ଡବଲ ପ୍ରେମର ସାଇଡ୍ ଇଫେକ୍ଟ: ରଙ୍ଗେହାତ୍ ଧରା ପଡ଼ିଲେ ରଙ୍ଗିଲା ପ୍ରେମିକ, ନୂଆ ଓ ପୁରୁଣା ପ୍ରେମିକା ମିଶି ଛେଚିଲେ

<p>ଭୁବନେଶ୍ୱର: କଥାରେ ଅଛି ଦୁଇଟି ଡଙ୍ଗାରେ ଗୋଡ଼ ଦେଲେ, ଶେଷରେ ଜୀବନ ଯିବା ସାର ହୋଇଥାଏ। ଯଦି ଏହା ପ୍ରେମ ବ୍ୟାପାର ହୋଇଥାଏ, ତେବେ ତ କଥା ସରିଲା। ଆଜି ରାଜଧାନୀ ଭୁବନେଶ୍ୱରରେ ଘଟିଛି ଏମିତି ଏକ ଘଟଣା, ଯାହା ଖୁବ୍ ଚର୍ଚ୍ଚାର ବିଷୟ ହୋଇଛି।</p><p>ଡବଲ ପ୍ରେମ, ବେଳେବେଳେ ମଲ୍&zwnj;ଟି ପ୍ରେମର ଇଫେକ୍ଟ ଦେଖିବାକୁ ମିଳେ ଯୁବକ ଯୁବତୀମାନଙ୍କ ଭିତରେ। ଜଣେ ଜଣେ ପୁଅଙ୍କର ଏକାଧିକ ପ୍ରେମିକ, ଘଟଣାକୁ ବେଳେବେଳେ ବିବାଦ ଭିତରକୁ ନେଇଯିବା ଦେଖାଯାଏ। ଆଜିର ଦୃଶ୍ୟଟି ସେହିପରି। ଏହାକୁ କେତେକ କହୁଛନ୍ତି ଡବଲ ପ୍ରେମର ସାଇଡ୍ ଇଫେକ୍ଟ।</p><p>ସୋସିଆଲ୍ ମିଡିଆରେ ବୁଲୁଥିବା ଏହି ଭିଡିଓରେ ଦେଖିବାକୁ ମିଳିଛି ଜଣେ ଯୁବକଙ୍କୁ ଦୁଇଜଣ ଯୁବତୀ ମିଶିକି ମାଡ଼ ମାରୁଛନ୍ତି। (ଭିଡିଓ ଦେଖନ୍ତୁ) ଭିଡିଓଟି ମଝିରୁ ଦେଖିଲେ ଆପଣ କନ୍&zwnj;ଫ୍ୟୁଜ୍ ହୋଇଯିବେ। ପ୍ରଥମରୁ ଦେଖିଲେ ହିଁ କଥାଟା ସ୍ପଷ୍ଟ ହୋଇଯିବ। ସଂପୂର୍ଣ୍ଣ କଥାଟି ଏହିପରି- ଜଣେ ଯୁବକ ତାଙ୍କ ପ୍ରେମିକାଙ୍କ ସହ ରାଜଧାନୀର ଏକ ପାର୍କରେ କିଛି ସମୟ ବିତେଇବାକୁ ଯାଇଥିଲେ। ସବୁ ଠିକ୍ ଚାଲିଥିଲା। କିନ୍ତୁ କିଛି ସମୟ ପରେ ଚିତ୍ର ବଦଳି ଯାଇଥିଲା। ରୋମାଣ୍ଟିକ୍ ମୁଡ୍ ହଠାତ୍ ଫାଇଟିଂ ମୁଡ୍&zwnj;କୁ ଆସି ଯାଇଥିଲା। ସେଠାରେ ହଠାତ୍ ଆବିର୍ଭାବ ହୋଇଥିଲା ଆଉଜଣେ ଝିଅଙ୍କର। ଦ୍ୱିତୀୟ ଯୁବତୀଙ୍କ କହିବା କଥା, ସେ ହେଉଛନ୍ତି ଯୁବକଙ୍କ ପୂର୍ବତନ ପ୍ରେମିକା। ତାଙ୍କୁ ଧୋକ୍କା ଦେଇ ଯୁବକ ଜଣକ ଏହି ନୂଆ ପ୍ରେମିକଙ୍କୁ ଧରିଛନ୍ତି। ତେଣୁ ଦ୍ୱିତୀୟ ଯୁବତୀ ତାଙ୍କ ପୂର୍ବତନ ପ୍ରେମିକ ଅର୍ଥାତ ସେ ଯୁବକ ଜଣଙ୍କୁ ନାନା ପ୍ରଶ୍ନ ପଚାରି ଆରମ୍ଭ କରି ଦେଇଥିଲେ ମାଡ଼। ନୂଆ ପ୍ରେମିକାଙ୍କ ଆଗରେ ପ୍ରେମକ ପ୍ରବରଙ୍କ କଲର ଧରି ଚାପୁଡ଼ା ପରେ ଚାପୁଡ଼ା ମାରିଥିଲେ। କଥା ସେତିକିରେ ସରିନଥିଲା। ଦ୍ୱିତୀୟ ଯୁବତୀ ଜଣକ ପ୍ରେମିକଙ୍କ କାରନାମା ଓ ତାଙ୍କୁ ମାଡ଼ମରା ଘଟଣାର ଦୃଶ୍ୟ ରେକର୍ଡ କରିବାକୁ ସାଙ୍ଗରେ ଜଣେ ସାଥୀଙ୍କୁ ବି ନେଇକି ଯାଇଥିଲେ। ମାଡ଼ ମରା ଚାଲିଥିଲା ବେଳେ ମୋବାଇଲ୍&zwnj;ରେ ପୂରା ଘଟଣାର ରେକର୍ଡ କରୁଥିଲେ ତାଙ୍କୁ ସାଙ୍ଗ।</p><p>ଏ ସବୁକୁ ନେଇ ଯୁବକ ଜଣକ ପୂରା ଚୁପ୍ ହୋଇଯାଇଥିବା ଦେଖିବାକୁ ମିଳିଥିଲା। ଦୋଷ କରିଥିବା ପରି ପ୍ରେମକ ଜଣକ ଚୁପ୍&zwnj;ଚାପ୍ କେବଳ ମାଡ଼ ହିଁ ଖାଉଥିଲେ। ବେଶୀ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିବା ବର୍ତ୍ତମାନଙ୍କର ପ୍ରେମିକାଙ୍କ ପାଇଁ। ତାଙ୍କରି ଆଗରେ ଆଉଜଣେ ଯୁବତୀ ତାଙ୍କ ପ୍ରେମିକଙ୍କୁ ମାଡ଼ ମାରୁଥିଲେ ବି ସେ କିଛି କରିପାରୁ ନଥିଲେ। ତେବେ ପୂର୍ବତନ ପ୍ରେମିକା ବା ମାଡ଼ ମାରୁଥିବା ଯୁବତୀ, ଝିଅଟିକୁ ବୁଝାଇ ଦେଇଥିଲେ ଯେ, ଯୁବକ ଜଣକ ତମକୁ ବି ଧୋକ୍କା ଦେଇ ନୂଆ ପ୍ରେମିକ ଖୋଜିବେ। ଅସଲ କଥାଟି ବୁଝିଯିବା ପରେ, ପୂର୍ବତନ ଓ ବର୍ତ୍ତମାନ ପ୍ରେମିକା ଦୁହେଁ ମିଶି ପ୍ରେମିକ ପ୍ରବର ଯୁବକଙ୍କୁ ଭଲକରି ପିଟିଥିଲେ।</p><p>ଡବଲ ପ୍ରେମର ମଜା ନେବାକୁ ଉଦ୍ୟମ କରୁଥିବା ଯୁବକଙ୍କୁ ଉତ୍ତମ ମଧ୍ୟମ ହେଲାପରେ, ଏବଂ ଏହି ଭିଡିଓ ସୋସିଆଲ ମିଡିଆରେ ଛଡ଼ାଯିବା ପରେ ଏହାକୁ ନେଇ ଖୁବ୍ ଚର୍ଚ୍ଚା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।