ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର) ସମୟ ସହ ତାଳ ଦେଇ ବଦଳୁଛି ଯୁଗ। ଟେକ୍ନୋଲୋଜିରେ ବି ପରିବର୍ତ୍ତନ ହେଉଛି। ନୂତନ ଜ୍ଞାନ କୌଶଳ ବା ମଡର୍ଣ୍ଣ ଟେକ୍ନୋଲୋଜି ବଳରେ ପୁରୁଣା ଢାଞ୍ଚା ବଦଳିଯାଉଛି। ଏଥିରୁ ବାଦ୍‌ ପଡ଼ିନି ବହି। ଆଜିର ଇ-ବୁକ୍ ଯୁଗରେ ମୁଦ୍ରିତ ବହି ବା ପ୍ରିଣ୍ଟେଡ୍‌ ବୁକ୍‌ ପଢିବାକୁ କାହାରି ପାଖରେ ତର ନାହିଁ ବୋଲି ଶୁଣିବାକୁ ମିଳୁଛି। ପ୍ରିଣ୍ଟେଡ୍ ବୁକ୍ ବଦଳରେ ଯୁବ ପିଢି ଇ-ବୁକ୍ ବା ଇଣ୍ଟରନେଟ୍‌ରେ ବହି ପଢିବାକୁ ଅଧିକ ପସନ୍ଦ କରୁଛନ୍ତି। ଏଇଭଳି ଏକ ପ୍ରଶ୍ନ ନେଇ ଆମେ ଭୁବନେଶ୍ଵର ପ୍ରଦର୍ଶନୀ ପଡ଼ିଆରେ ଚାଲିଥିବା ପୁସ୍ତକ ମେଳାରେ ପହଞ୍ଚିଥିଲୁ। ସେଠାରେ କିଛି ଛାତ୍ର ଯୁବକ ଓ ଲେଖକଙ୍କୁ ଏ ବିଷୟରେ ପଚାରିଥିଲୁ। ଶୁଣନ୍ତୁ କ’ଣ କହୁଛନ୍ତି ସେମାନେ।</p> <p>ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଚାଲିଥିବା ପୁସ୍ତକ ମେଳାରେ ବହି ଖଣ୍ଡେ କିଣିବା ପାଇଁ ଭିଡ଼ ଜମାଇଛନ୍ତି ଲୋକେ। ଇଣ୍ଟରନେଟ୍ ଯୁଗରେ ବହିର ଚାହିଦା କମୁଥିବା ବେଳେ ଏଠାରେ କିନ୍ତୁ ସମସ୍ତେ ବହି କିଣିବାରେ ବ୍ୟସ୍ତ। ଇଣ୍ଟରନେଟ୍‌ରେ ବହି ପଢ଼ିବାକୁ ସେତେଟା ଆଗ୍ରହ ପ୍ରକାଶ କରୁ ନାହାଁନ୍ତି ଯୁବପିଢ଼ି। ସେମାନଙ୍କର କହିବା କଥା, ଇଣ୍ଟରନେଟ୍‌ରେ ବହି ପଢ଼ିବା ସେତେଟା ସହଜ ହୋଇପାରୁନି।କମ୍ପ୍ୟୁଟର କିମ୍ବା ମୋବାଇଲରେ ପଢ଼ିଲେ ଆଖି ଉପରେ ଏହାର କୁ-ପ୍ରଭାବ ପଡ଼ୁଛି। ଯାହା ଫଳରେ ବହି ପଢ଼ିବାକୁ ସୁବିଧା ହେଉନାହିଁ।</p> <p>ଏ ବିଷୟରେ ଆମେ କିଛି ଲେଖକଙ୍କ ସହ ଯୋଗାଯୋଗ କରିବାକରୁ ସେମାନେ ଇ-ବୁକକୁ ସେତେଟା ଗୁରୁତ୍ୱ ଦେଇ ନଥିଲେ। ସେମାନଙ୍କ କହିବା କଥା ଇ-ବୁକ୍ ମୁଦ୍ରିତ ବହିର ସ୍ଥାନ ନେଇ ପାରିନାହିଁ। ସୋସିଆଲ ମିଡିଆ ଆସିବା ପରେ ମୁଦ୍ରିତ ବହି ପଢ଼ିବା କିଛି ମାତ୍ରାରେ କମିଛି ସତ, କିନ୍ତୁ ଲୋକେ ଇ-ବୁକ ଅପେକ୍ଷା ବହି ପଢ଼ିବାକୁ ଅଧିକ ପସନ୍ଦ କରୁଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
