ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସମ୍ବଲପୁର: ଭିମସାର ନିର୍ଦ୍ଦେଶକ ପ୍ରଫେସର ଅଶ୍ୱିନୀ ପୂଜାହାରୀଙ୍କ ବୁର୍ଲାସ୍ଥିତ ସରକାରୀ ଘର ଉପରେ ଆକ୍ରମଣ ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି। ଆକ୍ରମଣକାରୀଙ୍କୁ ତୁରନ୍ତ ଗିରଫ ଦାବିରେ ସ୍ଥାନୀୟ ଲୋକେ ରାସ୍ତାକୁ ଓହ୍ଲାଇଛନ୍ତି । ଅଭିଯୁକ୍ତକୁ ଗିରଫ କରିବା ଦାବିରେ ସ୍ଥାନୀୟ ଲୋକ ଥାନା ଘେରାଉ କରିଛନ୍ତି। ଏହି ସମୟରେ ସ୍ଥାନୀୟ ଲୋକେ ବୁର୍ଲା ଡାକ୍ତରଖାନା ଭିତରକୁ ପଶିବାକୁ ଉଦ୍ୟମ କରିଥିଲେ। ପୋଲିସ୍‌ ସ୍ଥାନୀୟ ଲୋକଙ୍କୁ ଅଟକାଇବାରୁ ଉତ୍ତେଜନା ପରସ୍ଥିତି ସୃଷ୍ଟି ହୋଇଥିଲା। ଏପରିକି ପୋଲିସ୍ ଓ ସ୍ଥାନୀୟ ଲୋକଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା।</p> <p>ଗତକାଲି ରାତିରେ ପ୍ରାୟ ଦେଢ ଶହ ପିଜି ଛାତ୍ର ଭିମସାର ନିର୍ଦ୍ଦେଶକଙ୍କ ଘର ପାଚେରି ଭିତରେ ପଶି ପଥର ମାଡ଼ କରିବା ସହ ଗାଳିଗୁଲଜ କରିଥିବା ନେଇ ଅଭିଯୋଗ ହୋଇଛି। ଖବରପାଇ ପୋଲିସ୍‌ ଘଟଣାସ୍ଥଳରେ ତୁରନ୍ତ ପହଞ୍ଚି ଥିଲା। ନିର୍ଦ୍ଦେଶକଙ୍କ ବାସଭବନ ଆଗରେ ପୋଲିସ୍ ମୁତୟନ ହୋଇଛନ୍ତି। ନିର୍ଦ୍ଦେଶକ କହିଛନ୍ତି, “ମୁଁ ଏଭଳି ଆକ୍ରମଣରେ ଆଦୌ ଡରିବାର ଲୋକ ନୁହେଁ। ଭିମସାରରେ ସଂସ୍କାର ପ୍ରକ୍ରିୟା ପୂର୍ବଭଳି ଜାରି ରହିବ।”</p> <p>ସୂଚନାଯୋଗ୍ୟ, ଜୁଲାଇ ୧୫ ତାରିଖରେ ଭିମସାର ନିର୍ଦ୍ଦେଶକ ଷ୍ଟିଙ୍ଗ୍ ଅପରେସନ୍ କରି ଅସ୍ତିଶଲ୍ୟ ବିଭାଗର ଡାକ୍ତର ଗୌତମ ଶତପଥୀଙ୍କୁ ଧରିଥିଲେ। ସେ ଡ୍ୟୁଟି ସମୟରେ ଘରେ ବସି ରୋଗୀ ଦେଖୁଥିଲେ। ଡାକ୍ତର ଗୌତମ ଦୀର୍ଘ ସମୟ ଧରି ଓ୍ୱାର୍ଡ କିମ୍ବା ଡାକ୍ତରଖାନାକୁ ନ ଆସିବାରୁ ନିର୍ଦ୍ଦେଶକ ଅଶ୍ୱିନୀ ତାଙ୍କ ସଂପର୍କରେ ତଥ୍ୟ ସଂଗ୍ରହ କରିଥିଲେ। ତେବେ ଗୌତମ ଘରେ ରୋଗୀ ଚିକିତ୍ସା କରୁଥିବା ସୂଚନା ପାଇ ନିର୍ଦ୍ଦେଶକ ପୂଜାହାରୀ ସେଠାରେ ପହଞ୍ଚିଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
