ରାଜ୍ୟ ସରକାରଙ୍କ ତାଗିଦ୍‌କୁ ଶିକ୍ଷକଙ୍କ ଫୁ’

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରରେ ହେଉଥିବା ଆନ୍ଦୋଳନରେ ସାମିଲ ନହେବା ପାଇଁ ଗତକାଲି ରାଜ୍ୟ ସରକାରଙ୍କ ଗଣଶିକ୍ଷା ବିଭାଗ ଶିକ୍ଷକମାନଙ୍କୁ ତାଗିଦ କରିଥିଲା। ଏହା ସତ୍ତ୍ୱେ ଆଜି ଶିକ୍ଷକ ଓ ଶିକ୍ଷୟିତ୍ରୀମାନେ ଆନ୍ଦୋଳନରେ ସାମିଲ ହୋଇଛନ୍ତି। ଶିକ୍ଷକଙ୍କ ସର୍ବନିମ୍ନ ଗ୍ରେଡ୍&zwnj; ପେ&rsquo; ୨୮୦୦ ଟଙ୍କା କରିବାକୁ ଦାବି କରି ସରକାରଙ୍କ ବିରୋଧରେ ରଣ ହୁଙ୍କାର ଦେଇଛନ୍ତି।</p> <p>ଆଜି ପ୍ରାଥମିକ ଶିକ୍ଷକ ସଂଘ ଓ ଓଡ଼ିଶା ଶିକ୍ଷା ସହାୟକ ସଂଘ ଶତାଧିକ ଶିକ୍ଷକ ଭୁବନେଶ୍ୱର ମାଷ୍ଟର କ୍ୟାଣ୍ଟିନ୍&zwnj;ରେ ଏକତ୍ର ହୋଇଥିଲେ। ପରେ ବିଶାଳ ଶୋଭାଯାତ୍ରାରେ ବିଧାନସଭା ଅଭିମୁଖେ ଯାଇଥିଲେ। ରାସ୍ତାରେ ସେମାନଙ୍କୁ ପୋଲିସ ଅଟକାଇବାରୁ ଲୋୟର ପିଏମ୍&zwnj;ଜିତ ସଭାରେ ଶିକ୍ଷକ ନେତାମାନେ ଯୋଗଦେଇ ରାଜ୍ୟ ସରକାରଙ୍କ ଶିକ୍ଷା ନୀତିକୁ ବିରୋଧ କରିଥିଲେ।</p> <p>ଶିକ୍ଷକଙ୍କ ଏପରି ଆଭିମୁଖ୍ୟକୁ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର ବିରୋଧ କରିଛନ୍ତି। ସେ କହିଛନ୍ତି-&ldquo;ସ୍ୱତନ୍ତ୍ର କମିଟି ଶିକ୍ଷକ ଓ ଶିକ୍ଷୟିତ୍ରୀଙ୍କ ଦାବି ଅନୁଧ୍ୟାନ କରୁଛନ୍ତି। ଏହାସତ୍ତ୍ୱେ ଶିକ୍ଷକମାନେ ଆନ୍ଦୋଳନ କରୁଛନ୍ତି। ଆନ୍ଦୋଳନରେ ସାମିଲ ହେବା ପୂର୍ବରୁ ସେମାନେ ଛୁଟି ନେଇଛନ୍ତି କି ନାହିଁ ତର୍ଜମା କରାଯିବ। ଯଦି ଛୁଟି ନେଇନଥାନ୍ତି ବା ସ୍କୁଲରେ ପାଠ ପଢ଼ାରେ ଅସୁବିଧା ହୋଇଥାଏ, ତାହାହେଲେ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।&rdquo;</p> <p>ଜଣେ ଶିକ୍ଷକ କହିଛନ୍ତି-&ldquo;ରାଜ୍ୟ ସରକାର ଶିକ୍ଷକ ମାରଣ ନୀତି ଆପଣାଇଛନ୍ତି। ବାରମ୍ୱାର ପ୍ରତିଶ୍ରୁତି ଦେଇ ପ୍ରତାରଣା କରୁଛନ୍ତି। ଆମେ ମୂଷା ବା ହରିଣ ନୁହେଁ ସରକାରଙ୍କ ତାଲି ଆଖିରେ ଦବିଯିବୁ। ଆମେ ଆମର ହକ୍&zwnj; ପାଇଁ ଆନ୍ଦୋଳନ କରିବୁ।&rdquo;</p> <p>ଆଉ ଜଣେ ଶିକ୍ଷକ କହିଛନ୍ତି-&ldquo;୨୦୧୦ ଶିକ୍ଷା ଅଧିକାର ଆଇନ୍&zwnj; ଅନୁସାରେ ଶିକ୍ଷକଙ୍କ ଶିକ୍ଷାଗତ ଯୋଗ୍ୟତା ଯୁକ୍ତ ଦୁଇ ସିଟି ପାସ ରଖାଯାଇଛି। ଭାରତବର୍ଷ ଓଡ଼ିଶା ହେଉଛି ପ୍ରଥମ ରାଜ୍ୟ, ଯେଉଁଠି ଶିକ୍ଷକଙ୍କ ସର୍ବନିମ୍ନ ଗ୍ରେଡ୍&zwnj; ପେ&rsquo; ୨୨୦୦ ଟଙ୍କା ରହିଛି। ଏହାକୁ ବଢ଼ାଇ ୨୮,୦୦ ଟଙ୍କା କରାଯାଉ।&rdquo;</p>