ନୂଆଦିଲ୍ଲୀ: ବର୍ଷ ୨୦୦୦ ମସିହାରେ ମ୍ୟାଚ୍ ଫିକ୍ସିଂ ମାମଲାରେ ୟୁକେ ପୋଲିସ୍କୁ ବଡ଼ ସଫଳତା ମିଳିଛି। ଏହି ମାମଲାର ମୁଖ୍ୟ ଅଭିଯୁକ୍ତ ବୁକି ସଞ୍ଜୀବ ଚାୱଲାଙ୍କୁ ପୋଲିସ୍ ଗିରଫ କରିଛି। ଏହି ମ୍ୟାଚ୍ ଫିକ୍ସିଂ ମାମଲାରେ ଦକ୍ଷିଣ ଆଫ୍ରିକାର ପୂର୍ବତନ କ୍ୟାପଟେନ୍ ହାନ୍ସି କ୍ରୋନିଏ ସାମିଲ୍ ଥିଲେ। ତେବେ ୨୦୦୨ ମସିହାରେ ବିମାନ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଥିଲା।
ଏହି ମାମଲାର ତଦନ୍ତ କରୁଥିବା ଦିଲ୍ଲୀ ପୋଲିସ୍ ସଞ୍ଜୀବଙ୍କୁ ଭାରତ ଆଣିବା ପାଇଁ ୟୁକେକୁ ନିବେଦନ କରିଛି। ଏହାର ଜବାବ୍ରେ ୟୁକେ ସଞ୍ଜୀବଙ୍କୁ ରଖାଯିବାକୁ ଥିବା ଜେଲ୍ର ସମସ୍ତ ସୁବିଧା ସମ୍ପର୍କରେ ଜଣାଇବାକୁ ଦିଲ୍ଲୀ ପୋଲିସକୁ କହିଛି।
ଏକ ଗଣମାଧ୍ୟମ ଖବର ଅନୁସାରେ, ତିହାର୍ ଜେଲ୍ରେ ସମସ୍ତ ସୁବିଧା ଥିବାରୁ ସଞ୍ଜୀବଙ୍କୁ ତିହାର ଜେଲ୍ରେ ରଖାଯିବ ବୋଲି ଦିଲ୍ଲୀ ପୋଲିସ୍ ବୈଦେଶିକ ମନ୍ତ୍ରଣାଳୟ ଜରିଆରେ ୟୁକେର କ୍ରାଉନ୍ ପ୍ରସ୍ୟୁକସନ୍ ସର୍ଭିସ୍ (ସିପିଏସ୍)କୁ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
