ସ୍କୁଲରେ ପିଲାଙ୍କ ସ୍ୱାସ୍ଥ୍ୟ ସହ ଖେଳ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସ୍କୁଲରେ ପିଲାମାନଙ୍କୁ ଦିଆଯାଉଥିବା ମଧ୍ୟାହ୍ନ ଭୋଜନ କେତେ ସୁରକ୍ଷିତ? ଏହାର ମାନକୁ ନେଇ ଅନେକ ସମୟରେ ପ୍ରଶ୍ନ ଉଠିଛି। ଏବେ ରାଜ୍ୟ ଫୁଡ଼ କମିଶନ ଏନେଇ ଗଣଶିକ୍ଷା ଓ ସ୍ୱାସ୍ଥ୍ୟ ବିଭାଗକୁ ଚିଠି ଲେଖିଛନ୍ତି। ନିୟମିତ ମଧ୍ୟାହ୍ନ ଭୋଜନ ଖାଦ୍ୟର ମାନ ଯାଞ୍ଚ କରାଯିବା ସହ ଅଭିଯୋଗ ଆସୁଥିବା ସ୍କୁଲ ଗୁଡ଼ିକର ଯାଞ୍ଚ ଓ କାର୍ଯ୍ୟାନୁଷ୍ଠାନ ତୁରନ୍ତ ନେବାକୁ ଫୁଡ୍ ଆନାଲିସିଷ୍ଟ ଚିଠିରେ ଉଲ୍ଲେଖ କରିଛନ୍ତି। କମିଶନଙ୍କ ଚିଠି ପାଇ ଗଣଶିକ୍ଷା ବିଭାଗ ଏବେ ତତ୍ପର ହୋଇପଡ଼ିଛି।</p> <p>୨୦୧୬ ମସିହାରେ ବଙ୍ଗମୁଣ୍ଡା ଏଚଏମ ସରକାରୀ ୟୁପି ସ୍କୁଲ୍, ବଲାଙ୍ଗିର ସ୍ଥିତ ସରକାରୀ ପ୍ରାଇମେରୀ ସ୍କୁଲ୍ ଓ ବଲାଙ୍ଗିର କତରକେଲା ସେବାଶ୍ରମର ମଧ୍ୟାହ୍ନ ଭୋଜନ ମିଲ ଖାଦ୍ୟର ନମୂନା ପରୀକ୍ଷା କରାଯାଇଥିଲା। ପରୀକ୍ଷା ପରେ ଖାଦ୍ୟର ମାନ ଅସ୍ୱାସ୍ଥ୍ୟକର ବୋଲି ରାଜ୍ୟ ଫୁଡ୍ ଆନାଲିଷ୍ଟ ରିପୋର୍ଟରେ ଦର୍ଶାଯାଇଛନ୍ତି।</p> <p>ସେହିପରି ୨୦୧୭ରେ ମାଲକାନଗିରି, ବାଲେଶ୍ୱର, କୋରାପୁଟ, ସୁନ୍ଦରଗଡ, ଖୋର୍ଦ୍ଧା ଓ ଯାଜପୁର ଜିଲ୍ଲାର ୯ଟି ସ୍କୁଲରେ ଖାଦ୍ୟର ମାନ ପରୀକ୍ଷା କରାଯାଇଥିଲା। ଏସବୁ ସ୍ଥାନରେ ରନ୍ଧା ମଧ୍ୟାହ୍ନ ଭୋଜନ ଖାଦ୍ୟ ନିମ୍ନ ମାନର ବୋଲି ଜଣାପଡିଥିଲା।</p> <p>ଫୁଡ଼ କମିଶନଙ୍କ ମିଡ ଡେ ମିଲ୍ ତାଲିକାରେ ସ୍ଥାନ ପାଇଥିବା କୋରାପୁଟ ଜିଲ୍ଲାର ମାଳିସାହି ଉଚ୍ଚ ପ୍ରାଥମିକ ବିଦ୍ୟାଳୟ ଓ ସୁନ୍ଦରଗଡ ସଦର ମହକୁମାସ୍ଥିତ ଭବାନୀ ଶଙ୍କର ହାଇସ୍କୁଲରେ ଅସ୍ୱାସ୍ଥ୍ୟକର ପରିବେଶରେ ନିମ୍ନ ମାନର ମଧ୍ୟାହ୍ନ ଭୋଜନ ଛାତ୍ରଛାତ୍ରୀଙ୍କୁ ପରଷା ଯାଉଛି। ବାଲେଶ୍ୱର ତେଲିପାଳ ଆଶ୍ରମ ସ୍କୁଲରେ ମଧ୍ୟ ସ୍ଥିତି ସମାନ ଦେଖିବାକୁ ମିଳିଛି।</p> <p>କୋରାପୁଟ ମାଳିସାହି ଉଚ୍ଚ ପ୍ରାଥମିକ ବିଦ୍ୟାଳୟ ସହକାରୀ ଶିକ୍ଷକ ହିମାଂଶୁ ଶେଖର ମହାପାତ୍ର କହିଛନ୍ତି-&ldquo;ଭାତ ଟାଣ ରହିବା ସହିତ ଗୋଡ଼ି ବାହାରୁଛି। ସେହିପରି ଅଣ୍ଡାର ରଙ୍ଗ ବଦଳିଯାଉଛି। ସେଥିରୁ ପାଣି ବାହାରୁଛି। ଏପରି ଖାଦ୍ୟ ପିଲାମାନଙ୍କୁ ଦିଆଯିବା କଥା ନୁହେଁ।&rdquo;</p> <p>ସୁନ୍ଦରଗଡ଼ ଜିଲ୍ଲା ଶିକ୍ଷା ଅଧିକାରୀ ଧ୍ରୁବ ଚରଣ ବେହେରା କହିଛନ୍ତି-&ldquo;ମଧ୍ୟାହ୍ନ ଭୋଜନ ପାଇଁ ଯୋଗାଇ ଦିଆଯାଉଥିବା ସାମଗ୍ରୀର ମାନ ଠିକ୍&zwnj; ଅଛି। ମାତ୍ର ଠିକ୍&zwnj;ଭାବେ ରାନ୍ଧା ଯାଉନଥିବାରୁ ଏପରି ସମସ୍ୟା ଦେଖାଦେଉଛି।&rdquo;</p> <p>ଖାଦ୍ୟ କମିଶନଙ୍କ କଡା ଚିଠି ପରେ ଚେଇଁ ଉଠିଛି ସ୍କୁଲ୍ ଓ ଗଣଶିକ୍ଷା ବିଭାଗ। ଘଟଣାର ଉପଯୁକ୍ତ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ବିଭାଗୀୟ ମନ୍ତ୍ରୀ।</p> <p>ସ୍କୁଲ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର କହିଛନ୍ତି-&ldquo;ମଧ୍ୟାହ୍ନ ଭୋଜନର ମାନ ନିୟମିତ ଭାବେ ଯାଞ୍ଚ କରାଯାଉଛି। କେଉଁଠି ନିମ୍ନମାନର ମଧ୍ୟାହ୍ନ ଭୋଜନ ଦିଆଯାଉଛି, ସେଠାରେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।&rdquo;</p>