ବରୀରେ ବନ୍ୟା ବିତ୍ପାତ: ଦେଖନ୍ତୁ ଘାଇ ଭାଙ୍ଗିବାର ଭୟଙ୍କର ଦୃଶ୍ୟ

ବରୀ: ବନ୍ୟା ସମୟରେ ଭୟଙ୍କର ଚିତ୍ର। ଭାଙ୍ଗିଯାଉଛି ଘାଇ। ଧୋଇଯାଉଛି ରାସ୍ତାଘାଟ। ଆଉ ଉପୁଡ଼ିପଡ଼ୁଛି ଗଛ।  ପ୍ରକୃତିର ଏହି ତାଣ୍ଡବ କେତେ ଭୟଙ୍କର ହୋଇପାରେ ତାର ଦୃଶ୍ୟ କ୍ୟାମେରାରେ କଏଦ ହୋଇଛି।  ବ୍ରାହ୍ମଣୀ ନଦୀରେ ଆସିଥିବା ବନ୍ୟା ଯୋଗୁ ଯାଜପୁର ଜିଲ୍ଲା ବରୀ ଅଞ୍ଚଳରେ ଏଭଳି ପରିସ୍ଥିତି ସୃଷ୍ଟି ହୋଇଛି। ବରୀ ବ୍ଲକର କିମ୍ଭିରିଆପାଳ ଅଞ୍ଚଳରେ ଏହି  ଦୃଶ୍ୟ ଦେଖିବାକୁ ମିଳିଛି।  ଚାଷଜମିଠାରୁ ରାସ୍ତାଘାଟ ପର୍ଯ୍ୟନ୍ତ ସବୁଠି ଲହଡ଼ି ଖେଳୁଛି ବନ୍ୟା ଜଳ।

ଭାଙ୍ଗିଯାଇଛି ଘରଦ୍ୱାର। ୧୦୦ ଫୁଟ୍‌ର ଏହି ଘାଇ ସୃଷ୍ଟି ହୋଇଯାଇଛି। ଘାଇ ଯୋଗୁ ଘରେ ଘରେ ପଶିଯାଇଛି ବନ୍ୟା ଜଳ ଉଜୁଡ଼ିଯାଇଛି ଚାଷବାଷ। ହେଲେ ଏଯାଏଁ ବନ୍ୟା  ବିପନ୍ନଙ୍କ ନିକଟରେ ପ୍ରଶାସନ ପହଞ୍ଚି ପାରି ନାହିଁ। ବନ୍ୟା ଆଗରୁ ପ୍ରଶାସନର ଆବଶ୍ୟକ ପ୍ରସ୍ତୁତିର ଅଭାବ ଏବଂ ଅବହେଳା ପାଇଁ ବରୀ ଅଞ୍ଚଳରରେ ସବୁ ବର୍ଷ ଏଭଳି ପରିସ୍ଥିତି ଉପୁଜୁଛି।