ମୁଁ ଏକା ଚାହିଁଲେ ବିଜେପିକୁ ୧୦ରୁ ୬କୁ ଖସାଇ ଦେବି: ଦାମୋଦର ରାଉତ

<p>ଭୁବନେଶ୍ୱର: ବିଜେଡି ସାଂସଦ ଭର୍ତ୍ତୃହରି ମହତାବଙ୍କ ସ୍ତମ୍ଭକୁ ନେଇ ପୁଣି କଟାକ୍ଷ କଲେ ମନ୍ତ୍ରୀ ଦାମୋଦର ରାଉତ। ଦଳକୁ ନେଇ ଭର୍ତ୍ତୃହରି ଆଶଙ୍କାନ୍ୱିତ ହୁଅନ୍ତୁ ନାହିଁ ବୋଲି ଦାମୋଦର ରାଉତ କହିଛନ୍ତି । ମହତାବ ତାଙ୍କ ସ୍ତମ୍ଭରେ କେନ୍ଦ୍ର ରାଜନୀତି ପରିପ୍ରେକ୍ଷୀରେ ଲେଖିଛନ୍ତି ଯେ ବିରୋଧୀ ପକ୍ଷ ଆଦର୍ଶ ରକ୍ଷା ଲାଗି ଉଦ୍ୟମ କରିବା ଆବଶ୍ୟକ ନ ହେଲେ ନିଜ ରାଜନୈତିକ ଅସ୍ତିତ୍ୱ ରକ୍ଷା କରିପାରିବେ ନାହିଁ। ଏହି ସ୍ତମ୍ଭ ନେଇ ଭର୍ତ୍ତୃହରିଙ୍କୁ ପରୋକ୍ଷରେ ସମାଲୋଚନା କରି ଦାମ କହିଛନ୍ତି,&ldquo; ଖାଲି ଆର୍ଟିକିଲ୍&zwnj; ଲେଖିଦେଲେ ହେବନି, ସାହସର ସହ ସାମ୍ନା କରନ୍ତୁ। ଭର୍ତ୍ତହରି ବାବୁ ଯାହା ଅନୁଭବ କରୁଛନ୍ତି ତାହା ଲେଖୁଛନ୍ତି। ଏଥିରେ ଗୁରୁତ୍ୱ ଦେବାର କିଛି ନାହିଁ। କ୍ଷମତା ପାଇଁ ଲାଳାୟତ ହେଉଥିବା ଲୋକମାନେ ପ୍ରଚୁର ସମ୍ପତ୍ତି ଯୋଗାଡ଼ କରି ତାହାକୁ ବିନିଯୋଗ କରି ଦଳ କରିବାକୁ ଚାହୁଁଛନ୍ତି।&rdquo;</p> <p>ସେ ଆହୁରି କହିଛନ୍ତି,&ldquo;ଭାରତୀୟ ଜନସାଧାରଣ ଏତେ ଚତୁର ଯେ ନିର୍ବାଚନ ସମୟରେ ଠିକ୍ ବିଚାର କରିପାରନ୍ତି। ତେଣୁ ଭର୍ତ୍ତୃହରି ବାବୁ ଆଶଙ୍କିତ ହେବା କାରଣ ନାହିଁ। ଏଠି ଆଞ୍ଚଳିକ ଦଳ ବିଜୁ ଜନତା ଦଳ ଅଛି। ଯାହାର ବିଧାନସଭାରେ ୧୧୭ ଜଣ ସଭ୍ୟ ଅଛନ୍ତି। ବିଜେପିର ମାତ୍ର ୧୦ ଜଣ ଅଛନ୍ତି। ଭର୍ତ୍ତୃହରିଙ୍କୁ ମୋର କଥା ରହିଲା ଏହି ୧୦କୁ ମୁଁ ୬କୁ ଖସେଇ ଦେବି।&rdquo;</p> <p>ଅନ୍ୟପକ୍ଷରେ ମନ୍ତ୍ରୀ ଦାମୋଦର ରାଉତଙ୍କ ମନ୍ତବ୍ୟ ଉପରେ ବିଜେପି ପ୍ରଭାରୀ ଅରୁଣ ସିଂ କହିଛନ୍ତି,&ldquo;ମନ୍ତ୍ରୀ ଅହଙ୍କାରରେ ଏପରି କହୁଛନ୍ତି।&rdquo;</p>