ପ୍ରତିକୂଳ ପାଗ ସତ୍ତ୍ୱେ ଚିଲିକାରେ ବିଦେଶୀ ପକ୍ଷୀଙ୍କ ସମାଗମ

ବ୍ରହ୍ମଗିରି: ପ୍ରତିକୂଳ ପାଗ ସତ୍ତ୍ୱେ ଚିଲିକାରେ ବିଦେଶୀ ପକ୍ଷୀଙ୍କ ଆଗମନ ହୋଇଛି। ଯାହାକୁ ନେଇ ପକ୍ଷୀପ୍ରେମୀ ଏବଂ ପରିବେଶବିତଙ୍କ ଭିତରେ ଉତ୍ସାହ ଦେଖିବାକୁ ମିଳିଛି। ଅନ୍ୟପଟେ ପକ୍ଷୀ ସୁରକ୍ଷା ପାଇଁ ବ୍ୟାପକ ବନ୍ଦୋବସ୍ତ କରିବାକୁ ସାଧାରଣରେ ଦାବି ହୋଇଛି।

ଅକ୍ଟୋବର ପ୍ରଥମ ସପ୍ତାହରୁ ଫ୍ଲେମିଙ୍ଗୋ ଓ ଏରା ପ୍ରଜାତିର ପକ୍ଷୀ ବହୁସଂଖ୍ୟାରେ  ଚିଲିକାରେ ଦେଖିବାକୁ ମିଳୁଛନ୍ତି। ପ୍ରତିକୂଳ ପାଗ ସତ୍ତ୍ୱେ  ଚିଲିକାରେ ବିଦେଶୀ ପକ୍ଷୀଙ୍କ ଆଗମନ ହେତୁ ପର୍ଯ୍ୟଟକଙ୍କ ବେଶ୍ ଭିଡ଼ ଦେଖିବାକୁ ମିଳୁଛି। ତେବେ ଅକ୍ଟୋବର ମାସ ଶେଷ ଆଡକୁ ଏଭଳି ବିଦେଶୀ ପକ୍ଷୀ ଦେଖିବାକୁ ମିଳୁଥିବାବେଳେ ଚଳିତ ବର୍ଷ  ପକ୍ଷୀମାନଙ୍କ ଆଗୁଆ ଆଗମନକୁ ଶୁଭ ସଙ୍କେତ ଭାବେ ଗଣନା କରୁଛନ୍ତି ପରିବେଶବିତ୍‌।

ଚିଲିକା ଆସିଥିବା ବିଦେଶୀ ପକ୍ଷୀଙ୍କୁ ଶିକାରୀ କବଳରୁ ସୁରକ୍ଷା ପାଇଁ ବନବିଭାଗ ପକ୍ଷରୁ ବ୍ୟାପକ  ବନ୍ଦୋବସ୍ତ କରାଯାଇଛି। ଅକ୍ଟୋବର ୧ରୁ ଚିଲିକାରେ ୧୮ଟି ପକ୍ଷୀ ସୁରକ୍ଷା ଶିବିର କରାଯିବା ସହିତ  ପାଟ୍ରୋଲିଂ କରାଯିବା ଉପରେ ଗୁରୁତ୍ୱ ଦିଆଯାଉଛି ।