ଆସନ୍ତାକାଲି ଛାତ୍ର ସଂସଦ ନିର୍ବାଚନ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତାକାଲି ପୂର୍ବାହ୍ନରୁ ନିର୍ବାଚନ ପାଇଁ ମତଦାନ ଆରମ୍ଭ ହେବ। ଅପରାହ୍ନରେ ଫଳାଫଳ ଘୋଷଣା ହେବ। ସୋମବାର ବିଜୟୀ ପ୍ରାର୍ଥୀ ଶପଥ ନେବେ। ଏଥିପାଇଁ କେତେକ କଲେଜରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଏହା ପୂର୍ବରୁ ଆଜି ହୋଇଥିଲା ହ୍ୱାଟ୍ ଆଇ ଷ୍ଟାଣ୍ଡ ଫର ମିଟିଂ। ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀମାନେ ନିଜ ସପକ୍ଷରେ ଭୋଟ୍&zwnj; ଭିକ୍ଷା କରିଥିଲେ।</p><p>&lt;span style=&quot;color: #ff0000;&quot;&gt;ସରିଲା ହ୍ୱାଟ୍ ଆଇ ଷ୍ଟାଣ୍ଡ ଫର ମିଟିଂ&lt;/span&gt;</p><p>&lt;a href=&quot;&quot;&gt;(image) &lt;/a&gt;ଛାତ୍ର ସଂସଦ ନିର୍ବାଚନ ପାଇଁ କଟକର ବିଭିନ୍ନ କଲେଜରେ ଶାନ୍ତିଶୃଙ୍ଖଳାରେ ସରିଛି ହ୍ୱାଟ୍ ଆଇ ଷ୍ଟାଣ୍ଡ ଫର୍ ମିଟିଂ। ମୁଁ କାହିଁକି ପ୍ରାର୍ଥୀ ହେଲି, ସେନେଇ ପ୍ରାର୍ଥୀମାନେ ନିଜ ଆଭିମୁଖ୍ୟ ସ୍ପଷ୍ଟ କରିଥିଲେ। ଆସନ୍ତାକାଲି ଭୋଟ୍&zwnj; ଥିବାରୁ ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସାହ ଦେଖା ଦେଇଛି।</p><p>ପୁରୀ ସାମନ୍ତ ଚନ୍ଦ୍ର ଶେଖର ସ୍ୱୟଂଶାସିତ କଲେଜରେ ଅନୁଷ୍ଠିତ ହୋଇଛି ହ୍ୱାଟ୍ ଆଇ ଷ୍ଟାଣ୍ଡ ଫର ମିଟିଂ। ଛାତ୍ରଛାତ୍ରୀଙ୍କୁ ପ୍ରଭାବିତ କରିବାର ଶେଷ ସୁଯୋଗକୁ ହାତଛଡ଼ା କରିନାହାନ୍ତି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀମାନେ। ଏଥିପାଇଁ କଲେଜ କ୍ୟାମ୍ପସରେ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ଏଠାରେ ଆସନ୍ତାକାଲି ସକାଳ ୮ଟାରୁ ଦିନ ୨ଟା ପର୍ଯ୍ୟନ୍ତ ଭୋଟ ଗ୍ରହଣ ହେବ।</p><p>କେନ୍ଦୁଝର ଧରଣୀଧର ସ୍ୱୟଂଶାସିତ କଲେଜରେ ଛାତ୍ର ସଂସଦ ନିର୍ବାଚନ ପାଇଁ ଯୁକ୍ତ ୩ ବର୍ଗରେ ସଭାପତି ପଦ ପାଇଁ ୩ ଜଣ, ସମ୍ପାଦକ ପଦ ପାଇଁ ୨ଜଣ ଓ ସମୁଦାୟ ୨୦ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି। ସେମାନେ ଆଜି ହ୍ୱାଟ୍ ଆଇ ଷ୍ଟାଣ୍ଡ୍ ଫର୍ ମିଟିଂରେ ଯୋଗଦେଇ ଛାତ୍ରଛାତ୍ରୀଙ୍କୁ ପ୍ରଭାବିତ କରିବାକୁ ଚେଷ୍ଟା କରିଥିଲେ। ସେହିପରି ସରକାରୀ ମହିଳା କଲେଜରେ ସଭାପତି ପାଇଁ ୩ଜଣ ଓ ସମ୍ପାଦକ ପାଇଁ ୩ଜଣଙ୍କ ସମେତ ମୋଟ ୧୬ ଜଣ ପ୍ରାର୍ଥିନୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସେମାନେ ମଧ୍ୟ ଆଜି ହ୍ୱଟ୍&zwnj; ଆଇ ଷ୍ଟାଣ୍ଡ୍ ଫର୍ ମିଟିଂରେ ଭାଗ ନେଇଛନ୍ତି।