ଏସ୍‌ସିବିରେ ଅଚଳାବସ୍ଥା: ୩ ଦଫା ଦାବିରେ ଡାକ୍ତରଙ୍କ ଆନ୍ଦୋଳନ

<p>କଟକ(ଓଡ଼ିଶା ରିପୋର୍ଟର): କଟକ ଏସ୍&zwnj;ସିବିରେ ରୋଗୀ ମୃତ୍ୟୁରୁ ଡାକ୍ତରୀ ଛାତ୍ରଙ୍କୁ ମାଡ଼ ଘଟଣାକୁ ନେଇ ମେଡିକାଲରେ ଅଚଳାବସ୍ଥା ଜାରି ରହିଛି। ହାଉସ ସର୍ଜନଙ୍କ କାର୍ଯ୍ୟବନ୍ଦ ଆନ୍ଦୋଳନ ଯୋଗୁଁ ରୋଗୀ ସେବାରେ ବାଧା ଉପୁଜିଛି। ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ, ଡାକ୍ତରଙ୍କ ସୁରକ୍ଷା ଓ ସିସିଟିଭି ବ୍ୟବସ୍ଥା ସହ ଷ୍ଟାଇପେଣ୍ଡ ବୃଦ୍ଧି ଭଳି ୩ ଦଫା ଦାବି ପୂରଣ ନହେବା ଯାଏଁ ଆନ୍ଦୋଳନ ଚାଲୁ ରଖିବାକୁ ହାଉସ ସର୍ଜନ ଓ ଜୁନିଅର ଡାକ୍ତର ସଂଘ ନିଷ୍ପତ୍ତି ନେଇଛି। ତା&rsquo;ସହ ଅଧୀକ୍ଷକଙ୍କ ବଦଳି ଦାବି ମଧ୍ୟ କରିଛି ସଂଘ।</p><p>ଗତକାଲି ରାତିରେ ଓଲଡ୍ ମେଡିସିନ୍ ୱାର୍ଡରେ ୨ ଜଣ ଡାକ୍ତର ଥିଲେ। ଏହି ସମୟରେ ହଠାତ ଜଣେ ରୋଗୀ ଗୁରୁତର ହୋଇପଡିଥିଲେ। ଡ୍ୟୁଟିରେ ଥିବା ଡାକ୍ତର ସମ୍ପୃକ୍ତ ରୋଗୀଙ୍କୁ ଚିକିତ୍ସା କରୁଥିଲେ। ତେବେ ହଠାତ୍&zwnj; ରୋଗୀଙ୍କ ସମ୍ପର୍କୀୟ ସଂପୃକ୍ତ ଡାକ୍ତରଙ୍କୁ ଆକ୍ରମଣ କରିଥିଲେ। ଘଟଣାକୁ ନେଇ ହାଉସ ସର୍ଜନମାନେ ଏସ୍&zwnj;ସିବିର କାଜୁଆଲଟି ବନ୍ଦ କରିଦେଇଥିଲେ। ଏପଟେ ଡାକ୍ତର ମଧ୍ୟ ରୋଗୀଙ୍କ ସମ୍ପର୍କୀୟଙ୍କୁ ମାଡମାରିଥିବା ନେଇ ଅଭିଯୋଗ ହୋଇଛି। ଘଟଣାରେ ପୋଲିସ ଜଣଙ୍କୁ ଅଟକ ରଖିଥିଲା ବେଳେ ଆଉ ୨ଜଣଙ୍କୁ ନୋଟିସ ଦେଇ ଛାଡିଦେଇଛି।</p><p>ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା କହିଛନ୍ତି-&ldquo;ମାଡ଼ ମାରିଥିବା ବ୍ୟକ୍ତି ବିରୋଧରେ ଆଇନ୍&zwnj; ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିର୍ଦ୍ଦେଶ ଦିଆଯାଇଛି। ଏହା ସତ୍ତ୍ୱେ ଡାକ୍ତରମାନେ ଆନ୍ଦୋଳନ କରିବା ଠିକ୍&zwnj; ହେଉନି। ଏହାଦ୍ୱାରା ଅନ୍ୟ ରୋଗୀମାନେ ଅସୁବିଧାରେ ପଡୁଛନ୍ତି। ସେମାନେ କାର୍ଯ୍ୟରେ ଯୋଗଦେବାକୁ ଅନୁରୋଧ କରୁଛି।ରୋଗୀ ସେବାରେ ବ୍ୟାହତ ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।&rdquo;</p><p>ମେଡିକାଲ ସୁପରିଟେଣ୍ଡେଣ୍ଟ ଡାକ୍ତର ଶ୍ୟାମା କାନୁନଗୋ କହିଛନ୍ତି-&ldquo;ଡାକ୍ତରଙ୍କ ଆନ୍ଦୋଳନ ଯୋଗୁଁ ରୋଗୀ ସେବା ପ୍ରଭାବିତ ହେବାକୁ ଦିଆଯିବ ନାହିଁ। ଆବଶ୍ୟକ ପଡ଼ିଲେ ବାହାରୁ ଡାକ୍ତର ଅଣାଯିବ। ବର୍ତ୍ତମାନ ସ୍ଥିତି ଯେତିକି ସୁରକ୍ଷା ବ୍ୟବସ୍ଥା ଅଛି, ତାହା ପର୍ଯ୍ୟପ୍ତ ନୁହେଁ। ଆଗକୁ ସୁରକ୍ଷା ବ୍ୟବସ୍ଥା ବଢ଼ାଇବା ପାଇଁ ବ୍ୟବସ୍ଥା କରାଯାଉଛି।&rdquo;</p><p>ସିନିୟର୍ ରେସିଡେଣ୍ଟ ଡାକ୍ତର ଜ୍ୟୋତିର୍ମୟ ନାୟକ କହିଛନ୍ତି-&ldquo;ସାନ ଭାଇଟା ମାଡ ଖାଇଲା ଖରାପ ଲାଗୁଛି। ମୁଁ ଭାବୁଛି ଏହି ଘଟଣା ସମାଧାନ ହୋଇଯିବ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।