କେନ୍ଦୁଝର: ବାପା ଓ ମା’ଙ୍କ କଳିରେ ବଳି ପଡ଼ିଗଲା ୪ ବର୍ଷର ଝିଅ। ରାଗରେ ଜର୍ଜରିତ ବାପା ଶୋଇଥିବା ଅବସ୍ଥାରେ ୪ ବର୍ଷର ଝିଅର ତଣ୍ଟି ଚିପି ହତ୍ୟା କରିଥିବା ଅଭିଯୋଗ ହୋଇଛି। ଏପରି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ସାହାଡ଼ାପୁର ଗାଁର।
ଶୁକ୍ରବାର ସକାଳେ ସନ୍ତୋଷ ମହାନ୍ତ ଓ ତାଙ୍କ ସ୍ତ୍ରୀ ଫୁଲମଣୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ରାଗିଯାଇ ଫୁଲମଣୀ ତାଙ୍କର ଦୁଇ ବର୍ଷର ଝିଅକୁ ସାଥିରେ ଧରି ବାପ ଘରକୁ ଚାଲି ଯାଇଥିଲେ। ମାତ୍ର ୪ ବର୍ଷର ଝିଅ ସୋନାଲି ଅଙ୍ଗନୱାଡ଼ି ଯାଇଥିବାରୁ ମା’ ସାଥିରେ ଯାଇପାରି ନ ଥିଲା। ତେବେ ରାତିରେ ସୋନାଲି ଶୋଇଥିବା ଅବସ୍ଥାରେ ସନ୍ତୋଷ ତା’ର ତଣ୍ଟି ଚିପି ହତ୍ୟା କରିଥିଲା।
ଆଜି ସକାଳେ ସନ୍ତୋଷ ଶ୍ୱଶୁର ଘରକୁ ଯାଇ ବଡ଼ ଝିଅର ତଣ୍ଟି ଚିପି ହତ୍ୟା କରିଛନ୍ତି ବୋଲି ଫୁଲମଣୀଙ୍କୁ କହିଥିଲେ। ଏ ସମ୍ପର୍କରେ ଫୁଲମଣୀଙ୍କ ବାପ ଘର ଲୋକେ ସଦର ଥାନାରେ ଅଭିଯୋଗ କରିଥିଲେ। ପୋଲିସ୍ ମାମଲା ରୁଜୁ କରି ସନ୍ତୋଷକୁ ଗିରଫ କରିବା ସହିତ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
