ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଯାଜପୁର: ଯାଜପୁରରେ ବନ୍ୟା। ଜିଲ୍ଲାର ୩୪ଟି ଗାଁ ଜଳମଗ୍ନ ହୋଇଯାଇଛି। ଗତକାଲି ବରୀ ବ୍ଳକ୍ କିମ୍ଭିରିଆପାଳ ନିକଟରେ ଗତକାଲି ବ୍ରାହ୍ମଣୀ ନଦୀରେ ପ୍ରାୟ ୧୦୦ ଫୁଟ୍‌ ଘାଇ ସୃଷ୍ଟି ହେବା ଫଳରେ ସ୍ଥିତି ଗମ୍ଭୀର ହୋଇଛି।</p> <p>[video width="720" height="576" mp4="]</p> <p>ଯାଜପୁର ଜିଲ୍ଲାପାଳ କହିଛନ୍ତି ବରୀ ବ୍ଲକ୍‌ର ଚାରିଟି ପଞ୍ଚାୟତର ୧୬ଟି ଗାଁ ଜଳମଗ୍ନ ହୋଇଥିବା ବେଳେ ଯାଜପୁର ବ୍ଳକ୍‌ର ଚାରୋଟି ପଞ୍ଚାୟତର ୧୮ଟି ଗାଁରେ ପାଣି ପଶିଛି। ଗ୍ରାମବାସୀମାନଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି। କେତେକ ସ୍ଥାନରେ ଲୋକଙ୍କୁ ସ୍କୁଲ୍ ରଖାଯାଇଛି। ଯେଉଁଠି ଉଚ୍ଚ ସ୍ଥାନରେ ଘର ଅଛି ସେଠାକୁ ମଧ୍ୟ ଲୋକଙ୍କୁ ସ୍ଥାନାନ୍ତର କରାଯାଇଛି। କିଛି ସ୍ଥାନରେ ଲୋକେ ସ୍ୱେଚ୍ଛାକୃତ ଭାବେ ଉଚ୍ଚ ସ୍ଥାନକୁ ଉଠି ଯାଇଛନ୍ତି। ପାଣି ଘେରରେ ଥିବା ଲୋକଙ୍କ ପାଇଁ ମାଗଣା ଖାଇବା ବ୍ୟବସ୍ଥା କରାଯାଇଛି।</p> <p>ଯାଜପୁର, ବିଞ୍ଝାରପୁର, ରସୁଲପୁର ଓ ଦାନଗଦୀ ବ୍ଲକର ଅନେକ ଅଞ୍ଚଳ ପ୍ରଭାବିତ ହୋଇଛି। ଜିଲ୍ଲାର ୯ଟି ବ୍ଲକର ୫୨ଟି ପଞ୍ଚାୟତରେ ସ୍ଥିତି ଜଟିଳ ରହିଛି। ଏବେ ୧୧୨ଟି ଗାଁ ଜଳମଗ୍ନ ରହିଥିବା ବେଳେ ଏକ ଲକ୍ଷରୁ ଅଧିକ ଲୋକ ବିପନ୍ନ ହୋଇଛନ୍ତି। ୧୦ଟି ଓଡ୍ରାଫ୍ ଟିମ୍ ଓ ଅଗ୍ନିଶମ ବିଭାଗକୁ ରିଲିଫ୍ ଓ ଉଦ୍ଧାର କାମରେ ନିୟୋଜିତ କରାଯାଇଛି। ବନ୍ୟା ପ୍ରଭାବିତଙ୍କ ପାଇଁ ୬ଟି ଫ୍ରି କିଚେନ୍ ଖୋଲାଯାଇଛି। ବନ୍ୟାରେ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି।</p> <p>ଜିଲ୍ଲାପାଳ କହିଛନ୍ତି, ଗତକାଲି ରାତି ସୁଦ୍ଧା ଆମେ ୧୬୦୦ ଲୋକଙ୍କୁ ଉଦ୍ଧାର କରିଥିଲୁ। ଯାହା ଖବର ଅଛି ଯାଜପୁର ଓ ବରୀ ବ୍ଲକର ପ୍ରାୟ ୨୦ ରୁ ୨୨ ହଜାର ଲୋକ ବିଭିନ୍ନ ସ୍ଥାନରେ ପାଣି ଘେରରେ ଅଛନ୍ତି।</p> <p>[video width="720" height="576" mp4="http://odishareporter.in/wp-content/uploads/2017/07/Collector-byte_x264.mp4"][/video]</p> <p>ବନ୍ୟାରେ ବିଶେଷ ଭାବେ ବରୀ ବ୍ଲକ୍ ଅଧିକ ପ୍ରଭାବିତ ହୋଇଛନ୍ତି ବୋଲି ଯାଜପୁର ଜିଲ୍ଲାପାଳ କହିଛନ୍ତି। ଅନ୍ୟ ବ୍ଲକ୍ ଗୁଡ଼ିକ ଆଂଶିକ ଭାବେ ପ୍ରଭାବିତ ହୋଇଛନ୍ତି ବୋଲି ସେ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
