ରାସ୍ତା ନାହିଁ ପୋଲ ନାହିଁ, ନେତାଙ୍କୁ ବି ଲାଜ ନାହିଁ: ବିପଦ୍ଜନକ ଭାବେ ଷ୍ଟ୍ରେଚରରେ ନଦୀ ପାର ହେଲେ ଗର୍ଭବତୀ

<p>କଲ୍ୟାଣସିଂପୁର: ପୁଣି ଷ୍ଟ୍ରେଚରରେ କାନ୍ଧରେ ବୁହା ହେଲେ ପ୍ରସୂତି। ଗାଁକୁ ରାସ୍ତା ନଥିବାରୁ ଚାରି ଜଣ ଯୁବକ ବିପଦପୂର୍ଣ୍ଣ ଭାବେ ପ୍ରସୂତିଙ୍କୁ ଷ୍ଟ୍ରେଚରରେ ଶୁଆଇ ଭରା ନଦୀ ପାର କରାଇଛନ୍ତି। ଆଜି ଏଭଳି ଘଟଣା ରାୟଗଡ଼ା ଜିଲ୍ଲା କଲ୍ୟାଣସିଂପୁର ଅଞ୍ଚଳରେ ଘଟିଛି। କଲ୍ୟାଣସିଂପୁର ବ୍ଲକ ଅଞ୍ଚଳରେ ଏହା ପ୍ରଥମ ଘଟଣା ନୁହେଁ। ଏହା ପୂର୍ବରୁ ମଧ୍ୟ କାନ୍ଧରେ ପ୍ରସୂତିଙ୍କୁ ବିପଦପୂର୍ଣ୍ଣ ଭାବେ ନଦୀ ପାର କରାଯାଇଛି। ଏହା ସତ୍ତ୍ୱେ ପ୍ରଶାସନର ଚେତାପଶୁନି।</p><p>[vc_video link=&quot;&quot; align=&quot;center&quot;]</p><p>କଲ୍ୟାଣସିଂପୁର ବ୍ଲକ ସିକରପାଇ ଗାଁର ସିଜ ମିଆକା ଆଜି ପ୍ରସବ ଯନ୍ତ୍ରଣା ପାଉଥିଲେ। ଏ ନେଇ ଆମ୍ୱୁଲାନ୍ସକୁ ଖବର ଦିଆଯାଇଥିଲା। ଆସମ୍ୱୁଲାନ୍ସ ନିର୍ଦ୍ଧାରିତ ସମୟରେ ପହଞ୍ଚିଥିଲା। ମାତ୍ର ଗାଁକୁ ଯାଇପାରିନଥିଲା। କାରଣ ରାସ୍ତାରେ ପ୍ରତିବନ୍ଧକ ସାଜିଥିଲା ନାଗବଳୀ ନଦୀ। ଏ ସମ୍ପର୍କରେ ଗାଁ ଲୋକେ ଜାଣିପାରି ନିଜ ଜୀବନକୁ ବାଜି ଲଗାଇ ପ୍ରସୂତିଙ୍କୁ ଷ୍ଟ୍ରେଚରରେ ଶୁଆଇ ନଦୀ ପାର କରାଇଥିଲେ, ଯେଉଁ ସମୟରେ ନଦୀରେ ପ୍ରବଳ ପାଣି ପ୍ରବାହିତ ହେଉଥିଲା। ଏହା ଆଖିରେ ନଦେଖିଲେ ବିଶ୍ୱାସ କରିହେବ ନାହିଁ। ନଦୀ ପାର ପରେ ପ୍ରସୂତିଙ୍କୁ ଆମ୍ୱୁଲାନ୍ସରେ ମେଡିକାଲରେ ଭର୍ତ୍ତି କରାଯାଇଥିଲା। ଏବେ ପ୍ରସୂତିଙ୍କ ସ୍ୱାସ୍ଥ୍ୟ ଅବସ୍ଥା ଠିକ୍&zwnj; ଥିବା ଜଣାପଡ଼ିଛି।</p><p>ସିକରପାଇ ଗାଁର ଚାରି ପାର୍ଶ୍ୱରେ ନାଗାବଳୀ ଘେରି ରହିଛି। ଖରାଦିନେ ଲୋକେ ଡଙ୍ଗାରେ ବିପଦପୂର୍ଣ୍ଣ ଭାବେ ନଦୀ ପାର ହୁଅନ୍ତି। ବର୍ଷା ଦିନରେ ବାହ୍ୟ ଜଗତରୁ ଯୋଗାଯୋଗ ବିଚ୍ଛିନ୍ନ ହୋଇଯାଏ। ଗାଁ ଲୋକେ ଜଳବନ୍ଦୀ ଜୀବନ ଅତିବାହିତ କରନ୍ତି। ଏନେଇ ଗାଁ ଲୋକେ ବହୁ ବାର ପ୍ରଶାସନ ପାଖରେ ଅଭିଯୋଗ କରିଛନ୍ତି। ମାତ୍ର ପ୍ରଶାସନ ଏଥିପ୍ରତି ତିଳେ ମାତ୍ର ନଜର ଦେଉନଥିବା ଗାଁ ଲୋକେ ଅଭିଯୋଗ କରିଛନ୍ତି।</p><p>ଏପରି କିଛି ଘଟଣା ଘଟିଲେ ପ୍ରଶାସନ ଉପରେ ଦୋଷ ଦେଇ ସବୁ ଖସି ଯିବାକୁ ବସିଥାନ୍ତି। ହେଲେ ଆମେ ଏସା କରୁଛୁ ତେସା କରୁଛୁ କହି କୁମ୍ଭୀର କାନ୍ଦଣା କାନ୍ଧୁଥିବା ନେତାମାନଙ୍କ ପ୍ରତି କାହାର ନିଘା ନାହିଁ। ବିଧାୟକ ଓ ସାଂସଦ ପାଣ୍ଠି ମଧ୍ୟ ବହୁ ସ୍ଥାନରେ ଖର୍ଚ୍ଚ ହୋଇପାରୁନି। ଯେଉଁଠି ବା କିଛି କାମ ହେଉଛି ସେଠି ଭାବପ୍ରିତି ଦେଖିବାକୁ ମିଳୁଛି। ନେତା ଆସୁଛନ୍ତି ଓ ଯାଉଛନ୍ତି, ହେଲେ ଗାଁ ସମସ୍ୟା ଯେମିତି ଥିଲା ଠିକ୍&zwnj; ସେମିତି ରହିଛି। ଏପରି ସ୍ଥିତିରେ ନେତାମାନଙ୍କ ଭୂମିକାକୁ ନେଇ ମଧ୍ୟ ପ୍ରଶ୍ନ ଉଠିବାରେ ଲାଗିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।