ଚେନ୍ନାଇ: ଭାରତୀୟ ଓପନର ଶିଖର ଧୱନ୍ ୱେଷ୍ଟଇଣ୍ଡିଜ୍ ବିପକ୍ଷରେ ଖେଳାଯାଉଥିବା ତୃତୀୟ ଟି୨୦ ମ୍ୟାଚ୍ରେ ୨୦୧୮ କ୍ୟାଲେଣ୍ଡର ବର୍ଷର ୧ ହଜାର ଟି-୨୦ ରନ୍ ପୂରଣ କରିଛନ୍ତି। ଏପରି ରେକର୍ଡ ହାସଲ କରିବାରେ ସେ ଷଷ୍ଠ ଭାରତୀୟ ବୋଲି ଜଣାଯାଇଛି। ଏହି ମ୍ୟାଚ୍ ପୂର୍ବରୁ ସେ ୨୦ ରନ୍ ପଛରେ ଥିଲେ। ଶେଷ ଖବର ସୁଦ୍ଧା ଧୱନ୍ ନିଜର ଦମ୍ଦାର ଅର୍ଦ୍ଧଶତକ ସହିତ ୮୫ ରନ୍ କରି ଅପରାଜିତ ଅଛନ୍ତି। ତାଙ୍କ ସହିତ ରିଷଭ୍ ପନ୍ତ ୫୩ ରନ୍ କରି ଏହି ବୃହତ ଭାଗିଦାରୀରେ ପ୍ରମୁଖ ଭୂମିକା ନେଇଛନ୍ତି। ୱେଷ୍ଟଇଣ୍ଡିଜ୍ ଦେଇଥିବା ୧୮୨ ରନ୍ର ଟାର୍ଗେଟ୍ ହାସଲ କରିବାପାଇଁ ଭାରତ ୧୮ ବଲ୍ରେ ୧୯ ରନ୍ ଆବଶ୍ୟକ କରୁଛି।
ତାଙ୍କ ପୂର୍ବରୁ ନିୟମିତ ଅଧିନାୟକ ବିରାଟ କୋହଲି, ସୁରେଶ ରୈନା, ମହେନ୍ଦ୍ର ସିଂହ ଧୋନି, ଯୁବରାଜ ସିଂହ ଏବଂ ଆଜି ମ୍ୟାଚ୍ର ଅଧିନାୟକ ରୋହିତ ଶର୍ମା ଏହି ସଫଳତା ପାଇସାରିଛନ୍ତି। କୋହଲି ଏହି ରେକର୍ଡ ସବୁଠାରୁ କମ୍ ଇନିଂସ୍ ଅର୍ଥାତ ମାତ୍ର ୨୭ଟି ଇନିଂସ୍ରେ ହାସଲ କରିପାରିଛନ୍ତି।
ଅବିଶ୍ୱସନୀୟ ଫିଲ୍ଡିଂ
ଧୱନ୍ ଫିଲ୍ଡିଂରେ ମଧ୍ୟ ଆଜି ନିଜର କରିସ୍ମା ଦେଖାଇଛନ୍ତି। କୃନାଲ ପାଣ୍ଡ୍ୟାଙ୍କ ବଲ୍ରେ ଶାଇ ହୋପ୍ ମାରିଥିବା ଏକ ବାଉଣ୍ଡରୀ ଶଟ୍ ଛକା ହେବା ନେଇ ସମସ୍ତେ ନିଶ୍ଚିତ ଥିବାବେଳେ ଧୱନ୍ ଏହାକୁ ଅଟକାଇବାରେ ସମର୍ଥ ହୋଇଛନ୍ତି। ମ୍ୟାଚ୍ର ଷଷ୍ଠ ଓଭରରେ ଏହି ଶଟ୍ ମାରି ହୋପ୍ ଯଦିଓ ଧୱନ୍ଙ୍କ ହାତରେ ଧରାପଡ଼ିଥିଲେ, ଧୱନ୍ ଜାଣିପାରିଥିଲେ ସେ ବାଉଣ୍ଡରୀ ବାହାରକୁ ଯାଉଛନ୍ତି। ତେଣୁ ସେ ତୁରନ୍ତ ବଲକୁ ଫୋପାଡ଼ି ବାଉଣ୍ଡରୀ ହେବାରୁ ବଞ୍ଚାଇଦେଇଥିଲେ। ଦେଖନ୍ତୁ ଆଜିର ଫ୍ଲାଇଂ ଜାଠ ଧୱନ୍ଙ୍କର ଏହି ଭିଡିଓ।
https://twitter.com/adish_dr/status/1061618793410109440
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
