ପାରାଦୀପ: ଜଗତସିଂହପୁର ଜିଲ୍ଲା ମହାନଦୀ ମୁହାଣରେ ଗାଧୋଇବାକୁ ଯାଇ ଭୁବନେଶ୍ୱର ଏମ୍ସର ଜଣେ ଛାତ୍ର ରବିବାର ନିଖୋଜ ହୋଇଯାଇଛନ୍ତି। ନିଖୋଜ ଛାତ୍ର ଜଣକ ହେଲେ ଆରସିଲ କେ.ସି। ତାଙ୍କ ଘର କେରଳରେ। ମେରାଇନ୍ ପୋଲିସ୍ ଓ କୋଷ୍ଟ ଗାର୍ଡ ବୋଟ୍ ସହାୟତାରେ ସର୍ଚ୍ଚ ଅପରେସନ୍ ଜାରି ରହିଛି।
ଆଶିଷ ଭୁବନେଶ୍ୱର ଏମ୍ସର ୫ ଜଣ ସାଙ୍ଗଙ୍କ ସହିତ ପାରାଦୀପ ବୁଲିବାକୁ ଆସି ମହାନଦୀ ମୁହାଣରେ ଗାଧୋଉଥିବା ବେଳେ ଏହି ଅଘଟଣ ଘଟିଥିଲା।
ପାରାଦୀପ ଆଇସିଆଇସି ଅନିରୁଦ୍ଧ ରାଉତରାୟ କହିଛନ୍ତି, “ଆଜି ସକାଳ ୧୦ଟା୩୦ ଖବର ପାଇବା ପରେ ମେରାଇନ୍ ପୋଲିସ୍ ଖୋଜାଖୋଜି କରୁଛନ୍ତି। ଏ ପର୍ଯ୍ୟନ୍ତ ନିଖୋଜ ଛାତ୍ରକୁ ଖୋଜା ଯାଇପାରି ନାହିଁ। ଏହି ମୁହାଣରେ ଗାଧୋଇବାକୁ ଲୋକଙ୍କୁ ସଂପୂର୍ଣ୍ଣ ବାରଣ କରାଯାଇଛି। ଏହାଛଡ଼ା ବିଭିନ୍ନ ସମୟରେ ଲୋକଙ୍କୁ ଏ ନେଇ ସଚେତନ କରାଯାଉଛି। କିନ୍ତୁ ବାରଣ ସତ୍ତ୍ୱେ କିଛି ଲୋକ ଏହାକୁ ମାନୁ ନାହାନ୍ତି।”