ରାଜକୋଟ୍: ଟିମ୍ ଇଣ୍ଡିଆର ଟେଷ୍ଟ ସ୍ପେଶାଲିଷ୍ଟ ଚେତେଶ୍ୱର ପୂଜାରାଙ୍କୁ ଏବେ କ୍ରିକେଟର ସବୁଠାରୁ ଛୋଟିଆ ଫର୍ମାଟ ଟି-୨୦ରେ ଦେଖିବାକୁ ମିଳିପାରେ। ପୂଜାରାଙ୍କ ପାଖରେ ମେ ୧୪ରୁ ଆରମ୍ଭ ହେଉଥିବା ସୌରାଷ୍ଟ୍ର ପ୍ରିମିୟର ଲିଗ୍ର ପ୍ରଥମ ସଂସ୍କରଣରେ ଖେଳିବାର ସୁଯୋଗ ରହିଛି।
ଟେଷ୍ଟ ସ୍ପେଶାଲିଷ୍ଟ ଭାବେ ଜଣାଶୁଣା ପୂଜାରା ପୂର୍ବରୁ ଡିୱାଇ ପାଟିଲ ଟି-୨୦ ଟୁର୍ଣ୍ଣାମେଣ୍ଟରେ ଭାଗ ନେଇଥିଲେ। ଏହା ପ୍ରତିବର୍ଷ ମହାରାଷ୍ଟ୍ରର ନାଭି ମୁମ୍ବାଇରେ ଅନୁଷ୍ଠିତ ହୋଇଥାଏ। ପୂଜାରା ସୌରାଷ୍ଟ୍ର ପ୍ରିମୟର ଲିଗ ଖେଳିବେ ବୋଲି ଆଜି ସୌରାଷ୍ଟ୍ର କ୍ରିକେଟ୍ ଆସୋସିଏସନ୍ ପକ୍ଷରୁ ଘୋଷଣା କରାଯାଇଛି।
ଏହି ପ୍ରିମିୟର ଲିଗ୍ରେ ୫ଟି ଟିମ୍ ଭାଗ ନେବେ। ଏବେ ପୂଜାରାଙ୍କୁ କେଉଁ ଦଳ ନେବେ, ତାହା ସେମାନଙ୍କ ଉପରେ ନିର୍ଭର କରେ। ଗୁରୁବାର ପୂଜାରା କେଉଁ ଟିମ୍ ପକ୍ଷରୁ ଖେଳିବେ, ତାହା ସ୍ପଷ୍ଟ ହେବ। ପୂର୍ବରୁ ପୂଜାରା ଇଂଲଣ୍ଡରେ ଅନୁଷ୍ଠିତ ହେଉଥିବା କାଉଣ୍ଟି କ୍ରିକେଟ୍ରେ ଭାଗ ନେବାର ଥିଲା। ତେଣୁ ସେ ସୌରାଷ୍ଟ୍ର ପ୍ରିମିୟର ଲିଗ୍ରେ ସେ ଭାଗ ନେବେ କି ନାହିଁ ସନ୍ଦେହ ପ୍ରକାଶ ପାଇଥିଲା। କିନ୍ତୁ ଏବେ ଏହି ସମସ୍ୟା ଦୂର ହୋଇଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
