ବୌଦ୍ଧ: ଛତିଶଗଡି ହାର୍ଡକୋର ମହିଳା ମାଓବାଦୀକୁ ବୌଦ୍ଧ ପୋଲିସ ଆଜି ଗିରଫ କରିଛି। ତା’ ନାଁ ହେଉଛି ଜ୍ୟୋତି ମାଡକାମି ଓରଫ୍ ସୁସ୍ମିତା। ସେ କଳାହାଣ୍ଡି-କନ୍ଧମାଳ-ବୌଦ୍ଧ-ନୟାଗଡ ଡିଭିଜନର ଏରିଆ କମିଟିର ସଦସ୍ୟ ଥିଲା। ତା’ଘର ଛତିଶଗଡ଼ରେ। ସୁସ୍ମିତା ନାଁରେ ରାଜ୍ୟ ସରକାର ୪ ଲକ୍ଷ ଟଙ୍କ।ର ପୁରସ୍କାର ଘୋଷଣା କରିଥିଲେ। ୨୦୧୪ରୁ ସେ ବୌଦ୍ଧ ଅଞ୍ଚଳରେ ମାଓ କାର୍ଯ୍ୟକଳାପରେ ଲିପ୍ତ ଥିଲା। ଏହା ପୂର୍ବରୁ ସେ ବରଗଡ ଓ ବଲାଙ୍ଗିର ଜିଲାରେ ସଂଗଠନ ଦାୟିତ୍ୱରେ ଥିଲା। ବିଶେଷକରି ନୃତ୍ୟଗୀତ ମାଧ୍ୟମରେ ଲୋକଙ୍କୁ ମାଓବାଦୀଙ୍କ ସପକ୍ଷରେ ଆଣିବାକୁ ପ୍ରବର୍ତ୍ତାଇବା କାମ କରୁଥିଲା ସୁସ୍ମିତା। ୨୦୧୩ ମସିହାରୁ କଳାହାଣ୍ଡି ଜିଲାରେ ସଂଘଟିତ ଅନେକ ମାଓ ଆକ୍ରମଣରେ ମଧ୍ୟ ସେ ସାମିଲ ଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।