୫ ଘଣ୍ଟା ଧରି ବିଜେଡି କବ୍‌ଜାରେ ରାଜଧାନୀ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ତେଲ ପାଇଁ ବିଜେଡିର ହରତାଳ। ୫ ଘଣ୍ଟା ଧରି ରାଜଧାନୀ ରାଜରାସ୍ତାରେ ଚାଲିଲା ଆତଙ୍କରାଜ। ଆନ୍ଦୋଳନକାରୀଙ୍କ ଆକ୍ରୋଶରୁ ମହିଳା, ବରିଷ୍ଠ ନାଗରିକ, ରୋଗୀ, ପଥଚାରୀ କେହି ବର୍ତ୍ତିଲେ ନାହିଁ। ବିଜେଡି କର୍ମୀମାନେ ଖୋଲାଖୋଲି ଗୁଣ୍ଡାଗିରି କରୁଥିବା ବେଳେ ପୋଲିସ ନିରବଦ୍ରଷ୍ଟା ସାଜିଥିଲା। ଏହାକୁ ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି।</p><p>ସାଧାରଣ ଲୋକଙ୍କ ସ୍ୱାର୍ଥ ରକ୍ଷା ନାଁରେ ବିଜେଡି ଆଜି ହରତାଳ କରିଥିଲା। ରାଜଧାନୀର ଡେଲଟା ଛକର ଜଣେ ଯୁବତୀଙ୍କୁ ଘେରିଛନ୍ତି ୮ରୁ ୧୦ ଆନ୍ଦୋଳନକାରୀ। ଯୁବତୀ ଜଣକ ଯିବା ପାଇଁ ଉଦ୍ୟମ କରୁଥିବା ବେଳେ ତାଙ୍କ ସହିତ ଆନ୍ଦୋଳନକାରୀ ଯୁକ୍ତିତର୍କ କରୁଛନ୍ତି। ଏହି ସମୟରେ କେତେକ ଯୁବକ ଠେଙ୍ଗାରେ ପିଟି ଗାଡ଼ି ଭାଙ୍ଗିବାକୁ ଉଦ୍ୟମ କରିଥିଲେ। ସେହିପରି ଜଣେ ମହିଳା ନିଜ ଶ୍ୱଶୁରଙ୍କୁ କାର୍&zwnj;ରେ ହସ୍ପିଟାଲ ନେଉଥିଲେ। ଆନ୍ଦୋଳନକାରୀମାନେ ତାଙ୍କ କାର ଭଙ୍ଗି ଦେଇଥିଲେ। ମହିଳା ଜଣକ ତୀବ୍ର ପ୍ରତିକ୍ରିୟା ପ୍ରକାଶ କରି ମୁଖ୍ୟମନ୍ତ୍ରୀଙ୍କୁ ଟ୍ୱିଟ୍ କରି ଜଣାଇଥିଲେ।</p><p>ସାଗରିକା କର କହିଛନ୍ତି-&ldquo;ଖୋର୍ଦ୍ଧାରୁ ମୁଁ ମୋର ଶ୍ୱଶୁରଙ୍କୁ ମେଡ଼ିକାଲ ନେଇ ଯାଉଥିଲି। ବାରମ୍ୱାର ବାରଣ ସତ୍ତ୍ୱେ ମୋ&rsquo; ଗାଡ଼ିକୁ ପିଟିଲେ।&rdquo;</p><p>ଜଣେ ଯୁବକ କହିଛନ୍ତି-&ldquo;ମେଡିକାଲରେ ଭର୍ତ୍ତି ହୋଇଥିବା ଜଣେ ରୋଗୀଙ୍କ ପାଖକୁ ଯାଉଥିଲି। ଆନ୍ଦୋଳନକାରୀମାନେ ମୋ ଗାଡ଼ିକୁ ପିଟି ଭାଙ୍ଗି ଦେଲେ। ମୁଁ ମେଡ଼ିକାଲ ଯାଇପାରିଲି ନାହିଁ। ରାଜନୀତି କଳି ଭିତରେ ଆମେ କଣ ପାଇଁ ଅସୁବିଧାରେ ପଡ଼ିବୁ? ଏକଥା କଣ ନବୀନ ବାବୁ ଜାଣିପାରୁ ନାହାନ୍ତି?&rdquo;</p><p>&lt;span style=&quot;color: #ff0000;&quot;&gt;କାହା ପାଇଁ ଏହି ହରତାଳ&lt;/span&gt;</p><p>ହରତାଳ ନାଁରେ ରାଜଧାନୀରେ ଗଣ୍ଡଗୋଳ ଘଟିଛି। ତେବେ ଏଠି ପ୍ରଶ୍ନ ଉଠୁଛି, କାହା ପାଇଁ ଏ ହରତାଳ? ସାଧାରଣ ଜନତାଙ୍କ ସ୍ୱାର୍ଥ ରକ୍ଷା ନା ରାଜନୈତିକ ଛବି ପାଇଁ ?