ରାହୁଲଙ୍କୁ ଭେଟିଲେ ନରସିଂହ: କହିଲେ କ’ଣ ଆଲୋଚନା ହେଲା କହିବିନି

<p>ନୂଆଦିଲ୍ଲୀ: କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧିଙ୍କ ସହିତ ରାଜ୍ୟ ଓ କେନ୍ଦ୍ର ରାଜନୀତି ସମ୍ପର୍କରେ ଆଲୋଚନା ହେଲା। କିନ୍ତୁ ସେ ସମ୍ପର୍କରେ କିଛି କହିବିନି। ଦଳର ଆଭ୍ୟନ୍ତରୀଣ କଥା ଗଣମାଧ୍ୟମରେ କୁହାଯାଏନି। ମୋତେ ଆପଣମାନେ(ଗଣମାଧ୍ୟମ ପ୍ରତିନିଧି) ଯେତେ ପଚାରିଲେ ମଧ୍ୟ ମୁଁ କହିବି ନାହିଁ। ନୂଆଦିଲ୍ଲୀରେ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧିଙ୍କୁ ଭେଟିବା ପରେ ଏପରି ଢଙ୍ଗରେ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନର ଉତ୍ତର ଦେଇଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର।</p> <p>[vc_video link=&quot;&quot; align=&quot;center&quot;]</p> <p>ସେ କହିଛନ୍ତି-&ldquo;କଂଗ୍ରେସ କେବେ ଦୁର୍ବଳ ନଥିଲା। ଏହା ଗଣମାଧ୍ୟମର ଭୁଲ ପ୍ରଚାର। ଦୁଇ ଦିନ ତଳେ ବିଜେପି ରାଜ୍ୟ ମୁଖିଆଙ୍କ ଜିଲ୍ଲା ନୂଆପଡ଼ାରେ ନିର୍ବାଚନ ହୋଇଥିଲା। ସେଠାରେ ବିଜେପି ତୃତୀୟ ସ୍ଥାନକୁ ଯାଇଥିବା ବେଳେ କଂଗ୍ରେସ ଦ୍ୱିତୀୟରେ ରହିଥିଲା। ଏଥିରୁ ସ୍ପଷ୍ଟ କଂଗ୍ରେସରେ ଉନ୍ନତି ହୋଇଛି।&rdquo;</p> <p>୨୦୧୯ ନିର୍ବାଚନ ପାଇଁ କଂଗ୍ରେସ କଣ ରଣନୀତି ପ୍ରସ୍ତୁତ କରୁଥିବା ନେଇ ପ୍ରଶ୍ନର ଉତ୍ତରରେ ନରସିଂହ କହିଥିଲେ-&ldquo;ଦଳର ନୀତି ଓ ଆଦର୍ଶରେ ନିର୍ବାଚନ ଲଢ଼ିବୁ। ସେଠାରେ କୌଣସି ବ୍ୟକ୍ତି ବିଶେଷର ଗୁରୁତ୍ୱ ନଥାଏ। ଏଥିପାଇଁ ଅତିଶୀଘ୍ର ରଣନୀତି ପ୍ରସ୍ତୁତ ହେବ।&rdquo;</p> <p>ଆଦିବାସୀଙ୍କୁ ଆକୃଷ୍ଟ କରିବା ପାଇଁ ରାଜ୍ୟ ସରକାରଙ୍କ ସ୍ୱତନ୍ତ୍ର ବ୍ୟବସ୍ଥା ନେଇ ନରସିଂହ କହିଥିଲେ-&ldquo;ଆଦିବାସୀଙ୍କ ଉତ୍&zwnj;ଥାନ ପାଇଁ କିଛି କରିନାହାନ୍ତି। ବରଂ ମାରିବା ପାଇଁ ସବୁ ପ୍ରକାର ବ୍ୟବସ୍ଥା କରୁଛନ୍ତି। ଆଦିବାସୀ ଅଞ୍ଚଳର ବିକାଶ ପାଇଁ କେବିକେ ଯୋଜନା କରାଯାଇଥିଲା। ଏହି ଯୋଜନାରେ ଆସୁଥିବା ଅର୍ଥରେ ଆଦିବାସୀ ଅଞ୍ଚଳରେ ବିକାଶ କରାଯାଉଥିଲା। ଏହି ଯୋଜନାକୁ ମୋଦି ସରକାର ବନ୍ଦ କରିଦେଇଛି।&rdquo;</p>