କରାଚି: ଆସନ୍ତା ମାସରେ ପାକିସ୍ତାନ କ୍ରିକେଟ ଟିମ୍ ଜିମ୍ବାୱେ ଗସ୍ତରେ ଯାଇଥାଆନ୍ତା ଓ ଏକ ଦିବସୀୟ ସିରିଜ ଖେଳିଥାଆନ୍ତା। ତେବେ ପାରସ୍ପରିକ ବୁଝାମଣାରେ ଏହି ସିରିଜକୁ ବାତିଲ କରିଦିଆଯାଇଛି। ଆଉ ପାକିସ୍ତାନ ଜିମ୍ବାୱେରେ ଗସ୍ତରେ ଯିବ ନାହିଁ। ଆଜି ପାକିସ୍ତାନ କ୍ରିକେଟ୍ ବୋର୍ଡ ପକ୍ଷରୁ ଏହି ସୂଚନା ଦିଆଯାଇଛି। ବୋର୍ଡ ପକ୍ଷରୁ କୁହାଯାଇଛି ଯେ ସ୍ପୋନସୋରସିପ୍ ନେଇ ଜିମ୍ବାୱେ କ୍ରିକେଟ୍ ବୋର୍ଡ ସମସ୍ୟାରେ ସମ୍ମୁଖୀନ ହେଉଛି । ତେଣୁ ଆପୋଷ ବୁଝାମଣାପରେ ଏହି ସିରିଜକୁ ବାତିଲ କରିଦିଆଗଲା। ତେବେ ନିକଟ ଭବିଷ୍ୟତରେ ପାକିସ୍ତାନ ଜିମ୍ବାୱେ ଯାଇ ନିଶ୍ଚିତ ଭାବେ ଏକ ସଂପୂର୍ଣ୍ଣ ସିରିଜ ଖେଳିବ।
ଶ୍ରୀଲଙ୍କାକୁ ତା’ ମାଟିରେ ପାକିସ୍ତାନ ୩-୧ରେ ଦିନିକିଆ ସିରିଜରେ ହରାଇବା ପରେ ଜିମ୍ବାୱେ ଗସ୍ତକୁ ବାତିଲ କରିଛି। ଦିନିକିଆ ସିରିଜରେ ଶ୍ରୀଲଙ୍କାକୁ ୩-୧ରେ ହରାଇବା ପରେ ଆଇସିସି ଦିନିକିଆ ମାନ୍ୟତାରେ ୮ ନମ୍ବର ସ୍ଥାନକୁ ଉନ୍ନୀତ ହୋଇଛି।
ସୂଚନାଯୋଗ୍ୟ, ଚଳିତବର୍ଷ ମେ’ ମାସରେ ଜିମ୍ବାୱେ ଟିମ୍ ପାକିସ୍ତାନ ଗସ୍ତରେ ଆସିଥିଲା ଓ ଟେଷ୍ଟମ୍ୟାଚ ଖେଳିଥିଲା। ଲାହୋର ଠାରେ ଶ୍ରୀଲଙ୍କା ଟିମ୍ ଉପରେ ଆକ୍ରମଣ କରାଯିବାର ୬ ବର୍ଷ ପରେ ପାକିସ୍ତାନକୁ ଖେଳିବାକୁ ଯିବାରେ ଜିମ୍ବାୱେ ପ୍ରଥମ ଦଳ ବନିଥିଲା।