ଆଶ୍ଚର୍ଯ୍ୟ ହେଲେ ବି ସତ: ନବଜାତ ଶିଶୁର ଓଜନ ୭.୧ କେଜି

ହାନୋଇ: ସାଧାରଣତଃ ପିଲା ଜନ୍ମ ହେବା ବେଳେ ୩ରୁ ୪ କେଜି ମଧ୍ୟରେ ହୋଇଥାଏ। କିଛି କ୍ଷେତ୍ରରେ ପିଲାଙ୍କ ଓଜନ ଏହାଠାରୁ ସାମାନ୍ୟ ଅଧିକ ଥାଏ। ହେଲେ ଆମେ ଆଜି ଏମିତି ଏକ ପିଲା କଥା କହିବାକୁ ଯାଉଛୁ, ଯାହାର ଓଜନ ଶୁଣିଲେ ଆପଣଙ୍କ ହୋସ୍‌ ଉଡିଯିବ। ପିଲାଟି ଜନ୍ମ ହେବା ବେଳେ ଏହାର ଓଜନ ୭.୧ କିଲୋ ଥିଲା। ଏହା ଦେଖି ଚିକିତ୍ସା କରୁଥିବା ଡାକ୍ତର ବି ଆଶ୍ଚର୍ଯ୍ୟ ହୋଇଯାଇଥିଲେ। କୁହାଯାଉଛି ଦକ୍ଷିଣ ଏସିଆରେ ଏତେ ଓଜନର ପିଲା ଜନ୍ମ ହେବା ପ୍ରଥମ ଘଟଣା। ଏବେ ଉଭୟ ନବଜାତ ଶିଶୁ ଓ ତା’ର ମାଆ ସୁସ୍ଥ ଅଛନ୍ତି। ସେମାନଙ୍କୁ ମେଡିକାଲରେ ରଖାଯାଇଛି। କିଛିଦିନ ପରେ ସେମାନେ ଡିସ୍‌ଚାର୍ଜ ହେବ।

ଭିଏତନାମରେ ଘଟିଛି ଏପରି ଆଶ୍ଚର୍ଯ୍ୟ ଘଟଣା। ଉତ୍ତର ୱହ ଫୁକ ପ୍ରାନ୍ତର ମହିଳା ଜଣଙ୍କ ଯେତେବେଳେ ମେଡିକାଲ ଯାଇଥିଲେ ତାଙ୍କ ଶିଶୁଟିର ଓଜନ ପ୍ରାୟ ୫ କେଜି ପାଖାପାଖି ଥିବ ବୋଲି ଡାକ୍ତର କହିଥିଲେ। ହେଲେ ଶିଶୁଟି ଜନ୍ମ ହେବା ପରେ ସମସ୍ତେ ତା’ର ଓଜନ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।

ପିଲାଟିକୁ ଚିକିତ୍ସା କରୁଥିବା ଡାକ୍ତର କହିଛନ୍ତି, “ମୋ କ୍ୟାରିୟରରେ ଏମିତି ଚମତ୍କାର କେବେ ଦେଖି ନଥିଲି।”