ବ୍ଲୁ-ହ୍ୱେଲ୍‌ ମାୟାରେ ବାୟା କଲେଜ ଛାତ୍ରୀ:ଆଖିରେ ଲଙ୍କା ଘସି ଛାଡ଼ିଲେ ଭିଡିଓ

<p>ଭୁବନେଶ୍ୱର: ସାରା ବିଶ୍ୱରେ ଆତଙ୍କ ଖେଳାଇଛି ବ୍ଲୁ-ହ୍ୱେଲ୍&zwnj; ଗେମ୍&zwnj;। ଏହି ମାରାତ୍ମକ ଖେଳ ଖେଳି ଜୀବନ ହାରୁଛନ୍ତି ଅଳ୍ପ ବୟସର ପିଲା। ଥରେ ଏହାର ମାୟାରେ ପଡ଼ିଲେ ଆଉ ମୁକ୍ତି ପାଇବା ମୁସ୍କିଲ ହୋଇପଡ଼ୁଛି। ଏହି ଗେମ୍&zwnj;ର ଟାସ୍କ ପୂରଣ ପାଇଁ ସେମାନେ ଦୁଃସାହାସିକ କାମ କରିବାକୁ ମଧ୍ୟ ପଛାଉ ନାହାଁନ୍ତି। ଆମେ ଆପଣଙ୍କୁ ଏପରି ଏକ ଭିଡିଓ ଦେଖାଇବୁ ଯାହାକୁ ଦେଖିଲେ ଆପଣ ପ୍ରମାଣ ପାଇଯିବେ। ଜଣେ ଛାତ୍ରୀ ଏହି ଗେମ୍ ଖେଳି ବ୍ଲୁ-ହ୍ୱେଲ୍&zwnj; ଟାସ୍କ ପୂରଣ ପାଇଁ ନିଜ ଆଖିରେ ଲଙ୍କା ଘସୁଥିବା ଦେଖିବାକୁ&nbsp; ମିଳିଛି। ସବୁଠୁ ଆଶ୍ୱର୍ଯ୍ୟ ଓ ଗମ୍ଭୀର କଥା ହେଲା, ସେ ଏହାର ଭିଡିଓ ପ୍ରସ୍ତୁତ କରି ସାଙ୍ଗମାନଙ୍କ ସହିତ ସେୟାର କରିଛନ୍ତି। ଏହି ଭିଡିଓ ନ୍ୟୁଜ୍&zwnj; ଚ୍ୟାନେଲ୍ ଓଟିଭିର ହସ୍ତଗତ ହୋଇଛି।</p><p>ଛାତ୍ରୀ ଜଣକ ବ୍ଲୁ-ହ୍ୱେଲ ଗେମ୍ ଖେଳୁଥିଲେ ଏବଂ ଏହି ଘାତକ ଗେମ୍ ଆଗରେ ନିଜକୁ ସେ ଆତ୍ମସମର୍ପଣ କରିଦେଇଛନ୍ତି। ସେପଟୁ ଯାହା ନିର୍ଦ୍ଦେଶ ଆସୁଛି, ତାକୁ ସାଙ୍ଗେ ସାଙ୍ଗେ ପୂରଣ କରୁଛନ୍ତି। ଗେମ୍&zwnj;ର ୪୨ତମ ଷ୍ଟେଜରେ ସେ ପହଞ୍ଚି ଥିବା ଜଣାପଡ଼ିଛି।&nbsp; ଏହି ଷ୍ଟେଜରେ ଚ୍ୟାଲେଞ୍ଜ ଥିଲା ଆଖିରେ ଲଙ୍କା ଘସି ନିଜକୁ କଷ୍ଟ ଦେବା।</p><p>(ଭିଡଓ ଦେଖନ୍ତୁ)</p><p>ଦେଖନ୍ତୁ କେମିତି ନିଜ ଆଖିରେ ସେ ଲଙ୍କା ଘସି ଚ୍ୟାଲେଞ୍ଜ ପୂରଣ କରୁଛନ୍ତି।&nbsp; ଥରେ ନୁହେଁ ଏମିତି ଏକାଧିକ ଥର ନିଜ ଆଖିରେ&nbsp; ଲଙ୍କା &nbsp;ଘସିଛନ୍ତି ଛାତ୍ରୀ ଜଣକ।