&nbsp; ୪-୫ ଘଣ୍ଟା ଧରି ରାଜଧାନୀ ରାଜରାସ୍ତାରେ ବିଜେଡି କର୍ମୀ ଯେପରି ଆତଙ୍କରାଜ ଚଳାଇଲେ, ତା ଉପରେ ଏଭଳି ପ୍ରଶ୍ନ ଉଠିବା ସ୍ୱାଭାବିକ।</p><p>&lt;span style=&quot;color: #ff0000;&quot;&gt;ଆମ୍ୱୁଲାନ୍ସକୁ ଛାଡ଼ିଲେନି&lt;/span&gt;</p><p>ଆନ୍ଦୋଳନ ଓ ହରତାଳରୁ ଜରୁରୀକାଳିନ ସେବାକୁ ବାଦ ଦିଆଯାଏ। ମାତ୍ର ଆଜି ବିଜେଡି ଡାକରା ଦେଇଥିବା ହରତାଳରେ ଆନ୍ଦୋଳନ କରୁଥିବା କର୍ମୀମାନେ ସିଆରପିଏଫ୍&zwnj; ଛକରେ ଆମ୍ବୁଲାନ୍ସକୁ ଛାଡ଼ି ନଥିଲେ। ଏପରିକି ଆମ୍ବୁଲାନ୍ସରେ ଦଳୀୟ ପତାକା ଲଗାଇ ନିଜ ପତିଆରା ଦେଖାଇବାକୁ ଉଦ୍ୟମ କରିଥିଲେ।</p><p>ବିଜେଡି ହରକତରୁ ବର୍ତ୍ତି ନଥିଲେ ସ୍କୁଲ ପିଲା ଓ ଅଭିଭାବକ। ଅଧାରୁ ସ୍କୁଲ ଛୁଟି ଘୋଷଣା ପରେ ଘରକୁ ଫେରିବା ବେଳେ ଅଧିକ ହଇରାଣ ହୋଇଥିଲେ। ହରତାଳ ସମ୍ପର୍କରେ ସଠିକ ତଥ୍ୟ ନପାଇଥିବାରୁ ବସ୍&zwnj;ଷ୍ଟାଣ୍ଡ ଓ ରେଳ ଷ୍ଟେସନ୍&zwnj;ରେ ଯାତ୍ରୀମାନେ ଅଟକି ରହିଥିଲେ। ଦୋକାନ ବଜାର ବନ୍ଦ ରହିଥିବାରୁ ଯାତ୍ରୀମାନେ ନାନା ଅସୁବିଧାରେ ପଡ଼ିଥିଲେ। ଏପରିକି ସେମାନେ ମଧ୍ୟ ଆନ୍ଦୋଳନକାରୀଙ୍କ ଆକ୍ରୋଶରୁ ବର୍ତ୍ତି ନାହାନ୍ତି।</p><p>&lt;span style=&quot;color: #ff0000;&quot;&gt;ନିରବଦ୍ରଷ୍ଟା ସାଜିଥିଲା ପୋଲିସ&lt;/span&gt;</p><p>ହରତାଳ ଯୋଗୁଁ ରାଜଧାନୀର ଗୁରୁତ୍ୱପୂର୍ଣ୍ଣ ଛକରେ ପୋଲିସ ମୁତୟନ ହୋଇଥିଲେ। ପୋଲିସ୍ ଉପସ୍ଥିତିରେ ହିଂସା ଘଟୁଥିଲେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରୁନଥିଲା। ସେତେ ଯେପରି ଲାଗୁଛି ପୋଲିସ ହାତ ବାନ୍ଧି ବସିଛି। ମାତ୍ର ପୋଲିସ କମିଶନର ଓ୍ୱାଇ.ବି. ଖୁରାନିଆ କହିଛନ୍ତି, ବିଭିନ୍ନ ସ୍ଥାନରେ ଥିବା ସିସିଟିଭି ଫୁଟେଜ୍ ଯାଞ୍ଚ ହେବ। ଦୁର୍ବ୍ୟବହାରରେ ଶିକାର ବ୍ୟକ୍ତି ରିପୋର୍ଟ କଲେ କାର୍ଯ୍ୟାନୁଷ୍ଠାନ ନିଆଯିବ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।