ଏହି ବ୍ୟକ୍ତିଙ୍କ ପାଖରେ ଅଛି ୬୮ଟି ଦେଶର ୫୯ଟି ଭାଷାର ଖବର କାଗଜ

<p>ଯାଜପୁର: ଭିନ୍ନ ଭିନ୍ନ ଲୋକଙ୍କର ରହିଛି ଭିନ୍ନ ଭିନ୍ନ ସଉକ। ଏହି ସଉକ ସେମାନଙ୍କ ପାଇଁ ବେଳେବେଳେ ନିଶାରେ ପରିଣତ ହୋଇଯାଏ। ଆଉ ଏହି ନିଶା ସେମାନଙ୍କୁ ଆଣି ଦେଇଥାଏ ଖ୍ୟାତି ଏବଂ ସ୍ୱୀକୃତି। ଏହିଭଳି ଜଣେ ବ୍ୟକ୍ତି ହେଉଛନ୍ତି ଶଶାଙ୍କ ଶେଖର ଦାଶ। ତାଙ୍କ ଘର ଯାଜପୁର ଜିଲ୍ଲା ବରୀ ବ୍ଲକର ଅରଙ୍ଗାବାଦ ଗାଁରେ। ସେ ଦେଶ ବିଦେଶର ଖବରକାଗଜ ସଂଗ୍ରହ କରି ଭାରତରେ ରେକର୍ଡ କଲା ପରେ ଏବେ ଗି ନିଜ୍ ଓ୍ୱାର୍ଲଡ ରେକର୍ଡସ ଦୌଡରେ ଅଛନ୍ତି।</p><p>ଶଶାଙ୍କ ନିକଟରେ ଭାରତ ବ୍ୟତୀତ ଏସିଆ ଏବଂ ୟୁରୋପ ମହାଦେଶ ସମେତ ୬୮ଟି ଦେଶର ୫୯ଟି ଭାଷାର ଖବର କାଗଜର ବିରଳ ସଂଗ୍ରହ ରହିଛି । ସେ ୩ହଜାର ୧୬୭ଟି ଟାଇଟଲର ୫ହଜାର ଖବର କାଗଜ ସଂଗ୍ରହ କରପାରିଛନ୍ତି। ଶଶାଙ୍କ ୨୦୦୧ ମସିହାରୁ କ୍ଷୁଦ୍ର ଖବର କାଗଜରେ ସାମ୍ବାଦିକତା ଆରମ୍ଭ କରୁ କରୁ ଏହି ନିଶା ତାଙ୍କ ମୁଣ୍ଡରେ ପଶିଥିଲା। ସେହିଦିନ ଠାରୁ ବିଭିନ୍ନ ଲୋକଙ୍କ ସହାୟତାରେ ଏହି ଖବର କାଗଜ ସଂଗ୍ରହ କରିଛନ୍ତି।</p><p>ଦୀର୍ଘ ୧୬ ବର୍ଷ ଧରି&nbsp; ନିଜସ୍ୱ ଖର୍ଚ୍ଚରେ ଏହି ଖବର କାଗଜ ସବୁ ସଂଗ୍ରହ କରି ପାରିଛନ୍ତି ଶଶାଙ୍କ। ଏଥିପାଇଁ ତାଙ୍କୁ ଲିମକା ବୁକ ଅଫ ରେକର୍ଡସ ଏବଂ ଇଣ୍ଡିଆ ବୁକ ଅଫ ରେକର୍ଡସରେ ସ୍ଥାନ ମିଳିସାରିଛି। ଏବେ ସେ ଗିନିଜ ବୁକ୍&zwnj; ଅଫ ଓ୍ୱାର୍ଲଡ ରେକର୍ଡସ ସ୍ଥାନ ହାସଲ କରିବା ପାଇଁ ଲକ୍ଷ୍ୟ ରଖିଛନ୍ତି। ଏଥିପାଇଁ ସେ ଆବେଦନ କରିବା ପରେ ଗିନିଜ କର୍ତ୍ତୃପକ୍ଷ ତାଙ୍କ ପ୍ରୋଜେକ୍ଟକୁ ମଞ୍ଜୁର ମଧ୍ୟ କରିସାରିଛନ୍ତି।</p><p>&lt;span style=&quot;font-size: 14pt; color: #ff0000;&quot;&gt;&lt;strong&gt;ଆହୁରି ମଧ୍ୟ ପଢନ୍ତୁ:&nbsp;&lt;a title=&quot;View ଆମ୍ବୁଲାନ୍ସ ଡ୍ରାଇଭରଙ୍କ ମହନିୟତା: ଗଛର ଯତ୍ନ ନିଅନ୍ତି,ଡାକ୍ତରଖାନାରେ ବାଣ୍ଟନ୍ତି ଦାନ୍ତକାଠି&quot; href=&quot;&quot; rel=&quot;bookmark&quot;&gt;ଆମ୍ବୁଲାନ୍ସ ଡ୍ରାଇଭରଙ୍କ ମହନିୟତା: ଗଛର ଯତ୍ନ ନିଅନ୍ତି,ଡାକ୍ତରଖାନାରେ ବାଣ୍ଟନ୍ତି ଦାନ୍ତକାଠି&lt;/a&gt;&lt;/strong&gt;&lt;/span&gt;</p><p>ନିଜ ସଂଗୃହିତ ଖବରକାଗଜକୁ ନେଇ ଜନ୍ମମାଟି ଯାଜପୁର ଜିଲ୍ଲା ବରୀ ବ୍ଲକର ଅରଙ୍ଗାବାଦ ଗାଁରେ ଏକ ମ୍ୟୁଜିୟମ ପ୍ରତିଷ୍ଠା କରିଛନ୍ତି ଶଶାଙ୍କ। ଏହାକୁ କିଭଳି ଆହୁରି ବ୍ୟାପକ କରାଯିବ, ତାହାହିଁ ତାଙ୍କର ଲକ୍ଷ୍ୟ&nbsp; ରହିଛି।</p><p>ଖବର କାଗଜ ସଂଗ୍ରାହକ ଶଶାଙ୍କ ଶେଖର ଦାଶ କହିଛନ୍ତି,&ldquo;ମୁଁ ଛୋଟ ଖବର କାଗଜରେ ଚାକିରି କରିଥିଲି। ସେହି ସମୟରେ ଛୋଟ ଛୋଟ ଖବର କାଗଜ ବଜାରକୁ ଆସୁନଥିଲା। ସେଥିପାଇଁ ସବୁ ଖବର କାଗଜକୁ ସଂଗ୍ରହ କରି ରଖିବା ପାଇଁ ମୋ ମୁଣ୍ଡରେ ପଶିଥିଲା। ପରବର୍ତ୍ତୀ ସମୟରେସାମ୍ବାଦିକ ତା&rsquo;ର ଛାତ୍ର ଓ ଗବେଷକଙ୍କ କାମରେ ଏହା ଲାଗିବ ବୋଲି ମୁଁ ଭାବିଲି। ଏପରି ଏକ ଅଜବ ଚିନ୍ତାରୁ ମୁଁ ଖବର କାଗଜ ସଂଗ୍ରହ ଆରମ୍ଭ କରିଥିଲି।&rdquo;</p><p>https://youtu.be/3SUab493nTE</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।