ମାଲକାନଗିରିରେ ପୁଣି ମାଓ ଆତଙ୍କ: ଜଣଙ୍କୁ ଗୁଳି କରି ହତ୍ୟା

ମାଲକାନଗିରି: ମାଲକାନଗିରିରେ ପୁଣି ଲାଲବାହିନୀର ଆତଙ୍କ। ମାଓ ବିରୋଧୀ କାର୍ଯ୍ୟ ଅଭିଯୋଗରେ  ଜଣଙ୍କୁ ହତ୍ୟା କରିଛନ୍ତି ମାଓବାଦୀ। ମୃତକଙ୍କ ନାଁ ଗରୁମୂର୍ତ୍ତି ମାଡି। ଗତକାଲି ରାତିରେ ମୋଟୁର ତେଲେରାଇ ଛକଠାରେ ଗୁରୁମୂର୍ତ୍ତିଙ୍କୁ ଗୁଳିକରି ହତ୍ୟା କରାଯାଇଛି। ଘଟଣାସ୍ଥଳରେ କିଛି ମାଓ ପୋଷ୍ଟର ମିଳିଛି। ଏହାପୂର୍ବରୁ  ଗୁରୁମୂର୍ତ୍ତିଙ୍କୁ ମାଓବାଦୀମାନେ ୧୫ ତାରିଖ ଠାରୁ ଅପହରଣ କରିନେଇଥିବା ସୂଚନା ରହିଛି। ଗୁରୁମୂର୍ତ୍ତି ମାଓବାଦୀମାନଙ୍କୁ ଆତ୍ମସମର୍ପଣ କରିବା ପାଇଁ ପ୍ରୋତ୍ସାହିତ କରୁଥିବା  ଯୋଗୁଁ ତାଙ୍କୁ ହତ୍ୟା କରାଯାଇଥିବା ପୋଷ୍ଟରରେ ଉଲ୍ଲେଖ ରହିଛି।