ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଖୋର୍ଦ୍ଧା: ଚିଲିକା। ନୀଳ ଜଳରାଶି ଓ ନିଜର ମନୋହର ରୂପ ପାଇଁ ସାରା ବିଶ୍ୱରେ ବେଶ ପରିଚିତ। ଚିଲିକାର ସୌନ୍ଦର୍ଯ୍ୟ ଦେଶ ଓ ବିଦେଶର ହଜାର ହଜାର ପର୍ଯ୍ୟଟକଙ୍କୁ ଟାଣି ଆଣେ ନିଜ ପାଖକୁ। କଙ୍କଡା ଓ ଡଲଫିନ୍‌ ପାଇଁ ପ୍ରସିଦ୍ଧ ଚିଲିକାର ଅନ୍ୟ ଏକ ଆକର୍ଷଣ ହେଲା ବିଦେଶୀ ପକ୍ଷୀ। ବିଦେଶୀ ପକ୍ଷୀଙ୍କ କଳରୋବରେ ସଦାସର୍ବଦା ମୁଖରିତ ହେଉଥିବା ଚିଲିକା ସହ ଯୋଡ଼ି ହୋଇଛି ଆଉ ଏକ ଖୁସି ଖବର । ଏବେ ଏହି ଲୁଣି ପାଣିରେ ଦେଖିବାକୁ ମିଳିଛି ୧୭ ପ୍ରଜାତିର ନୂଆ ମାଛ ଓ ୯ ପ୍ରଜାତିର କଙ୍କଡା।</p> <p>ଏତେ ସଂଖ୍ୟାରେ ନୂଆ ପ୍ରଜାତି ଦେଖା ଦେବା ପ୍ରମାଣିତ କରୁଛି ଚିଲିକା ଜଳ ମାଛ ଓ କଙ୍କଡାଙ୍କ ପାଇଁ ଉପଯୋଗୀ। ଆଗାମୀ ଦିନରେ ଚିଲିକାକୁ ପ୍ରଦୂଷଣ ମୁକ୍ତ ରଖାଯିବା ସହ ଅଧିକ ଉପଯୋଗ କରାଯିବ ସେ କର୍ତ୍ତୃପକ୍ଷ ନଜର ରଖିଛନ୍ତି।</p> <p>ଇଣ୍ଡୋ-ପାସିଫିକ୍ ଟ୍ରପିକାଲ୍ ସାଣ୍ଡ ଗୋବି, ଇଣ୍ଡିଆନ୍ ପଟାସି, ଇଣ୍ଡିଆନ୍ ଜେବ୍ରା ସୋଲ୍, ଏଲ୍ ୱର୍ମ ଗୋବି। ଏହିଭଳି ୧୭ ଟି ନୂଆ ପ୍ରଜାତିର ମାଛ ବର୍ତ୍ତମାନ ଚିଲିକା ହ୍ରଦରେ ଅବସ୍ଥାନ କରୁଛନ୍ତି। ଏହି ନୂଆ ୧୭ଟି ପ୍ରଜାତିର ମାଛ ଠାବ କରାଯିବା ପରେ ବର୍ତ୍ତମାନ ଚିଲିକାରେ ମାଛଙ୍କ ପ୍ରଜାତି ମଧ୍ୟ ବଢ଼ିଛି। ୨୦୧୫ ସ୍ଥିତି ଅନୁଯାୟୀ ଚିଲିକାରେ ୩୧୫ଟି ପ୍ରଜାତିର ମାଛ ଥିଲେ। ଏବେ ଏହା ୩୩୫ରେ ପହଞ୍ଚିଛି।</p> <p>ସେହିଭଳି ପୂର୍ବରୁ ଚିଲିକାରେ ୨୬ଟି ପ୍ରଜାତିର କଙ୍କଡ଼ା ଦେଖା ଦେଉଥିଲେ। ୯ଟି ନୂଆ ପ୍ରଜାତି ମିଳିବା ପରେ ଏମାନଙ୍କ ପ୍ରଜାତି ମଧ୍ୟ ବଢ଼ି ୩୫ରେ ପହଞ୍ଚିଛି।</p> <p>ବିଶ୍ୱ ବ୍ୟାଙ୍କ, ସେଣ୍ଟ୍ରାଲ୍ ଇନ୍ଲ୍ୟାଣ୍ଡ ଫିସରି ରିସର୍ଚ୍ଚ ଇନଷ୍ଟିଚ୍ୟୁଟ ଏବଂ ଚିଲିକା ଉନ୍ନୟନ କର୍ତ୍ତୃପକ୍ଷ (ସିଡିଏ)ଙ୍କ ମିଳିତ ସହଯୋଗରେ ୨୦୧୨ରୁ ୨୦୧୭ ପର୍ଯ୍ୟନ୍ତ କରାଯାଇଥିବା ଅନୁଧ୍ୟାନରୁ ଏହା ଜଣାପଡିଛି। ଚିଲିକାର ବିଭିନ୍ନ ମାଛଧରା ଜେଟି ଓ ବୋଟ୍ ମାଧ୍ୟମରେ ମାଛ ଧରା ହେଉଥିବା ବେଳେ ଏହି ତଥ୍ୟ ସଂଗ୍ରହ କରାଯାଇଛି। ନୂତନ ମାଛ ସହିତ ଚିଲିକାରୁ ସଂଗୃହୀତ ଅନ୍ୟ ମାଛଙ୍କ ସଂଖ୍ୟା ମଧ୍ୟ ପୂର୍ବବତ୍ ସ୍ଥିର ରହିଛି। ମାଛର ପ୍ରଜାତି ବୃଦ୍ଧି ପାଇବା ଦ୍ୱାରା ଚିଲିକାର ହ୍ରଦର ପରିବେଶ ସନ୍ତୁଳିତ ଅବସ୍ଥାରେ ଥିବା ପ୍ରମାଣ ମିଳୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
