ସୁଲତାନ୍ ଆଜଲାନ ଶାହା କପ୍‌: ଆସନ୍ତାକାଲି ଫାଇନାଲ୍‌ରେ ଭାରତ-ଅଷ୍ଟ୍ରେଲିଆ ଲଢ଼େଇ

hokey-indiaଇପୋ(ମାଲେସିଆ): ସପ୍ତମ ଥର ପାଇଁ ସୁଲତାନ ଆଜଲାନ ଶାହ କପ୍‌ ଫାଇନାଲରେ ପହଞ୍ଚିଛି ଭାରତ। ଆଜି ୬-୧ରେ ଆୟୋଜକ ମାଲେସିଆକୁ ହରାଇ ଭାରତ ଫାଇନାଲ୍‌ରେ ପହଞ୍ଚିଛି। ଆସନ୍ତାକାଲି ଫାଇନାଲ୍‌ ମ୍ୟାଚ୍‌ରେ ଦଳ ଅଷ୍ଟ୍ରେଲିଆକୁ ଭେଟିବ।

ଆଜିର ମ୍ୟାଚ୍‌ରେ ଏସ୍‌ଭି ସୁନୀଲ(୨ୟ ମିନିଟ୍‌), ହରଜିତ ସିଂହ(୭ମ ମିନିଟ୍),ରମଣଦୀପ୍ ସିଂହ (୨୫ ଓ ୩୯ ତମ ମିନିଟ୍‌), ଡି ମୁଜତାବା(୨୭ତମ ମିନିଟ୍‌) ଓ ତଲୱିନ୍ଦର ସିଂହ(୫୦ତମ ମିନିଟ୍‌) ଭାରତ ପାଇଁ ଗୋଲ୍ କରିଥିଲେ। ମାଲେସିଆ ପକ୍ଷରୁ ଶାହ୍ରିଲ ଶାବହା(୪୬ତମ ମିନିଟ୍‌)ରେ ଗୋଟିଏ ମାତ୍ର ଗୋଲ୍ ଦେଇଥିଲେ।

ଟୁର୍ଣ୍ଣାମେଣ୍ଟରେ ଅଷ୍ଟ୍ରେଲିଆ ୬ଟି ମ୍ୟାଚ୍‌ରୁ ୧୮ ପଏଣ୍ଟ୍ ପାଇ ଶୀର୍ଷରେ ଥିବା ବେଳେ ଭାରତ ୬ଟି ମ୍ୟାଚ୍ ଖେଳି ୧୨ ପଏଣ୍ଟ୍ ପାଇ ଦ୍ୱିତୀୟ ସ୍ଥାନରେ ରହିଛି।  ନ୍ୟୁଜିଲାଣ୍ଡ ୬ଟି ମ୍ୟାଚ୍‌ରୁ ୧୧ ପଏଣ୍ଟ୍ ପାଇ ତୃତୀୟ ସ୍ଥାନରେ ରହିଥିବା ବେଳେ ମାଲେସିଆ ୮ ପଏଣ୍ଟ୍ ସହିତ ଚତୁର୍ଥ ସ୍ଥାନରେ ରହିଛି।

ବ୍ରୋଞ୍ଜ୍ ପଦକ ପାଇଁ ଆସନ୍ତାକାଲି ମାଲେସିଆ ଓ ନ୍ୟୁଜିଲାଣ୍ଡ ମଧ୍ୟରେ ମୁକାବିଲା ହେବ।

ସୂଚନାଯୋଗ୍ୟ, ଭାରତ ୫ ଥର ସୁଲତାନ ଆଜଲାନ ଶାହ କପ୍ ବିଜୟୀ ହୋଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।