କାହିଁକି ଓ କେମିତି ପାଳିବେ ପଣାସଂକ୍ରାନ୍ତି , ଶୁଣନ୍ତୁ କ’ଣ କୁହନ୍ତି ସଂସ୍କୃତି ଗବେଷକ

ଡଃ ଚନ୍ଦ୍ରଶେଖର ଦାଶ
ଡଃ ଚନ୍ଦ୍ରଶେଖର ଦାଶ

ଆଜି ହେଉଛି ବିଷୁବ ସଂକ୍ରାନ୍ତି। ଏହାକୁ ପଣାସଂକ୍ରାନ୍ତି ବୋଲି ମଧ୍ୟ କୁହାଯାଏ। ଏଦିନ ସୂର୍ଯ୍ୟ ବିଶୁବ ରେଖାରେ ଅବସ୍ଥାନ କରିଥାନ୍ତି। ୧୨ଟି ରାଶି ଓ ୧୨ଟି ସଂକ୍ରାନ୍ତି ମଧ୍ୟରେ ଚାରୋଟି ମୁଖ୍ୟ ସଂକ୍ରାନ୍ତି ରହିଛି। ଏଥିରୁ ସର୍ବଶ୍ରେଷ୍ଠ ପଣା ସଂକ୍ରାନ୍ତି । ମୁଖ୍ୟତଃ ଦକ୍ଷିଣାୟନ ସଂକ୍ରାନ୍ତି , ଗର୍ଭଣା ସଂକ୍ରାନ୍ତି ଆଉ ମକର ସଂକ୍ରାନ୍ତିର ଅଧିକ ପ୍ରାଧାନ୍ୟ ରହିଛି।  ପଣାସଂକ୍ରାନ୍ତିରେ ମହାବୀର ହନୁମାନ ଜନ୍ମ ଗ୍ରହଣ କରିଥିଲେ।

ତେଣୁ ଏହି ଦିନ ହନୁମାନଙ୍କ ପୂଜା କରାଯାଏ। ତେବେ ପଣା ସଂକ୍ରାନ୍ତିର ସ୍ୱତନ୍ତ୍ରତା ଅନେକ ରହିଛି। ଏଦିନ କିଛି କାର୍ଯ୍ୟ କରିବା ଦ୍ୱାରା ଜୀବନରେ ବିଭିନ୍ନ ସମସ୍ୟା ଦୂର ହୋଇଥାଏ। ତେବେ ସଂସ୍କୃତି ଗବେଷକ ଡଃ ଚନ୍ଦ୍ରଶେଖର ଦାଶଙ୍କ ମତ କଣ ରହିଛି ଆସନ୍ତୁ ଜାଣିବା।

 

୧-ମହା ବିଷୁବ ସଂକ୍ରାନ୍ତିରେ ଜଳ, ତିଳ ଅର୍ପଣ କଲେ  ବର୍ଷ ସାରା ନିରୋଗ ରହିବେ। ତେଣୁ ଏହି ଦିନ ସୂର୍ଯ୍ୟଙ୍କୁ ଜଳ ଅର୍ପଣ କରନ୍ତୁ।

୨-ତୁଳସୀ ଗଛରେ ଠେକି ଲଗାଇ ଜଳ ଭରନ୍ତୁ।

୩- ଆଜିର ଦିନରେ ଆମ୍ୱପତ୍ରର ତୋରଣ କରି ଦାଣ୍ଡ ଦୁଆରରେ ବାନ୍ଧନ୍ତୁ। ଏହା  ଘରୁ ନକାରାତ୍ମକ ଶକ୍ତି ଦୂର ହୁଏ।

୪-ଘର ଅଗଣାରେ ଗୋବର ପାଣି ଛିଞ୍ଚନ କରନ୍ତୁ।  ଏହା ଘର ପାଇଁ ଶୁଭ ହୋଇଥାଏ।

୫-ପଣା ସଂକ୍ରାନ୍ତି ଶନିବାର ପଡୁଥିବାରୁ ଏହି ଦିନ ଶ୍ୱେତ ଅରଖ ଚେରକୁ ସୁନା , ରୂପା କିମ୍ୱା ତମ୍ୱା ତାବିଜରେ ଧାରଣ କରି ଡାହାଣ ହାତରେ ପୁରୁଷ ଏବଂ ବାମ ହାତରେ ନାରୀ ପିନ୍ଧିଲେ ସ୍ୱାସ୍ଥ୍ୟ ଭଲ ରହିବା ସହ ମାଲିମକଦ୍ଦମାରେ ଜୟଯୁକ୍ତ ହେବେ।

୬-ଫଳନ୍ତି ଡାଳିମ୍ବ ଗଛର ଚେରକୁ ହାତରେ ବାନ୍ଧିଲେ ଶୁଭଫଳ ମିଳିଥାଏ।