ ରାହୁଲ୍ ଟି-୨୦ କ୍ରିକେଟରେ ନୂଆ ମାଇଲଖୁଣ୍ଟ ଛୁଇଁଛନ୍ତି। ରାହୁଲ ଟି-୨୦ରେ ୪ହଜାର ରନ୍ ପୂରଣ କରିଛନ୍ତି। ଶୁକ୍ରବାର ନ୍ୟୁଜିଲ୍ୟାଣ୍ଡ୍ ବିପକ୍ଷ ଚତୁର୍ଥ ଟି-୨୦ ମ୍ୟାଚରେ ରାହୁଲ୍ ୮ ରନ୍ କରିଥିବା ବେଳେ ଏହି ଖାସ୍ କ୍ଲବରେ ସାମିଲ୍ ହୋଇଛନ୍ତି।
ବିରାଟ୍ କୋହଲି, ରୋହିତ୍ ଶର୍ମା, ମହେନ୍ଦ୍ର ସିଂ ଧୋନି, ସୁରେଶ ରାଇନା ଏବଂ ଶିଖର ଧୱନଙ୍କ ପରେ ରାହୁଲ ଟି-୨୦ ଅନ୍ତର୍ଜାତୀୟ କ୍ରିକେଟରେ ଭାରତର ଷଷ୍ଠ ସର୍ବାଧିକ ସ୍କୋରର ରହିଛନ୍ତି। ଏହାଛଡ଼ା ୨୭ ବର୍ଷୀୟ ରାହୁଲ ବିଶ୍ୱର ୯୪ତମ ବ୍ୟାଟ୍ସମ୍ୟାନ୍ ଭାବେ ଟି-୨୦ରେ ୪ହଜାର ରନ୍ ପୂରଣ କରିଛନ୍ତି।
ଜବରଦସ୍ତ ଫର୍ମରେ ଥିବା ରାହୁଲ ନିଜର ଶେଷ ପାଞ୍ଚଟି ଇନିଂସରେ ଯଥାକ୍ରମେ ୪୫, ୫୪, ୫୬, ୫୭* ଏବଂ ୨୭ ରନ୍ କରିଥିଲେ। ରାହୁଲ୍ ମଧ୍ୟ ଆଜି ନିଜର ଛୋଟିଆ ଇନିଂସ୍ ବଳରେ ଚଳିତ ସିରିଜର ଟପ୍ ସ୍କୋରର ମଧ୍ୟ ହୋଇଛନ୍ତି। ଏହି କ୍ଷେତ୍ରରେ ସେ ନ୍ୟୁଜିଲ୍ୟାଣ୍ଡ୍ କ୍ୟାପଟେନ୍ କେନ୍ ୱିଲିୟମସନଙ୍କୁ ପଛରେ ପକାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
