କିଏ କାହିଁକି କରିଥିଲେ ମୃତ ଚାଷୀଙ୍କ ଭିଡିଓ? ଉତ୍ତର ରଖିଲେ ଝିଅ, ମନ୍ତ୍ରୀଙ୍କ ଉପରେ ବର୍ଷିଲେ

<p>ଭୁବନେଶ୍ୱର/ବରଗଡ଼ (ଓଡ଼ିଶା ରିପୋର୍ଟର): ଚକଡ଼ା ପୋକ ଲାଗିଥିବା କ୍ଷେତରେ ନିଆଁ ଲଗାଇ ଆତ୍ମହତ୍ୟା କରିଥିଲେ ବରଗଡ଼ ଚାଷୀ ବୃନ୍ଦାବନ ସାହୁ! ଏହା ପରେ ରାଜ୍ୟରେ ଆରମ୍ଭ ହୋଇଥିଲା ଆରୋପ ଓ ପ୍ରତ୍ୟାରୋପ ରାଜନୀତି। ପରେ ଶ୍ରମମନ୍ତ୍ରୀ ସୁଶାନ୍ତ ସିଂ ସାମ୍ୱାଦିକ ସମ୍ମିଳନୀ କରି ଏକ ଭିଡ଼ିଓ ଦେଖାଇଥିଲେ। ୨ ମିନିଟ୍&zwnj; ୫୭ ସେକେଣ୍ଡର ଏହି ଭିଡିଓରେ ବୃନ୍ଦାଙ୍କ ସହିତ ଦୁଇ ଜଣ ଚାଷୀ ଅଛନ୍ତି। ଏହି ଭିଡିଓକୁ ଜଣେ ଯୁବକ ରେକର୍ଡିଂ କରୁଥିଲେ। ଭିଡିଓ ରେକର୍ଡିଂ କରୁଥିବା ଯୁବକ ବିଜେପି କର୍ମୀ ବୋଲି ସୁଶାନ୍ତ ଅଭିଯୋଗ କରିଥିଲେ। ଏପରିକି ବୃନ୍ଦାକୁ ଆତ୍ମହତ୍ୟା କରିବା ପାଇଁ ବିଜେପି ଉସୁକାଇଥିବା ଅଭିଯୋଗ ମଧ୍ୟ କରିଥିଲେ। ଭିଡିଓ ଭାଇରାଲ ହେବାର ୪ ଦିନ ପରେ ମୁହଁ ଖୋଲିଛନ୍ତି ବୃନ୍ଦାଙ୍କ ଦୁଇ ଝିଅ। ଅଭିଯୋଗକୁ ଖଣ୍ଡନ କରିବା ସହିତ ଶ୍ରମମନ୍ତ୍ରୀଙ୍କ ଉପରେ ମନଇଚ୍ଛା ବର୍ଷିଛନ୍ତି। ପ୍ରଶାସନର ନିଦ ଭାଙ୍ଗିବା ପାଇଁ ବାପା ଏହି ଭିଡ଼ିଓ କରିଥିଲେ ବୋଲି ଦୁଇ ଝିଅ କହିଛନ୍ତି।</p><p>ବୃନ୍ଦାଙ୍କ ବଡ଼ଝିଅ ପୁଷ୍ପାଞ୍ଜଳି ସାହୁ କହିଛନ୍ତି-&ldquo;ଚାଷରୁ ଯାହା ଉପାର୍ଜନ ହୁଏ ସେଥିରେ ଆମେ ଚଳୁ। ଚଳିତବର୍ଷ ଚାଷରେ ଚକଡ଼ା ପୋକ ଲାଗିବାରୁ ଫସଲ ନଷ୍ଟ ହେଲା। ଏନେଇ ବାପା ପ୍ରଶାସନ ପାଖରେ ଗୁହାରି କଲେ। ହେଲେ ବାପାଙ୍କ କଥା କେହି ଶୁଣିଲେ ନାହିଁ। ବାଧ୍ୟହୋଇ ବାପା ଆତ୍ମହତ୍ୟା କଲେ। ତାଙ୍କୁ ଆତ୍ମହତ୍ୟା କରିବା ପାଇଁ କେହି ଉସୁକାଇ ନାହାନ୍ତି। କାରଣ- ବାପା ମାନସିକ ଭାବେ ସମ୍ପୂର୍ଣ୍ଣ ସୁସ୍ଥ ଥିଲେ। ସେ ଆମକୁ ଭଲ କାମ କରିବା ପାଇଁ ପରାମର୍ଶ ଦେଉଥିଲେ। ତାକୁ କିଏ ଓ କଣ ଉସୁକାଇବ? ବାପା ମଲା ମରେ ସୁଶାନ୍ତ ଯେଉଁ ବିବାଦୀୟ ମନ୍ତବ୍ୟ ଦେଉଛନ୍ତି, ତାହା ଦୁର୍ଭାଗ୍ୟ ଜନକ। ସେ (ସୁଶାନ୍ତ) ଆମ ଚାଷ ଜମି ନଦେଖି ଭୁବନେଶ୍ୱରରେ ରହି ଏପରି ମନ୍ତବ୍ୟ ଦେବା ଠିକ୍&zwnj; ହେଉନି।