ନର୍ଥ ସାଉଣ୍ଡ୍: ଋଦ୍ଧିମାନ ସାହା ଓ ଶିବମ୍ ଦୁବେଙ୍କ ଅର୍ଦ୍ଧଶତକ ବଳରେ ଭାରତ-ଏ ଏଠାରେ ଚାଲିଥିବା ୱେଷ୍ଟଇଣ୍ଡିଜ୍-ଏ ବିପକ୍ଷ ପ୍ରଥମ ଅନଅଫିସିଆଲ୍ ଟେଷ୍ଟରେ ଇନିଂସ୍ ଅଗ୍ରଣୀ ହାସଲ କରିଛି। ୱେଷ୍ଟଇଣ୍ଡିଜର ୨୨୮ ରନ୍ ଜବାବରେ ଭାରତ-ଏ ଦ୍ୱିତୀୟ ଦିବସ ଖେଳ ଶେଷ ସୁଦ୍ଧା ପ୍ରଥମ ଇନିଂସରେ ୮ ୱିକେଟ୍ ହରାଇ ୨୯୯ ରନ୍ କରିଛି।
ଫଳରେ ୨ ୱିକେଟ୍ ବାକି ଥାଇ ୭୧ ରନରେ ଆଗୁଆ ହୋଇଛି। ଦ୍ୱିତୀୟ ଦିବସରେ ଭାରତ ୧୫୮ ରନରେ ୫ ୱିକେଟ୍ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ତେବେ ସାହା ଓ ଦୁବେ ଷଷ୍ଠ ୱିକେଟ୍ ପାଇଁ ୧୨୪ ରନ୍ ଯୋଡ଼ି ଭାରତକୁ ଭଲ ସ୍ଥିତିରେ ପହଞ୍ଚାଇଥିଲେ। ଦୁବେ ୭୧ (୭ ଚୌକା, ୪ ଛକା) ରନ୍ କରି ଆଉଟ୍ ହୋଇଥିଲେ।
ଷ୍ଟମ୍ପ ଅପସାରଣ ବେଳକୁ ସାହା ୬୧ ରନ୍ କରି ଅପରାଜିତ ଥିଲେ। ଭାରତର ଅନ୍ୟ ବ୍ୟାଟ୍ସମ୍ୟାନଙ୍କ ମଧ୍ୟରେ ପ୍ରିୟଙ୍କ ପାଞ୍ଚାଲ୍ ୪୯, ଅଭିମନ୍ୟୁ ଈଶ୍ୱରନ୍, ଶୁବମାନ୍ ଗିଲ୍ ୪୦ ଓ କ୍ୟାପଟେନ୍ ହନୁମା ବିହାରୀ ୩୧ ରନ୍ କରି ଆଉଟ୍ ହୋଇଥିଲେ। ୱେଷ୍ଟଇଣ୍ଡିଜ୍-ଏ ପକ୍ଷରୁ କମିନ୍ସ ୩ଟି, ୱାରିକାନ୍ ଓ କର୍ନୱାଲ୍ ୨ଟି ଲେଖାଏ ୱିକେଟ୍ ହାସଲ କରିଥିଲେ।