&nbsp; ଆଖିରେ ଯନ୍ତ୍ରଣା ହେଉଥିଲେ ମଧ୍ୟ ଚ୍ୟାଲେଞ୍ଜ ପୂରଣ ପାଇଁ ନିଜକୁ କଷ୍ଟ ଦେଉଛନ୍ତି। ସଂପୃକ୍ତ ଛାତ୍ରୀ କଟକର ଏକ ମହିଳା ମହାବିଦ୍ୟାଳୟର ବୋଲି ଜଣାପଡ଼ିଛି। ଆଖିରେ ଲଙ୍କା ଘସିବାର ଭିଡିଓ କରି ସେ ସାଙ୍ଗମାନଙ୍କୁ ସେୟାର କରିବା ପରେ ଘଟଣା ପଦାକୁ ଆସିଥିଲା।&nbsp; ଏହା ଜାଣିବା ପରେ ସଂପୃକ୍ତ କଲେଜର ଅଧ୍ୟକ୍ଷ, ଛାତ୍ରୀଙ୍କଠାରୁ ତାଙ୍କ ମୋବାଇଲ ଜବତ କରିବା ସହିତ ତାଙ୍କ ପରିବାର ଲୋକଙ୍କୁ ଜଣାଇଛନ୍ତି।&nbsp; ମିଳିଥିବା ଖବର ଅନୁଯାୟୀ ଛାତ୍ରୀ କିଛି ଦିନ ତଳେ ନିଜ ଘରେ ଆତ୍ମହତ୍ୟା ଉଦ୍ୟମ କରିଥିଲେ।</p><p>ଏ ସଂପର୍କରେ ପୋଲିସ ନିକଟରେ କୌଣସି ଅଭିଯୋଗ ହୋଇନାହିଁ। ଏହି ଛାତ୍ରୀଙ୍କ ସହ ଅନ୍ୟ କିଛି ଛାତ୍ରୀ ମଧ୍ୟ ବ୍ଲୁ-ହ୍ବେଲ ଗେମ୍ ଖେଳୁଥିବା ସନ୍ଦେହ କରାଯାଉଛି।</p><p>ବ୍ଲୁ-ହ୍ୱେଲ ଗେମ୍ ସଚେତନତା ନେଇ ଆଜି ପୋଲିସ କମିଶନରଙ୍କ କାର୍ଯ୍ୟାଳୟରେ ଏକ ଉଚ୍ଚସ୍ତରୀୟ ବୈଠକ ବସିଥିଲା। ଏହି ବୈଠକରେ&nbsp; କଟକ ଓ ଭୁବନେଶ୍ୱର କଲେଜ ଅଧ୍ୟକ୍ଷଙ୍କ ସହ ବିଶ୍ୱବିଦ୍ୟାଳୟର ରେଜିଷ୍ଟ୍ରାରମାନେ ମଧ୍ୟ ସାମିଲ ହୋଇଥିଲେ। ଏହାସହିତ ଆଇଆଇଟି ଓ ୟୁନିସେଫ୍&zwnj;ର ବିଶେଷଜ୍ଞମାନେ ଉପସ୍ଥିତ ଥିଲେ। ଗେମ୍&zwnj;ରୁ ଛାତ୍ରଛାତ୍ରୀମାନଙ୍କୁ&nbsp; ସୁରକ୍ଷା ଦେବା ପାଇଁ ଆଲୋଚନା ହୋଇଥିଲା।</p><p>&lt;span style=&quot;color: #ff0000;&quot;&gt;(ବିଶେଷ ସୂଚନା: ଏପରି ଭିଡିଓ ପ୍ରସ୍ତୁତ କରିବା ଆଇନତଃ ଅପରାଧ। ଏହାକୁ କେବଳ ଖବର ସତ୍ୟତା ଜଣାଇବାକୁ ଏହି ଖବର ସହ ପୋଷ୍ଟ କରାଯାଇଛି।)&lt;/span&gt;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।