କ୍ୟାପଟେନ୍ ଭାବେ କୋହଲିଙ୍କ ବଡ଼ ରେକର୍ଡ

ବେଙ୍ଗାଲୁରୁ: ଟିମ୍ ଇଣ୍ଡିଆ ବିରାଟ୍ କୋହଲି ରବିବାର ଅଷ୍ଟ୍ରେଲିଆ ବିପକ୍ଷ ତୃତୀୟ ଦିନିକିଆରେ ବଡ଼ ରେକର୍ଡ କରିଛନ୍ତି। କୋହଲି କ୍ୟାପଟେନ୍ ଭାବେ ଦିନିକିଆରେ ଦ୍ରୁତ ୫ହଜାର ରନ୍ ସଂଗ୍ରହକାରୀ ବ୍ୟାଟ୍ସମ୍ୟାନ୍ ହୋଇଛନ୍ତି। ଏଥିସହ କୋହଲି ପୂର୍ବତନ କ୍ୟାପଟେନ୍ ମହେନ୍ଦ୍ର ସିଂ ଧୋନିଙ୍କୁ ପଛରେ ପକାଇଛନ୍ତି।

କୋହଲି ମାତ୍ର ୮୨ ଇନିଂସରେ ଏହି କୀର୍ତ୍ତିମାନ କରିଛନ୍ତି। ତେବେ ଧୋନି ୫ହଜାର ରନ୍ ପୂରଣ କରିବା ପାଇଁ ୧୨୭ ଇନିଂସର ସହାୟତା ନେଇଥିବା ବେଳେ ଅଷ୍ଟ୍ରେଲିଆର ପୂର୍ବତନ କ୍ୟାପଟେନ୍ ରିକି ପଣ୍ଟିଂ ୧୩୧ ଇନିଂସ, ଦକ୍ଷିଣ ଆଫ୍ରିକାର ଗ୍ରେମ୍ ସ୍ମିଥ୍ ୧୩୫ ଇନିଂସ୍ ଏବଂ ସୌରଭ ଗାଙ୍ଗୁଲି ୧୩୬ ଇନିଂସରେ ୫ହଜାର ରନ୍ କରିଥିଲେ।

ଚଳିତମାସରେ କୋହଲି କ୍ୟାପଟେନ୍ ଭାବେ ଅନ୍ତର୍ଜାତୀୟ କ୍ରିକେଟର ସବୁ ଫର୍ମାଟରେ ଦ୍ରୁତ ୧୧ହଜାର ରନ୍ ପୂରଣ କରିଥିଲେ। କୋହଲି ମାତ୍ର ୧୬୯ ଇନିଂସରେ ଏହି ମାଇଲଖୁଣ୍ଟ ହାସଲ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।