ଏସ୍‌ସିବିରେ କ୍ଲୋରିନ୍‌ ଗ୍ୟାସ୍‌ ଲିକ୍‌, ୩୩ ଅସୁସ୍ଥ

<p>କଟକ(ଓଡ଼ିଶା ରିପୋର୍ଟର): ଏସ୍&zwnj;ସିବିରେ କ୍ଲୋରିନ୍&zwnj; ଗ୍ୟାସ୍&zwnj; ଲିକ୍&zwnj; ହୋଇ ୩୩ ଜଣ ଅସୁସ୍ଥ ହୋଇପଡ଼ିଛନ୍ତି। ସେମାନଙ୍କୁ କାଜୁଆଲ୍&zwnj;ଟିରେ ଭର୍ତ୍ତି କରାଯାଇଛି। ତେବେ ୩ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଆଇସିୟୁରେ ଭର୍ତ୍ତି କରାଯାଇଛି। ଏବେ ମେଡ଼ିକାଲ ପରିସରରେ ନିଶ୍ୱାସ ନେବା କଷ୍ଟ ହୋଇପଡ଼ୁଥିବାରୁ ରୋଗୀ, ରୋଗୀଙ୍କ ସମ୍ପର୍କୀୟ ଓ କର୍ମଚାରୀଙ୍କ ମଧ୍ୟ ଭୟର ବାତାବରଣ ଖେଳି ଯାଇଛି। ସମସ୍ତେ ଜୀବନ ବିକଳରେ ମେଡ଼ିକାଲ ଛାଡ଼ି ଦୌଡ଼ି ପଳାଇ ଯାଉଥିବା ଦେଖିବାକୁ ମିଳିଛି। ଅସୁସ୍ଥଙ୍କ ମଧ୍ୟ କିଛି ମେଡ଼ିକାଲ ଛାତ୍ରୀ ଥିବା ଜଣାପଡ଼ିଛି।</p> <p>ପାଣି ବିସୁଦ୍ଧ କରିବା ପାଇଁ କ୍ଲୋରିନ୍&zwnj; ଗ୍ୟାସକୁ ପ୍ରୟୋଗ କରାଯାଏ। ଏହି ଗ୍ୟାସ୍&zwnj; ଆଜି ଲୋକଙ୍କ ଜୀବନ ନେବାକୁ ବସିଛି। ଦିନ ପ୍ରାୟ ୨ରୁ ୩ଟା ବେଳେ ଗ୍ୟାସ୍&zwnj; ଲିକ୍&zwnj; ହୋଇଥିଲା। ଯାହାଫଳରେ ରୋଗୀ, ରୋଗୀଙ୍କ ସମ୍ପର୍କୀୟ ଓ ମେଡ଼ିକାଲ କର୍ମଚାରୀମାନଙ୍କ ଆଖି ପୋଡ଼ି ଥିଲା। ଏପରିକି ନିଶ୍ୱାସ ନେବା କଷ୍ଟକର ହୋଇପଡ଼ିଲା। ଏନେଇ ଖବର ପ୍ରଚାରିତ ହେବା ପରେ ମେଡ଼ିକାଲ ପରିସରରେ ଆତଙ୍କ ଖେଳାଇ ଦେଇଥିଲା। ସମସ୍ତେ ଜୀବନ ବିକଳରେ ଦୌଡ଼ି ପଳାଇ ଯାଇଥିଲେ।</p> <p>କ୍ଲୋରିନ୍&zwnj; ଗ୍ୟାସ୍&zwnj; ଲିକ୍&zwnj; ନେଇ ଖବର ପାଇ ଅଗ୍ନିଶମ କର୍ମଚାରୀମାନେ ମେଡ଼ିକାଲରେ ପହଞ୍ଚିଥିଲେ। ଅଗ୍ନିଶମ କର୍ମଚାରୀମାନେ ମେଡ଼ିକାଲରେ ପହଞ୍ଚି ଜନସ୍ୱାସ୍ଥ୍ୟ ବିଭାଗ ପମ୍ପ ହାଉସ୍&zwnj; ଭିତରେ ପ୍ରବେଶ କରି ଲିକ୍&zwnj; ହୋଇଥିବା କ୍ଲୋରିନ୍&zwnj; ଗ୍ୟାସ୍&zwnj; ଟାଙ୍କିକୁ ବନ୍ଦ କରିବାକୁ ଚେଷ୍ଟା କରିଥିଲେ। ମାତ୍ର ସମ୍ଭବ ହୋଇନଥିଲା। ପରେ ଗ୍ୟାସ ଟାଙ୍କିକୁ ସୁରକ୍ଷିତ ଭାବେ ଉଦ୍ଧାର କରି ମହାନଦୀ ବିହାର ଅଭିମୁଖେ ନେଇ ଯାଇଥିବା ଜଣାପଡ଼ିଛି।</p> <p>ସୂଚନାରୁ ପ୍ରକାଶ, ପମ୍ପ ହାଉସ୍&zwnj;ରେ ୩ଟି କ୍ଲୋରିନ୍&zwnj; ଗ୍ୟାସ ଟାଙ୍କି ଥିଲା। ସେଥିରୁ ଗୋଟିଏ ଟାଙ୍କିରୁ ଗ୍ୟାସ ନିର୍ଗତ ହେଉଥିଲା। ଏବେ ମଧ୍ୟ ପମ୍ପ ହାଉସ୍&zwnj; ଭିତରେ ୨ଟି ଗ୍ୟାସ ଟାଙ୍କି ରହିଛି। ସେହି ଟାଙ୍କି ଗୁଡ଼ିକର ଅବସ୍ଥା କେମିତି ଅଛି, ସେନେଇ ତଦନ୍ତ ଚାଲିଛି। ବର୍ତ୍ତମାନ ସୁସ୍ଥା ୩୩ ଜଣ ଅସୁସ୍ଥା ହୋଇପଡ଼ିଛନ୍ତି। କହିବାକୁ ଗଲେ ମେଡ଼ିକାଲ ଏକ ପ୍ରକାର ଜନଶୂନ୍ୟ ହୋଇଯାଇଛି।</p>