ପୋଲିସ୍‌ ବାବୁଙ୍କ ରାଗ, ଗାଡ଼ି ମଡ଼େଇ ନଷ୍ଟ କଲେ ମକାଫସଲ

<p>ଉମରକୋଟ: ଖାକିର ଦାଦାଗିରି। ଜଣେ ବ୍ୟକ୍ତିଙ୍କ ମକା ଜମିରେ ପୋଲିସ୍ ଗାଡ଼ି ଚଳାଇ ଫସଲ ନଷ୍ଟ କରିଛନ୍ତି ଡାବୁଗାଁ ଥାନା ଅଧିକାରୀ। ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଗତିଗୁଡ଼ା ଗାଁରେ। ଡାବୁଗାଁ ଥାନାର ଆଇଆଇସି ସୁବାସ ଚନ୍ଦ୍ର ରାୟଗୁରୁ ଏଭଳି କାଣ୍ଡ ଘଟାଇଛନ୍ତି।</p> <p>ସୂଚନା ଅନୁସାରେ ଗତିଗୁଡ଼ାର ଚାଷୀ ପିଣ୍ଟୁ ବିଷୋୟୀ ଏକ ସରକାରୀ ଜମିକୁ ଜବରଦଖଲ କରି ସେଠାରେ ମକାଚାଷ କରିଥିଲେ। ସେହି ଜମିକୁ ଲାଗି ରହିଥିବା ଡାବୁଗାଁ ଆଇଆଇସିଙ୍କ ଶ୍ୱଶୁର ଘର ଜମିକୁ ରାସ୍ତା ମିଳୁ ନ ଥିଲା। ପୂର୍ବରୁ ଡାବୁଗାଁ ଆଇଆଇସି ସେହି ମକା ଜମିରୁ ବାଡ଼ ହଟାଇବା ପାଇଁ ପିଣ୍ଟୁକୁ ଧମକ ଦେଇଥିଲେ। କିନ୍ତୁ ପିଣ୍ଟୁ &nbsp;ମାନି ନ ଥିଲେ। ପରେ ଡାବୁଗାଁ ଆଇଆଇସି ନିଜ ଷ୍ଟାଫଙ୍କ ସହ ଉମରକୋଟ ଥାନା ପରିସରରେ &zwnj;ଆସୁଥିବା ଏହି ଜମିରେ ଦାଦାଗିରି ଦେଖାଇ ପୋଲିସ୍ ଗାଡ଼ି ଚଳାଇଥିଲେ। ଫଳରେ ୩୦-୪୦ ଡେସିମିଲ ଜମିରେ ମକାଫସଲ ନଷ୍ଟ ହୋଇଯାଇଛି।</p> <p>ଅନ୍ୟପକ୍ଷରେ ଡାବୁଗାଁ ଆଇଆଇସି ଏହି ଅଭିଯୋଗକୁ ଖଣ୍ଡନ କରିଛନ୍ତି।</p> <p>&amp;nbsp;</p>