ଶିଳ୍ପପତିଙ୍କ ଭଡ଼ା ଘରେ ଚାଲିଥିଲା ସେକ୍ସ ରାକେଟ୍‌: ରେଟ୍‌ ଥିଲା ୧୪୦୦ରୁ ୩୦୦୦

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱରର ଖାରବେଳ ନଗର ୟୁନିଟ୍-୩ରେ ରହିଛି ଶିଳ୍ପପତି ତ୍ରୈଲୋକ୍ୟ ମିଶ୍ରଙ୍କ ଘର। ଯେଉଁ ଘରକୁ ଭଡ଼ାରେ ଦିଆଯାଇଛି। ଯେଉଁଠି ମାସମାସ ଧରି ସ୍ପା ନାଁରେ ଚାଲିଥିଲା ସେକ୍ସ କାରବାର। ରେଟ୍&zwnj; ଥିଲା ୧୪୦୦ରୁ ୩୦୦୦ ଟଙ୍କା। ମସାଜ ନାଁରେ ଗ୍ରାହକମାନେ ଆସୁଥିଲେ ସେକ୍ସ କାରବର କରି ଚାଲି ଯାଉଥିଲେ। ଗତକାଲି ୩ ଥାଇଲାଣ୍ଡ ଯୁବତୀ ଉଦ୍ଧାର ହେବା ପରେ କମିଶନରେଟ୍&zwnj; ପୋଲିସ ଘଟଣାର ପର୍ଦ୍ଦାଫାସ କରିଛି। ମାତ୍ର ପ୍ରଶ୍ନ ଉଠୁଛି ଏ ସମ୍ପର୍କରେ ଘର ମାଲିକ ଶିଳ୍ପପତି ତ୍ରୈଲୋକ୍ୟ ମିଶ୍ର କେମିତି ଜାଣିପାରୁ ନଥିଲେ? ନା ଅର୍ଥ ଲୋଭରେ ଜାଣିଶୁଣି ଚୁପ୍&zwnj; ରହୁଥିଲେ? ସ୍ପା ଚଳାଉ ଥିବା ମାଲିକ ଏବେ କେଉଁଠି ? ଏନେଇ ତୈଲୋକ୍ୟ ମିଶ୍ରଙ୍କ ପ୍ରତିକ୍ରିୟା ମିଳିପାରିନଥିବା ବେଳେ ପୋଲିସ ଛାନଭିନ ଜାରି ରଖିଛି।</p> <p>&lt;a href=&quot;&quot;&gt;(image) &lt;/a&gt;ପୋଲିସ କମିଶନର ଯୋଗେଶ ବାହାଦୁର ଖୁରାନିଆ କହିଛନ୍ତି-&ldquo;ସେକ୍ସ ରାକେଟ୍&zwnj; ଚାଲିଥିବା ଘର କାହା ନାଁରେ ରହିଛି ଓ କାହାକୁ ଲିଜ୍&zwnj; ଦିଆଯାଇଛି, ସେନେଇ ତଦନ୍ତ କରାଯିବ। ଏହାଛଡ଼ା ଉଦ୍ଧାର ହୋଇଥିବା ଥାଇଲାଣ୍ଡ ଯୁବତୀଙ୍କ ଭିସା ଯାଞ୍ଚ କରାଯିବ।&rdquo;</p> <p>ରାଜଧାନୀର କେନ୍ଦ୍ରସ୍ଥଳୀରେ ରହିଛି ଏହି ହାଇପ୍ରୋଫାଇଲ ସ୍ପା। ଆସୁଥିଲେ ବିଦେଶିନୀ ଯୁବତୀ। ମସାଜ ନାଁରେ ଗ୍ରାହକମାନେ ଛୋଟଛୋଟ ରୁମ୍&zwnj;ରେ ସେକ୍ସର ମଜା ନେଉଥିଲେ। ଏଥିପାଇଁ ଗ୍ରାହକଙ୍କ ମଧ୍ୟ କିଛି ଅର୍ଥ ଶ୍ରାଦ୍ଧ କରିବାକୁ ପଡ଼ୁଥିଲା। ଉତ୍କଳ ପ୍ରପ୍&zwnj;ଟିଜ ପ୍ରାଇଭେଟ ଲିମିଟେଡ ନାଁରେ ଏକ ସଂସ୍ଥା ଗତ ଅଗଷ୍ଟ ମାସରେ ମାସକୁ ୨୦,୦୦୦ ଟଙ୍କା ଭଡାରେ ନେଇଥିଲା ଏହି ଘର। ଯାହାର ମାଲିକ ହେଉଛନ୍ତି ଶ୍ରୀନିବାସ ନନ୍ଦ। ତୃତୀୟ ଫ୍ଲୋରରେ ରହୁଥିଲେ ଶିଳ୍ପପତି ତ୍ରୈଲୋକ୍ୟ ମିଶ୍ର। ଚତୁର୍ଥ ଫ୍ଲୋରରେ ଭଡାରେ ଚାଲିଥିଲା ସ୍ପା। ତେବେ ଏ ଭିତରେ ସେକ୍ସ କାରବାର ସାମନାକୁ ଆସିବା ପରେ ମୁହଁ ଖୋଲିଛନ୍ତି ଶିଳ୍ପପତିଙ୍କ ବୋହୂ। ପୂର୍ବରୁ ଶିଳ୍ପପତିଙ୍କ ପୁଅ ଅର୍ଥାତ ତାଙ୍କ ସ୍ୱାମୀଙ୍କ ବିରୁଦ୍ଧରେ ଓ୍ୱାଇପ ସ୍ୱାପିଂ ଭଳି ସଙ୍ଗୀନ ଅଭିଯୋଗ ଆଣିଥିବା ଲୋପାମୁଦ୍ରା କହିଛନ୍ତି ସବୁ କିଛି ପରିବାର ଗୋଚରରେ ଚାଲୁଥିଲା। ସେପଟେ&nbsp; ଶିଳ୍ପପତିଙ୍କ ପୁଅ ସବ୍ୟସାଚୀ&nbsp; ଅଭିଯୋଗକୁ ଖଣ୍ଡନ କରିଛନ୍ତି।</p> <p>https://youtu.be/jdGHQJXaRa4</p>