ଭୁବନେଶ୍ୱର: ଖଣି ନିଲାମୀ ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ ଆଜି ରାଜସ୍ଥାନ ଜୟପୁରଠାରେ ଗୁରୁତ୍ୱପୂର୍ଣ୍ଣ ବୈଠକ ବସିବ। କେନ୍ଦ୍ର ଖଣିମନ୍ତ୍ରାଳୟ ପକ୍ଷରୁ ହେବାକୁ ଥିବା ଏହି ବୈଠକରେ ଓଡ଼ିଶା ସମେତ ବିଭିନ୍ନ ରାଜ୍ୟର ଖଣିମନ୍ତ୍ରୀ ଯୋଗଦେବେ। ସଂଶୋଧିତ ଏମ୍ଏମ୍ଡିଆର୍ ଆକ୍ଟ ଅନୁସାରେ ଖଣି ନିଲାମୀ ପ୍ରକ୍ରିୟାର ସରଳୀକରଣ, ଖଣି ପ୍ରଭାବିତ ଜିଲ୍ଲାରେ ଡିଏମ୍ଏଫ୍ କାର୍ଯ୍ୟକାରୀ, ଖଣି କ୍ଷେତ୍ରରେ ଅନିୟମିତତା ରଖିବା ଏବଂ ମାଇନ୍ର ମିନେରାଲ୍ ରୁଲସ୍ କାର୍ଯ୍ୟକାରୀ ନେଇ ବୈଠକରେ ଆଲୋଚନା ହେବ।
ରାଜ୍ୟରେ ଚିହ୍ନଟ ହୋଇଥିବା ଖଣିର ନିଲାମୀ ନେଇ ପ୍ରକ୍ରିୟାକୁ ସରଳୀକରଣ କରିବା ନେଇ ରାଜ୍ୟ ସରକାର ଏହି ବୈଠକରେ ଦାବି ରଖିବେ। ସେହିପରି ଖଣି ଖନନ ନେଇ ଜଙ୍ଗଲ ଓ ପରିବେଶ ମଞ୍ଜୁରୀ ଶୀଘ୍ର ମିଳିବା ନେଇ କେନ୍ଦ୍ର ସରକାରଙ୍କୁ ରାଜ୍ୟ ସରକାର ଅବଗତ କରିବେ।