&rdquo;</p><p>&lt;a href=&quot;&quot;&gt;(image) &lt;/a&gt;ବୃନ୍ଦାବନଙ୍କ ସାନ ପ୍ରୀତି କହିଛନ୍ତି-&ldquo;ମୋ ବାପାଙ୍କୁ ହତ୍ମହତ୍ୟା କରିବା ପାଇଁ ଉସୁକା ଯାଇଥିଲା ବୋଲି ସୁଶାନ୍ତ ସିଂ କହିଛନ୍ତି। ତାହାହେଲେ ସମଗ୍ର ରାଜ୍ୟରେ ଯେଉଁ ଚାଷୀ ଆତ୍ମହତ୍ୟା କରୁଛନ୍ତି, ତାଙ୍କୁ କିଏ ଉସୁକାଉଛି? ଏହାର ଉତ୍ତର କଣ ସୁଶାନ୍ତ ସିଂ ଦେଇପାରିବେ? ଆମେ କେମିତି ଚଳୁଛି ସେ କେବେ ଆସି ବୁଝିଛନ୍ତି କି? ତାହାହେଲେ ଭୁବନେଶ୍ୱରରେ ରହି ଏମିତି ମନ୍ତବ୍ୟ ଦେବାକୁ ତାଙ୍କୁ କିଏ ଅଧିକାର ଦେଲା। ସମସ୍ତଙ୍କଠାରୁ ନିରାଶ ହେବା ପରେ ପ୍ରଶାସନ ନିଦ ଭାଙ୍ଗିବା ପାଇଁ ବାପା ଏହି ଭିଡିଓ କରିଥିଲେ।&rdquo;</p><p>ବିଜେପି ବାଲାଙ୍କ କଥାରେ ପଡ଼ି ବୃନ୍ଦାଙ୍କ ଦୁଇ ଝିଅ ଏପରି ଅଭିଯୋଗ ଆଣୁଛନ୍ତି ବୋଲି ସୁଶାନ୍ତ କହିଛନ୍ତି।</p><p>&lt;span style=&quot;color: #ff0000;&quot;&gt;ଦିଲ୍ଲୀରୁ ଆସିଲା କେନ୍ଦ୍ରୀୟ ଟିମ୍&zwnj;&lt;/span&gt;</p><p>ଚକଡା ପୋକ ଚରିଥିବା ଯୋଗୁଁ ସବୁଠୁ ଅଧିକ କ୍ଷତିଗ୍ରସ୍ତ ହୋଇଛି ବରଗଡ ଜିଲ୍ଲା। ଏହାର ଅନୁଧ୍ୟାନ କରିବା ପାଇଁ ଆଜି ଜିଲ୍ଲାରେ ପହଁଞ୍ଚିଛି ବିଜେପିର ୬ ଜଣିଆ କେନ୍ଦ୍ରୀୟ ଟିମ। ପ୍ରଥମେ ଟିମ ସୋହେଲା ନିକଟ ଲହୁରାଚଟିରେ ଆତ୍ମହତ୍ୟା କରିଥିବା ଚାଷୀ ଖଗେଶ୍ୱର ମେହରଙ୍କ ଘରେ ପହଁଞ୍ଚିଥିଲେ। ତାଙ୍କ ପରିବାରକୁ ଭେଟିବା ସହ ଉଜୁଡା ଚାଷ ମଧ୍ୟ ଅନୁଧ୍ୟାନ କରିଥିଲେ। ପରେ ବିଜେପୁର, ବରପାଲି ପ୍ରଭୃତି ଅଞ୍ଚଳରେ ଚକଡ଼ା ପୋକ ନଷ୍ଟ କରିଥିବା ଚାଷ ଜମି ବୁଲି ଦେଖିଥିଲେ। ଅପରାହ୍ନରେ ଟିମ କଳାପାଣି ଗାଁର ଆତ୍ମହତ୍ୟା କରିଥିବା ଚାଷୀ ବୃନ୍ଦାବନ&nbsp; ସାହୁଙ୍କ ପରିବାର ଲୋକଙ୍କୁ ଭେଟିଥିଲେ।</p><p>https://youtu.be/BfQuKDcGRao</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।