ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ/ବ୍ରହ୍ମଗିରି(ଓଡ଼ିଶା ରିପୋର୍ଟର): ଏବେବି ସମଜରୁ ଯାଇନି ଜଙ୍ଗଲୀରାଜ। କେତେବେଳେ କେଉଁ ରୂପରେ ଆସି କାହା ଉପରେ ପଡ଼ିବ ଜାଣିବା କଷ୍ଟକର। କେବେ ମହିଳାଙ୍କୁ ବିଚ୍‌ ରାସ୍ତାରେ ଉଲଗ୍ନ କରି ନିଆଯାଉଛି ତ ଆଉ କେତେବେଳେ ସାମାନ୍ୟ କଥାରେ ଲୋକେ ହିଂସ୍ର ହୋଇଉଠୁଛନ୍ତି। ଏପରି ଏକ ଜଙ୍ଗଲୀରାଜ ଦେଖିବାକୁ ମିଳିଛି ରାଜାଧାନୀଠାରୁ ଅଳ୍ପ ଦୂର ବ୍ରହ୍ମଗିରି ଥାନା ବେଣ୍ଟପୁର ଅଞ୍ଚଳରେ। ଜଣେ ମହିଳାଙ୍କୁ ଅଶ୍ଲୀଳ ଇଙ୍ଗିତ ପ୍ରଦର୍ଶନ କରିଥିବା ଜଣେ ଯୁବକଙ୍କୁ ସ୍ଥାନୀୟ ଲୋକେ ଅକଥନୀୟ ନିର୍ଯାତନା ଦେଇଛନ୍ତି। ଅଭିଯୁକ୍ତଙ୍କୁ ଧରିବା ପରେ ପୋଲିସକୁ ଡାକି ଜିମା ଦେବା ବଦଳରେ ମହିଳାଙ୍କ ସମ୍ପର୍କୀୟମାନେ ତାଙ୍କୁ ବାଇକ୍‌ ପଛରେ ଏକ ଚେନ୍‌ରେ ବାନ୍ଧି ଦୌଡ଼ାଇ ଦୌଡ଼ାଇ ଥାନାକୁ ନେଇଛନ୍ତି। ଯାହା ସାରା ରାଜ୍ୟର ଚର୍ଚ୍ଚାର ବିଷୟ ହୋଇଛି।</p> <p>ପୁରୀ ସଦର ଥାନା ଅଞ୍ଚଳର ଜଣେ ମହିଳାଙ୍କୁ ଜଣେ ବ୍ୟକ୍ତି ମୋବାଇଲରେ ବାରମ୍ୱାର ଅଶ୍ଲୀର ବ୍ୟବହାର କରୁଥିଲେ। ଏହାକୁ ମହିଳାଙ୍କ ପରିବାରରେ ଅଶାନ୍ତି ଦେଖାଦେଇଥିଲା। ପରେ ମହିଳା ଜଣକ ତାଙ୍କ ସମ୍ପର୍କୀୟଙ୍କୁ ଘଟଣା ସମ୍ପର୍କରେ କହିଥିଲେ। ଆଜି ସମ୍ପୃକ୍ତ ବ୍ୟକ୍ତି ଜଣକ ଫୋନ୍‌ କରି ମହିଳାଙ୍କୁ ବେଣ୍ଟପୁର ଗାଁକୁ ଡାକିଥିଲେ। ଏ ସମ୍ପର୍କରେ ମହିଳା ଜଣକ ସମ୍ପର୍କୀୟଙ୍କୁ କହିଥିଲେ। ଏହାପରେ ବେଣ୍ଟପୁର ଗାଁର ନିର୍ଦ୍ଦାରିତ ସ୍ଥାନରେ ମହିଳାଙ୍କ ସମ୍ପର୍କୀୟମାନେ ଯୁବକଙ୍କୁ କାବୁ କରିଥିଲେ। ପ୍ରଥମେ ତା’ର ଦୁଇ ହାତକୁ ଚେନ୍‌ରେ ବାନ୍ଧିଲେ। ସେହି ଚେନ୍‌କୁ ବାଇକ୍‌ ପଛରେ ବାନ୍ଧି ପାଖାପାଖି ଦେଢ଼ କିଲୋମିଟର ଦୌଡ଼ାଇ ଥାନାକୁ ଆଣିଥିଲେ। ଏହି ଘଟଣାରେ ପୋଲିସ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି।</p> <p>ଭାରତୀୟ ନ୍ୟାୟ ବ୍ୟବସ୍ଥାରେ ଅପରାଧ କରିଥିବା ବ୍ୟକ୍ତିକୁ କୋର୍ଟର ଦଣ୍ଡବିଧାନ କରିଥାଏ। ମାତ୍ର କୌଣସି ଲୋକ ମନଇଚ୍ଛା ଦଣ୍ଡବିଧାନ କରିପାରିବ ନାହିଁ। ଯଦି କେଉଁଠି କିଏ ଦଣ୍ଡବିଧାନ କରନ୍ତି ତାହା ନ୍ୟାୟାୟିକ ବ୍ୟବସ୍ଥା ବିରୋଧୀ। ଏପରି କାର୍ଯ୍ୟ କରୁଥିବା ବ୍ୟକ୍ତିଙ୍କ ବିରୋଧରେ ପୋଲିସ ମାମଲା ରୁଜୁ କରିବ। ତେବେ ବ୍ରହ୍ମଗିରିରେ ମହିଳାଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଯେପରି ଦଣ୍ଡ ଦିଆଯାଇଛି, ତାହା ସମସ୍ତ ବିସ୍ମିତ କରିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
