ଆକ୍ରମଣାତ୍ମକ ମୁଡ୍‌ରେ ଉପାସନା: କହିଲେ-ମୃତ୍ୟୁ ପର୍ଯ୍ୟନ୍ତ କଂଗ୍ରେସରେ ରହିବେ ବୋଲି ବାବା କହୁଥିଲେ, ହେଲେ ସେହି ଦଳ ତାଙ୍କୁ ମାରିଦେଲା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବାବା (ଲଲାଟେନ୍ଦୁ ବିଦ୍ୟାଧର ମହାପାତ୍ର ତଥା ଲୁଲୁ) ରାଜନୈତିକ ଜୀବନ କଂଗ୍ରେସରୁ ଆରମ୍ଭ କରିଥିଲେ। ମୃତ୍ୟୁ ପର୍ଯ୍ୟନ୍ତ କଂଗ୍ରେସରେ ରହିବି ବୋଲି କହୁଥିଲେ। ମାତ୍ର ସେହି କଂଗ୍ରେସ ଯୋଗୁଁ ତାଙ୍କର ମୃତ୍ୟୁ ହେଲା। ଆଜି ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଆୟୋଜିତ ମିଶ୍ରଣ ପର୍ବରେ ଯୋଗଦେଇ ଏହା କହିଛନ୍ତି ଲୁଲୁଙ୍କ ଝିଅ ଉପାସନା।</p><p>ଉପାସନା କହିଛନ୍ତି-&ldquo;ବାବା କଂଗ୍ରେସରେ ଥିବା ବେଳେ ଅନ୍ତର ଭିତରେ ବହୁ ଦୁଃଖୀ ଥିଲା। ଆଜି ଯଦି ସେ ମୋ&rsquo; ସାମ୍ନାରେ ଥାନ୍ତେ, ତାଙ୍କୁ ପଚାରିଥାନ୍ତି-ଏତେ ଦୁଃଖ କେମିତି ସହିଗଲ? ସମସ୍ତଙ୍କ ପାଇଁ ସବୁ କଲ। ଯେଉଁ ହାତ ଧରି ଚାଲୁଥିଲୁ, ସେହି ହାତ ତୋତେ ଛାଡ଼ିଦେଲା। ଏପରିକି ବାବାଙ୍କ ବଳିଦାନକୁ ସେହି ଦଳ ଭୁଲି ଗଲା। ମୃତ୍ୟୁ ୫ ଦିନ ପରେ କଂଗ୍ରେସର ଜଣେ ନେତା ଫୋନ୍&zwnj; କରି ସମବେଦନା ଦେଇଥିଲେ। ବାବାଙ୍କ ୩୨ ବର୍ଷର ସଂଘର୍ଷର ଫଳ କ&rsquo;ଣ ଏୟା? କିନ୍ତୁ ବ୍ରହ୍ମଗିରିବାସୀ ମୋ&rsquo; ବାବାଙ୍କୁ ଉଚିତ୍&zwnj; ସମ୍ମାନ ଦେଇଛନ୍ତି। ଏବେବି ମୋ ସହିତ ଅଛନ୍ତି।&rdquo;</p><p>&lt;a href=&quot;&quot;&gt;(image) &lt;/a&gt;ସେ କହିଛନ୍ତି-&ldquo;ମୁଁ କିଏ। ମୋର ପରିଚୟ ହେଉଛି ମୋ&rsquo; ପରିବାର। ମୋ&rsquo; ପରିବାର ହେଉଛନ୍ତି ଆପଣମାନେ। ରକ୍ତ ସମ୍ପର୍କ ନହେଲେ ମଧ୍ୟ ବ୍ରହ୍ମଗିରି ବା ଓଡ଼ିଶା ମାଟି ଆମକୁ ଯୋଡ଼ି ରଖିଛି। ମୋ&rsquo; ପରିଚୟ ମୋ&rsquo; ବାବା। ମୁଁ ବକ୍ସି ପରିବାରର ଝିଅ। ବ୍ରହ୍ମଗିରି ଓ ଓଡ଼ିଶା ମାଟିର ଝିଅ। ଛୋଟ ବେଳେ ବାବାଙ୍କ ସହିତ ବୁଲୁଥିଲି। ବାବାଙ୍କ ଭାଷଣ ଶୁଣୁଥିଲି।&rdquo;</p><p>ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଆୟୋଜିତ ମିଶ୍ରଣ ପର୍ବରେ ଲୁଲୁ ମହାପାତ୍ରଙ୍କ ଭାଇ ଲଳିତେନ୍ଦୁ ବିଦ୍ୟାଧର ମହାପାତ୍ର, ଝିଅ ଉପାସନା ଓ ଲୁଲୁଙ୍କ ସମର୍ଥକ କୁହାଯାଉଥିବା ଲୁଲୁସେନାର ଶହ ଶହ କର୍ମୀ ବିଜେପିରେ ବିଧିବଦ୍ଧ ଭାବେ ସାମିଲ ହୋଇଛନ୍ତି। ଏଥିସହ ଛାତ୍ର କଂଗ୍ରେସର ପୂର୍ବତନ ସଭାପତି ସତ୍ୟଜିତ ପଟ୍ଟନାୟକ ଓ ବ୍ରହ୍ମଗିରିର ତିନିଟି ବ୍ଲକର କଂଗ୍ରେସ ସଭାପତି ମଧ୍ୟ ହାତ ଛା଼ଡି ପଦ୍ମ ଦଳରେ ସାମିଲ ହୋଇଛନ୍ତି। ସେହିପରି ବରିଷ୍ଠ ଆଇନଜୀବୀ ପୀତାମ୍ବର ଆଚାର୍ଯ୍ୟ ମଧ୍ୟ ବିଜେପିରେ ସାମିଲ ହୋଇଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଧାୟକ ଦଳ ନେତା କେଭି ସିଂଦେଓ, ରାଜ୍ୟ ବିଜେପି ସଭାପତି ବସନ୍ତ ପଣ୍ଡା ଓ ଅନ୍ୟ ବିଜେପି ନେତାଙ୍କ ଉପସ୍ଥିତରେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲେ।</p><p>[vc_video link=&quot;https://www.youtube.com/watch?v=-rkGc8dhbuw&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।