ଭୁବନେଶ୍ୱର: ପ୍ରବାସୀ ଓଡ଼ିଆ ବି ଏବେ ନିଜ ମାତୃଭାଷାରେ ପାଠ ପଢିବେ। ପ୍ରବାସୀ ଓଡ଼ିଆଙ୍କ ପାଇଁ ରାଜ୍ୟ ସରକାର ଅନଲାଇନ୍ରେ ‘ଓଡ଼ିଆ ସାର୍ଟିଫିକେଟ୍’ କୋର୍ସ ଆରମ୍ଭ କରିବାକୁ ଯାଉଛି। ମୁଖ୍ୟମନ୍ତ୍ରୀ ଆଜି ଏ ନେଇ ଘୋଷଣା କରିଛନ୍ତି।
ବର୍ଷକୁ ଦୁଇ ଥର ଏହି ପରୀକ୍ଷା ହେବ। ଏଥିପାଇଁ ମୋଟ ୧୦୦ ମାର୍କ ରଖାଯାଇଛି। ମାଧ୍ୟମିକ ଶିକ୍ଷା ପରିଷଦ ଏହି ପରୀକ୍ଷା ପରିଚାଳନା କରିବ। ପରିରଷଦର ନିଜସ୍ୱ ୱେବସାଇଟ୍ରେ ପାଠ୍ୟ ଖସଡା ଓ ଆବେଦନ ଫର୍ମ ଉପଲବ୍ଧ ହେବ।
ଓଡ଼ିଶା ସୋସାଇଟି ଅଫ୍ ଆମେରିକାର ଅନୁରୋଧ କ୍ରମେ ପ୍ରବାସୀ ଓଡ଼ିଆ ପିଲାଙ୍କ ସୁବିଧା ଦୃଷ୍ଟିରୁ ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି।