ନୂଆଦିଲ୍ଲୀ: କିଙ୍ଗ୍ସ ଏକାଦଶ ପଞ୍ଜାବର ବ୍ୟାଟ୍ସମ୍ୟାନ୍ ଗ୍ଲେନ୍ ମ୍ୟାକ୍ସୱେଲ୍ଙ୍କୁ ମ୍ୟାଚ୍ ରେଫ୍ରୀ ରୋଶନ୍ ମହାନାମା ଅଶୋଭନୀୟ ଆଚରଣ ପ୍ରଦର୍ଶନ କରିଥିବା ଅଭିଯୋଗରେ ଶନିବାର ଦଣ୍ଡିତ କରିଛନ୍ତି। ଆଇପିଏଲ୍-୯ରେ ଗତକାଲି ଦିଲ୍ଲୀ ବିପକ୍ଷରେ ଖେଳୁଥିବା ବେଳେ ସେ ଅମ୍ପାୟରଙ୍କ ନିଷ୍ପତ୍ତି ଉପରେ ଅସନ୍ତୋଷ ବ୍ୟକ୍ତ କରିବାରୁ ତାଙ୍କୁ ଦଣ୍ଡିତ କରାଯାଇଛି।
ଏନେଇ ଏକ ପ୍ରେସ୍ ବିଜ୍ଞପ୍ତିରେ କୁହାଯାଇଛି,“ଗତ ସନ୍ଧ୍ୟାରେ ଦିଲ୍ଲୀ ବିପକ୍ଷ ମ୍ୟାଚ୍ରେ କିଙ୍ଗ୍ସ ଏକାଦଶ ପଞ୍ଜାବର ଗ୍ଲେନ୍ ମ୍ୟାକ୍ସୱେଲ୍ ଅମ୍ପାୟରଙ୍କ ନିଷ୍ପତ୍ତିରେ ଅସନ୍ତୋଷ ବ୍ୟକ୍ତ କରିବାରୁ ମ୍ୟାଚ୍ ରେଫ୍ରୀ ତାଙ୍କୁ ଦଣ୍ଡିତ କରିଛନ୍ତି। ଲେଭଲ୍ ୧ ଅଫେନ୍ସ (ଖେଳଳି ଓ ଟିମ୍ଙ୍କ ପାଇଁ ଆଇପିଏଲ କୋଡ୍ ଅଫ୍ କଣ୍ଡକ୍ଟ ୨.୧.୫ର) ଦଣ୍ଡବିଧାନକୁ ମ୍ୟାକ୍ସୱେଲ ଗ୍ରହଣ କରିଛନ୍ତି।
ସୂଚନାଯୋଗ୍ୟ ଏହି ମ୍ୟାଚ୍ ମ୍ୟାକ୍ସୱେଲ୍ଙ୍କୁ ଭାରି ପଡିଛି। ଏହି ଖେଳାଳି ଜଣଙ୍କ ବିନା କୌଣସି ରନ୍ କରି ଆଉଟ୍ ହୋଇଥିବା ବେଳେ ଗୋଟିଏ ଓଭର ବୋଲିଂ କରି ୧୧ ରନ୍ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
