ମାଉଣ୍ଟ ମାଉଙ୍ଗାନୁଇ: ଟିମ୍ ଇଣ୍ଡିଆର ତାରକା ବ୍ୟାଟ୍ସମ୍ୟାନ୍ ରୋହିତ୍ ଶର୍ମା ଅନ୍ତର୍ଜାତୀୟ ଟି-୨୦ କ୍ରିକେଟରେ ବଡ଼ ଉପଲବ୍ଧି ନିଜ ନାଁରେ କରିଛନ୍ତି। ରୋହିତ୍ ଟି-୨୦ କ୍ରିକେଟରେ ସର୍ବାଧିକଥର ୫୦ରୁ ଅଧିକ ରନ୍ ସଂଗ୍ରହକାରୀ ବ୍ୟାଟ୍ସମ୍ୟାନ୍ ହୋଇଛନ୍ତି। ରୋହିତ୍ ନ୍ୟୁଜିଲ୍ୟାଣ୍ଡ୍ ବିପକ୍ଷ ଅନ୍ତିମ ଟି-୨୦ ମ୍ୟାଚରେ ୬୦ ରନ୍ କରିବା ପରେ ରିଟାୟର୍ଡ ହର୍ଟ ହୋଇଥିଲେ।
ସେ ଟି-୨୦ କ୍ରିକେଟରେ ନିଜର ୨୧ତମ ଅର୍ଦ୍ଧଶତକ ହାସଲ କରିଛନ୍ତି ଏବଂ ୨୫ଥର ଏହି ଫର୍ମାଟରେ ୫୦ରୁ ଅଧିକ ରନ୍ କରିଛନ୍ତି। ରୋହିତ୍ ମଧ୍ୟ ଟି-୨୦ରେ ୪ଟି ଶତକ ମାରିଛନ୍ତି। ଏହି ମ୍ୟାଚରେ ରୋହିତ୍ ଓପନ୍ ବଦଳରେ ତିନି ନମ୍ବର ବ୍ୟାଟିଂ କରିବାକୁ ଓହ୍ଲାଇଥିଲେ। ଏହି ମାମଲାରେ ରୋହିତ୍ ଟିମ୍ ଇଣ୍ଡିଆ କ୍ୟାପଟେନ୍ ବିରାଟ୍ କୋହଲିଙ୍କୁ ପଛରେ ପକାଇଛନ୍ତି।
ବିରାଟ୍ ୨୪ଥର ଟି-୨୦ରେ ୫୦ କିମ୍ବା ତା'ଠାରୁ ଅଧିକ ରନ୍ କରିଛନ୍ତି। ବିରାଟଙ୍କ ନାଁରେ ୮୨ ଟି-୨୦ ମ୍ୟାଚରେ ୨୪ ଅର୍ଦ୍ଧଶତକ ରହିଛି କିନ୍ତୁ ସେ ଫର୍ମାଟରେ ଗୋଟିଏ ବି ଶତକ ମାରିପାରି ନାହାନ୍ତି। ନ୍ୟୁଜିଲ୍ୟାଣ୍ଡର ମାର୍ଟିନ୍ ଗପ୍ଟିଲ୍ ଓ ପଲ୍ ଷ୍ଟର୍ଲିଙ୍ଗ୍ ୧୭ଥର ଲେଖାଏ ଏଭଳି କାରନାମା କରିଛନ୍ତି। ଅଷ୍ଟ୍ରେଲିଆର ଡେଭିଡ୍ ୱାର୍ଣ୍ଣର୍ ୧୬ଥର ୫୦ରୁ ଅଧିକ ରନ୍ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
