ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ସବୁ ପିଲା ସ୍କୁଲ ଆସନ୍ତୁ, ଜୀବନରେ ବଡ଼ ହେବା ଲାଗି ସ୍ୱପ୍ନ ଦେଖନ୍ତୁ। ‌ଆଜି ଶିଶୁ ଦିବସରେ ‌ଆୟୋଜିତ ରାଜ୍ୟ ସ୍ତରୀୟ ଉତ୍ସବରେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଏଭଳି ପ୍ରେରଣାଦାୟୀ ଅଭିଭାଷଣ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେ କହିଛନ୍ତି- “ପିଲାମାନେ ପାଠପଢ଼ା ସହ ଖେଳକୁଦରେ ନାଁ କରି ସମାଜ ଓ ଦେଶର ଟେକ ରଖନ୍ତୁ।</p> <p>ସେହିଭଳି ଆଜି ପିଲାଙ୍କୁ ପାଠପଢ଼ା ଲାଗି ପ୍ରୋତ୍ସାହିତ କରିବା ଲାଗି ଅନେକ ପ୍ରୋତ୍ସାହନ ଘୋଷଣା କରିଛନ୍ତି ନବୀନ। ଦଶମ ଶ୍ରେଣୀରେ ଭଲ ନମ୍ବର ରଖିଥିବା ଛାତ୍ରଛାତ୍ରୀ ଲାଗି ମେଧାବୃତ୍ତି ପୁରସ୍କାର ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ସାରା ରାଜ୍ୟର ୪୦ ହଜାର ପିଲାଙ୍କୁ ୫ ହଜାର ଟଙ୍କା ଲେଖାଏଁ ପୁରସ୍କାର ଦିଆଯିବ। ପ୍ରତି ବ୍ଲକ ଓ ପୌରାଞ୍ଚଳର ପିଲା ଏହି ପୁରସ୍କାର ପାଇବେ। ଏହା ସହ ଓଡ଼ିଆ ଭାଷା ବୃତ୍ତି ପୁରସ୍କାର ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ଓଡ଼ିଆ ଭାଷାରେ ଭଲ ନମ୍ବର ରଖିଲେ ୫ ହଜାର ଟଙ୍କା ପୁରସ୍କାର ମିଳିବ। ପ୍ରତି ବ୍ଲକର ୧୦ ଜଣ ପିଲା ଓଡ଼ିଆ ଭାଷା ବୃତ୍ତି ପୁରସ୍କାର ପାଇବେ ବୋଲି ମୁଖ୍ୟ କହିଛନ୍ତି।</p> <p>ନବୀନ ଆହୁରି କହିଛନ୍ତି,“ପିଲାଙ୍କ ପାଠପଢ଼ାରେ ଶିକ୍ଷକ ଓ ସ୍କୁଲର ବହୁତ ଅବଦାନ ରହିଛି। ତେଣୁ ପ୍ରତି ବ୍ଲକରେ ଭଲ ରେଜଲ୍ଟ କରିଥିବା ୩ଟି ସ୍କୁଲକୁ ୧ ଲକ୍ଷ ଟଙ୍କା ଲେଖାଏଁ ପୁରସ୍କାର ଦିଆଯିବ । ଦଶମରେ ଭଲ ନମ୍ବର ରଖିଥିବା ପିଲାଙ୍କ ଅଭିଭାବକଙ୍କୁ ସମ୍ମାନିତ କରାଯିବ। ଭଲ ନମ୍ବର ରଖିଥିବା ସ୍କୁଲର ଶିକ୍ଷକଙ୍କୁ ମଧ୍ୟ ପୁରସ୍କୃତ କରାଯିବ।”</p> <p>ଗୁଣାତ୍ମକ ଶିକ୍ଷା ଉପରେ ମଧ୍ୟ ନବୀନ ପଟ୍ଟନାୟକ ଗୁରୁତ୍ୱ ଦେଇଛନ୍ତି। ବଡ଼ ମଣିଷ ହେବାକୁ ବଡ଼ ସ୍ୱପ୍ନ ଦେଖିବାକୁ ‌ଆହ୍ୱାନ ଦେଇଛନ୍ତି। ଦେଶ, ଜାତି, ଗାଁର ଉନ୍ନତି ଲାଗି ସଂକଳ୍ପ ନେବାକୁ ପିଲାଙ୍କୁ ସେ ଆହ୍ୱାନ ଦେଇଛନ୍ତି।</p> <p>ଉଦବୋଧନ ‌ଆରମ୍ଭରେ ମୁଖ୍ୟମନ୍ତ୍ରୀ ମଧୁବାବୁ ଓ ବିଜୁବାବୁଙ୍କ କଥା ମନେପକାଇଥିଲେ। ମଧୁବାବୁ ଛାତ୍ର ଥିବା ବେଳେ କିପରି ନିଜ ସାଙ୍ଗଙ୍କ ସହିତ ରାସ୍ତା ତିଆରି କରିଥିଲେ, ବିଜୁ ବାବୁ କିପରି ସାହସ ଦେଖାଇଥିଲେ, ତାହା ମୁଖ୍ୟମନ୍ତ୍ରୀ ବର୍ଣ୍ଣନା କରିଥିଲେ।</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
