ନୂଆଦିଲ୍ଲୀ: ରାଞ୍ଚିରେ ଭାରତୀୟ ଅଧିନାୟକ ବିରାଟ କୋହଲିଙ୍କୁ ଆଉ ଏକ ରେକର୍ଡ ଅପେକ୍ଷା କରିଛି। ତୃତୀୟ ମ୍ୟାଚରେ କୋହଲି ଯଦି ୨୭ ରନ୍ କରନ୍ତି, ତାହେଲେ ଚତୁର୍ଥ ଭାରତୀୟ ଅଧିନାୟକ ଭାବେ ସେ ଦିନିକିଆରେ ୪ହଜାର ରନ୍ ପୂରଣ କରିନେବେ।
କୋହଲିଙ୍କ ପୂର୍ବରୁ ମହେନ୍ଦ୍ର ସିଂହ ଧୋନି, ମହମ୍ମଦ ଆଝାରୁଦ୍ଦିନ ଓ ସୌରଭ ଗାଙ୍ଗୁଲି ଏହି ରେକର୍ଡ କରିସାରିଛନ୍ତି। ଅଧିନାୟକ ଭାବେ ଧୋନିଙ୍କ ନାମରେ ସର୍ବାଧିକ ୬୬୪୧ ରନ୍ ଥିବା ବେଳେ ଆଝାରୁଦ୍ଦିନ ୫୨୩୯ ରନ୍ କରି ଦ୍ୱିତୀୟ ଏବଂ ଗାଙ୍ଗୁଲି ୫୧୦୪ ରନ୍ କରି ତୃତୀୟ ସ୍ଥାନରେ ଅଛନ୍ତି।
କିନ୍ତୁ ଆଭରେଜ୍ ମାମଲାରେ କୋହଲି ଏ ସମସ୍ତଙ୍କଠାରୁ ବହୁ ଆଗରେ ଅଛନ୍ତି। ଅଧିନାୟକ ଭାବେ କୋହଲିଙ୍କ ଆଭରେଜ ୮୨.୭୭ ରହିଥିବା ବେଳେ ଜଣେ ଖେଳାଳି ଭାବେ ତାଙ୍କ ବ୍ୟାଟିଂ ଆଭରେଜ ୫୧.୨୯ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।