କଟକ: ପରବର୍ତ୍ତୀ ଦୁଇଟି ରଣଜୀ ମ୍ୟାଚ୍ ପାଇଁ ଆଜି ଓଡ଼ିଶା ଦଳ ଘୋଷଣା କରାଯାଇଛି। ଏଥିରେ ସାମାନ୍ୟ ପରିବର୍ତ୍ତନ କରାଯାଇଛି। ମନୋଜ ନାୟକ ଓ ଅଂଶୁମାନ ଗୋପଙ୍କୁ ଟିମ୍ରେ ସାମିଲ କରାଯାଇଛି। ପ୍ରତୀକ ଦାସ ଓ ରଶ୍ମୀରଞ୍ଜନ ସାହୁଙ୍କୁ ବାଦ୍ ଦିଆଯାଇଛି।
ଓଡ଼ିଶା ତା’ର ପରବର୍ତ୍ତୀ ରଣଜୀ ମ୍ୟାଚ୍ ଦିଲ୍ଲୀ ବିରୁଦ୍ଧରେ ଅକ୍ଟୋବର ୨୭ ତାରିଖରୁ ମୋହାଲିର ପଞ୍ଜାବ କ୍ରିକେଟ୍ ଆସୋସିଏସନ୍ ଷ୍ଟାଡିୟମ୍ରେ ଖେଳିବ। ଏହା ପରେ ନଭେମ୍ବର ୫ ତାରିଖରୁ ଦଳ ରାଜସ୍ଥାନ ବିପକ୍ଷରେ ପଟିଆଲାରେ ଆଉ ଏକ ମ୍ୟାଚ୍ ଖେଳିବ।
ଚଳିତ ସିଜିନ୍ରେ ଓଡ଼ିଶା ଦୁଇଟି ମ୍ୟାଚ୍ ଖେଳି ସାରିଛି। ବିଦର୍ଭ ବିପକ୍ଷ ମ୍ୟାଚ୍ ଡ୍ର’ ହୋଇଥିବା ବେଳେ ଦ୍ୱିତୀୟ ମ୍ୟାଚ୍ରେ ଦଳ ସୌରାଷ୍ଟ୍ରକୁ ୩୨ ରନ୍ରେ ପରାସ୍ତ କରିଥିଲା।