</p><p>ବାଲେଶ୍ୱର ଫକୀର ମୋହନ କଲେଜରେ ହେଉଛି ତ୍ରିମୁଖୀ ଲଢ଼େଇ ହେଉଛି। ଏନ୍&zwnj;ଏସ୍&zwnj;ୟୁଆଇ, ବିସିଜେଡି ଓ ଏବିଭିପିର ପ୍ରାର୍ଥୀମାନେ ଛାତ୍ର ସଂସଦ ନିର୍ବାଚନରେ ପ୍ରତିଦ୍ୱନ୍ଦିତା କରୁଛନ୍ତି। ଆଜି କଲେଜ ପରିସରରେ ହୋଇଥିବା ହ୍ୱଟ୍&zwnj; ଆଇ ଷ୍ଟାଣ୍ଡ୍ ଫର୍ ମିଟିଂରେ ଯୋଗଦେଇ ନିଜର ମତ ରଖିଥିଲେ।</p><p>କୋରାପୁଟ ଜିଲ୍ଲା ବିକ୍ରମଦେବ ସ୍ୱୟଂଶାସିତ କଲେଜରେ ସମସ୍ତ ପ୍ରାର୍ଥୀ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବା ବେଳେ କେବଳ ସଭାପତି ପଦ ପାଇଁ ୪ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି। ପ୍ରାର୍ଥୀମାନେ ଆଜି ନିଜ ସମର୍ଥକଙ୍କ ଗହଣରେ କଲେଜକୁ ଆସି ହ୍ୱଟ୍&zwnj; ଆଇ ଷ୍ଟାଣ୍ଡ୍ ଫର୍ ମିଟିଂରେ ନିଜ ଆଭିମୁଖ୍ୟ ଛାତ୍ରଛାତ୍ରୀଙ୍କ ଆଗରେ ରଖିଥିଲେ।</p><p>ରାଉଲକେଲାର ସମସ୍ତ କଲେଜରେ ମଧ୍ୟ ଅନୁଷ୍ଠିତ ହୋଇଛି ହ୍ୱଟ୍&zwnj; ଆଇ ଷ୍ଟାଣ୍ଡ୍ ଫର୍ ମିଟିଂ। ପ୍ରାର୍ଥୀମାନେ ଏଥିରେ ଭାଗ ନେଇ ନିଜ ନିଜର ଅଭିଭାଷଣ ରଖିଥିଲେ। ଇସ୍ପାତ ସ୍ୱୟଂଶାସିତ କଲେଜରେ ଏଥର ସଭାପତି ପଦ ପାଇଁ ୩ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି।</p><p>&lt;span style=&quot;color: #ff0000;&quot;&gt;ଛାତ୍ର ଉତ୍ତେଜନା&lt;/span&gt;</p><p>ଭୁବନେଶ୍ୱର ନୂଆପଲ୍ଲୀରେ ଥିବା ଦେବରାୟ କଲେଜରେ ଆଜି ଛାତ୍ର ଉତ୍ତେଜନା ଦେଖା ଦେଇଥିଲା।&nbsp; ଛାତ୍ର ସଂସଦ ନିର୍ବାଚନକୁ ନେଇ ଦୁଇ ଛାତ୍ର ଗୋଷ୍ଠୀ ମୁହାଁମୁହିଁ ହୋଇଥିଲେ। ହ୍ୱାଟ ଆଇ ଷ୍ଟାଣ୍ଡ ଫର ମିଟିଂ ଚାଲିଥିବାବେଳେ ସୃଷ୍ଟି ହୋଇଥିଲା ଉତ୍ତେଜନା। ଗୋଟିଏ ଗୋଷ୍ଠୀର ଛାତ୍ର, ଅନ୍ୟ ଏକ ଗୋଷ୍ଠୀର ଛାତ୍ରଙ୍କୁ ଆକ୍ରମଣ କରିଥିଲେ।</p><p>https://youtu.be/A1nAIl3tFI8</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।